Valgerður Hjaltalín fær viðurkenningu í hugmyndsamkeppni Faxaflóahafna
Á Heimasíðu FNV er sagt frá því að þann 11. desember voru veitt verðlaun í hugmyndasamkeppni Faxaflóahafna sf. um skipulag gömlu hafnarinnar og Örfiriseyjar í Reykjavík. Þar vann Valgerður Hjaltalín, nemandi við FNV, til verðlauna fyrir tillögu sína.
Athöfnin fór fram í Víkinni, Sjóminjasafninu á Grandagarði. Keppnin var í tveimur hlutum, A-hluta sem var ætlaður fagaðilum og í samstarfi við Arkitektafélag Íslands og B-hluta sem var opinn öllum. Markmið samkeppninnar var að „fá fram frjóar og fjölbreyttar hugmyndir um framtíðarnýtingu og framtíðarskipulag Gömlu hafnarinnar“. Í dómnefnd sátu sjö manns, þar af þrír frá Arkitektafélaginu, en Júlíus Vífill Ingvarsson borgarfulltrúi var formaður dómnefndar. Heildarfjárhæð verðlauna voru 14 m.kr. og þar af runnu 2 m.kr. í B-hluta.
Valgerður tók þátt í námskeiði Myndlistaskóla Reykjavíkur í ágúst 2009, en námskeiðið hét „Myndlist og arkitektúr“ og kennarar voru bæði myndlistarmenn og arkitektar. Viðfangsefni nemenda var hugsað út frá samkeppni Faxaflóahafna og voru hugmyndirnar sendar í keppnina. Ein af þeim var hugmynd Völu. Alls bárust 39 tillögur í B-hlutann, þar af fengu 8 tillögur verðlaun. Tillaga Völu var um gerð leikvallar á Granda og í umsögn dómnefndar segir að framsetning sé „frjálsleg en skýr“. Verðlaunin sem hún fékk voru 200.000 krónur.
Valgerður Hjaltalín er á sautjánda aldursári, dóttir Sigríðar K. Þorgrímsdóttur sérfræðings hjá Byggðastofnun og Þórs Hjaltalíns minjavarðar.
/fnv.is
Fleiri fréttir
-
Tómar tilviljanir urðu til þess að Andri Már er óvart kominn með hljómsveit í Mexíkó
feykir.is Skagafjörður, Listir og menning, Lokað efni 15.03.2025 kl. 22.41„Veðrið er frábært! Núna er klukkan átta að morgni og hitinn er um 10 gráður, svo fer hitinn upp í 25-30 gráður yfir daginn svo það er eins gott að eiga góðan kúrekahatt til að skýla sér fyrir sólinni,“ segir Andri Már Sigurðsson, tónlistarmaður og Króksari í Mexíkó, þegar Feykir tekur hann tali og byrjar að sjálfsögðu á því að spyrja um veðrið. Viðtalið snýst þó ekki um veður, heldur tónlist og hvernig Andri Már stofnaði óvart hjómsveit í MexíkóMeira -
Gestirnir höfðu betur í baráttuleik
feykir.is Skagafjörður, Íþróttir, Lokað efni 15.03.2025 kl. 21.28Það var boðið upp á markaveilsu í blíðunni á Króknum í dag þegar lið Tindastóls tók á móti sameinuðu liði Hattar/Hugins að austan í Lengjubikarnum. Jafnt var í hálfleik, 1-1. en fjör færðist í markaskorunina í síðari hálfleik og fór svo á endaum að gestirnir unnu leikinn 3-4 eftir mark í uppbótartíma.Meira -
Það er sjö stiga hiti í veðurkortunum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.03.2025 kl. 21.21Það er ekki ólíklegt að flestir aðrir en skíðavinir gleðjist yfir veðurspánni næstu daga. Það eru vorhlýindi í kortunum og stöðugleikinn svo einstakur að sumir gætu jafnvel haldið að vefur Veðurstofunnar væri bilaður – þannig er til dæmis spáð sjö stiga hita á hádegi á Sauðárkróki næstu fimm daga eða alveg fram á fimmtudag hið minnsta.Meira -
Stefnt að endurnýjun rafkerfisins í kirkjugarði Blönduóss
feykir.is Austur-Húnavatnssýsla, Mannlíf 15.03.2025 kl. 21.19Húnahornfið segir frá því að á aðalfundi Kirkjugarðs Blönduóss, sem fram fór 12. mars síðastliðinn, var samþykkt að á næstu þremur árum yrði unnið að endurnýjun rafmagnskerfisins í kirkjugarðinum og að sett yrði upp tenglahús fyrir jólaljósin. Þá var samþykkt að ganga frá göngustígum í nýjasta hluta garðsins og setja mottur, eins og eru á stígunum sem liggja í gegnum garðinn. Lausleg kostnaðaráætlun vegna þessara framkvæmda er um átta milljónir króna.Meira -
Njarðvíkingar brugðu fæti fyrir lið Tindastóls
feykir.is Skagafjörður, Íþróttir, Lokað efni 14.03.2025 kl. 09.48Tindastólsmenn spiluðu í gær við lið Njarðvíkur í spunkunýju Ljónagryfjunni í næstsíðustu umferðinni í Bónus deildinni þennan veturinn. Umræðan hjá spekingum hefur mestmegnis verið á þá leið að það væri nánast formsatriði fyrir Stólana að tryggja sér deildarmeistaratitilinn en útileikur í Njarðvík og heimaleikur gegn Val eru ekki beinlínis léttasta leiðin að deildarmeistaratitlinum þegar allt er í járnum. Það fór svo að Njarðvíkingar voru frískari og þá sér í lagi byrjunarlið þeirra sem skoraði öll stig liðsins utan einhverra sex sem SnjólfurStefánsson gerði. Lokatölur voru 101-90.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.