Tveir girnilegir smáréttir
Ég, Sigríður Garðarsdóttir, elska að fara út að borða og fá mér nokkra smárétti og uppáhalds veitingastaðurinn minn, fyrir sunnan, sem býður upp á þess konar rétti er Tapas. Þegar þessi matarþáttur var skrifaður var ég vör við það að sá veitingastaður væri að halda upp á 22 ára afmæli, enda ekki hissa að hann hafi náð að halda úti rekstri í öll þessi ár, því ég hef aldrei orðið fyrir vonbrigðum þegar ég hef farið þangað og alltaf nóg að gera hjá þeim. En á Króknum er enginn Tapas staður og þá verður maður að hugsa út fyrir rammann og reyna að græja þetta sjálfur, er það ekki bara… Hér koma tveir girnilegir smáréttir af síðunni www.hanna.is.
RÉTTUR 1
Djúpsteiktar avókadórúllur með dippsósu
4–5 mátulega þroskuð avókadó – skorin í bita og aðeins maukuð (einnig hægt að nota frosin)
1 stk rauðlaukur – saxaður smátt
2 stk rauður chilipipar – fræhreinsaðir að mestu og saxaðir smátt
4 msk. ferskt koriander – saxað smátt
pipar og saltflögur
safi úr einu lime/límonu
frosnar Tyj spring roll pastry (fást t.d. í Fiska) – hægt að hafa þær bæði litlar og stórar
Aðferð: Pastry kökurnar teknar úr frysti og látnar þiðna aðeins – þá er betra að ná þeim í sundur. Avókadóbitar, saxaður rauðlaukur, chilipipar og kóriander sett saman í skál. Lime kreist yfir, saltað og piprað – blandað saman og avókadóbitarnir maukaðir aðeins með gaffli. Skeið af avókadómauki sett á eina köku og hún rúlluð upp (sjá myndband). Það er smekksatriði hversu mikið er sett í hverja rúllu. Best að bleyta hliðarnar á hverri köku með fingrunum svo að deigið festist betur saman. Þá eru minni líkur á að rúllan opnist i djúpsteikingunni. Olía sett í djúpa pönnu eða pott. Olían hituð og rúllurnar djúpsteiktar á báðum hliðum.
Dippsósa:
½ dl ferskt kóríander – saxað
2 stk hvítlauksrif – pressuð
cumin á hnífsbroddi
½ msk. hunang
½ tsk. hvítvínsedik
1–1½ dl olía
½ tsk. sesamfræ
8–10 stk. kasjúhnetur – saxaðar
nokkrir dropar af tamarí sósu
1 tsk. tahini
pipar og saltflögur
Aðferð: Allt hráefni sett í skál og blandað saman
RÉTTUR 2
Grilluð hörpuskel með beikoni og döðlum
Hörpuskel – pinnar:
3 meðalstórar hörpuskeljar á hvern pinna (sjá verklýsingu)
2 döðlur á pinna
beikon
sherry
hunang
Aðferð: Best er að nota millistærð af hörpuskel en hún fæst mjög sjaldan. Þessar litlu eru of smáar og þær stóru þarf oft að skera í tvennt. Betra að hafa döðlur og hörpuskel í svipaðri stærð annars brenna döðlurnar/hörpudiskurinn áður en allt er tilbúið á grillinu. Sherry og hunangi blandað saman í skál – ekki of mikið. Betra að bæta við ef með þarf en hörpuskelin getur verið blaut og þynnt blönduna (ráð að láta hörpuskelina liggja á eldhúspappír áður en henni er velt upp úr sherryblöndunni). Hörpuskelinni velt upp úr sherryblöndunni. Beikoni (1/2 – 1 ræma) vafið utan um hörpuskelina og sett á grillpinnann. Þá er sett ein steinlaus daðla á pinnnann og síðan koll af kolli. Þrjár beikonvafðar hörpuskeljar og tvær döðlur á hverjum pinna.
Salatdressing:
ólífuolía
balsamik edik
safi úr sítrónu
púðursykur eða hlynsýróp
hvítlaukur
smá whole grain mustard
skvetta af góðri sojasósu
salt og pipar
Aðferð: Hráefnum blandað saman. Hlutföllin eru meira tilfinning en hitt. Smakka til.
Samsetning:
salat
peckanhnetur/valhnetur
seasamfræ
Aðferð: Pinnarnir settir á heitt grillið og þeir grillaðir í u.þ.b. 2 mínútur á hvorri hlið – háð stærð hörpuskelja og hita á grillinu. Salat sett á disk, salatdressingu hellt yfir, hnetum og seasamfræjum stráð yfir. Grillpinnanum tyllt á salatið og ögn af salatdressingunni hellt yfir.
Verði ykkur að góðu
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.