Tvær asískar kássur
Góður pottréttur klikkar sjaldan og gengur við flest tækifæri. Í uppskriftamöppu umsjónarmanns matarþáttar Feykis leynist ógrynni uppskrifta af pottréttum með hinum ýmsu kryddum og blæbrigðum. Í 15. tbl. Feykis árið 2018 birtust uppskriftir að tveimur slíkum með austurlensku sniði, ólíkar en báðar afbragðsgóðar.
RÉTTUR 1
Indverskur kjúklingaréttur
3 rauð epli
1-2 hvítlauksgeirar
1 kjúklingur
2 laukar
4-6 msk. mango chutney
1 rauð paprika
4 msk. olía
½ msk. tandoori masala
½ msk. tandoori curry-krydd
Aðferð:
Steikið kjúklinginn, úrbeinið hann og skerið í bita. Hitið olíuna á pönnu, stráið karríi á pönnuna og hluta af masala-kryddinu. Saxið laukinn og látið hann krauma í olíunni þar til hann er orðinn mjúkur. Afhýðið eplin og skerið í bita, bætið þeim á pönnuna og látið krauma í nokkrar mínútur. Bætið pressuðum hvítlauknum og saxaðri paprikunni út í, steikið áfram í nokkrar mínútur. Bætið kjúklingnum við og bragðbætið með mango chutney. Kryddið með afganginum af masala kryddinu, má sleppa ef ykkur finnst rétturinn vera orðinn nógu sterkur. Borið fram með hrísgrjónum og hvítlauksbrauði eða naan-brauði.
Naan-brauð
450 g hveiti
2 tsk. lyftiduft
¼ tsk. salt
3-3½ dl Ab mjólk
krydd að eigin vali, t.d. ferskur kóríander, hvítlaukur eða saxað chili
Aðferð:
Blandið þurrefnunum saman í skál og bætið Ab-mjólkinni út í ásamt olíu. Hnoðið deigið saman, fletjið það út og skerið í passlegar kökur. Athugið að hafa þær ekki of þykkar.
Bakið á pönnu á báðum hliðum þar til brauðið er gegnumsteikt. Breiðið rakt stykki yfir brauðin þegar þau eru tilbúin. Gott er að smyrja þau með hvítlaukssmjöri.
RÉTTUR 2
Indónesískur lambakjötspottréttur
800-1000 g beinlaust lambakjöt í bitum
1 laukur, saxaður
1 hvítlauksgeiri, saxaður
matarolía til steikingar
1 dós tómatsósa (400 g)
1 lítil dós tómatpurra
1½ dl vatn
2 msk. púðursykur
2 tsk. sterkt karrí
½ -1 tsk. sjávarsalt með jurtum
1 kjúklingateningur
2 epli, afhýdd og skorin í bita
1 appelsína með berki í þunnum sneiðum
½ dl rúsínur
Aðferð:
Brúnið lauk, hvítlauk og kjöt í potti. Setjið allt út í pottinn og sjóðið við vægan hita í u.þ.b. 45 mínútur. Hrærið í af og til. Borið fram með hrísgrjónum, salati og góðu brauði.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.