Trúir ekki á forrétti!
Jennifer Tryggvadóttir eða „Nennímín“ eins og hún er oftast kölluð var matgæðingur í tbl 33 í Feyki. Hún flutti aftur heim eftir algjöra U-beygju í lífinu og vinnur sem deildarstjóri á yngra stigi í leikskólanum Ásgarði á Hvammstanga. Eitt af áhugamálum hennar er matargerð ásamt því að stunda sund og kalda karið, jóga, hugleiðslu og göngutúra. Það skemmtilegast við matargerðina er að kíkja inn í ísskápinn og búa til rétt úr því sem til er.
,,Skemmtilegast þykir mér þó að kíkja í ísskápinn og búa til rétt úr því sem til er. „Hvað er til í ísskápnum“ uppskriftin varð einmitt til þegar ég reyndi að muna eftir marakkóskri uppskrift sem ég las fyrir langa löngu en mundi ekki alveg smáatriðin, þannig að ég notaði bara það sem til var í ísskápnum. Ég fann þar ræfislega skanka, fennel, gulrætur og lauk. Ég mundi líka eftir að eiga tómata í dós uppi í skáp. Þá ákvað ég að skítmixa þetta allt saman. Svo rak ég augun í rauðvínsflöskuna sem vinkona mín gleymdi, það var „smá“ eftir í flöskunni og það var líka notað.“
FORRÉTTUR
Glas af vatni eða bjór
(Ég trúi ekki á forrétti, eða eins og börnin í leikskólanum mundu segja „Ég elska ekki forrétti“)
AÐALRÉTTUR
Hvað er til í ísskápnum
3 msk. ólífuolía
3-4 stk. lambaskankar
2 stk. laukar
2 stk. hvítlaukar, skipt í geira og þeir afhýddir
1 dós saxaðir tómatar
1 tsk. oregano, þurrkað
½ tsk. basilíka, þurrkað
1-2 stk. fennel
2 stk. gulrætur (skornar í teninga)
2 stk. tómatar (meðalstórir)
50 ml rauðvín eða það sem eftir er í flöskunni
nýmalaður pipar
salt
Aðferð:
Ofninn hitaður í 175°C. Olían hituð í þykkbotna potti sem þolir að fara í ofninn og lambaskankarnir brúnaðir í olíunni á öllum hliðum. Teknir upp úr og geymdir en laukurinn, hvítlaukurinn, fennelið og gulræturnar sett í pottinn og látið krauma við meðalhita í 5-8 mínútur til að fá smá tan (smá lit). Tómötunum hellt í sigti og lögurinn látinn renna af þeim en síðan er þeim hrært saman við, ásamt kryddjurtunum. Látið malla í 3-4 mínútur en þá er rauðvíninu hellt út í, kryddað með pipar og salti, lambaskönkunum bætt í pottinn og hitað að suðu. Lok sett á pottinn og hann settur í ofninn. Kjötið er gufusteikt í 2 klst. og snúið þrisvar eða fjórum sinnum á meðan og soðinu ausið yfir. Þegar kjötið er meyrt er það tekið upp og fært á hitað fat. Hægt er að nota töfrasprota og búa til úr soðinu sósu sem hægt er að hella yfir skankana. Ég hef bara veitt allt upp úr og boðið það sem meðlæti.
EFTIRRÉTTUR
Trufflur með túrmerik
10-14 stk.
300 g kókosmjöl, eða kókosflögur muldar í matvinnsluvél
250 g hrátt lífrænt hunang
1-2 msk. lífrænt hreint túrmerik
Aðferð:
Setjið kókosmjölið í skál ásamt hunangi og túrmerikdufti, blandið vel saman. Búið til passlega stórar kúlur úr deiginu og frystið. Á meðan þær eru í frysti er gott að gera súkkulaðihjúpinn. Dýfið kúlunum að hluta í súkkulaðihjúpinn en einnig má þekja þær alveg með súkkulaðinu. Fallegt er að leyfa gula litnum að njóta sín.
Súkkulaðihjúpur
4 msk. kókósolía
1 ½ dl kakósmjör
125 g hreint kakó
Aðferð:
Setjið í skál yfir vatnsbaði og hrærið vel saman með gaffli þar til allt hefur samlagast.
Hún skoraði á Ragnheiði Jónu, sveitarstjóra í Húnaþingi vestra, sem er einmitt matgæðingur í tbl 35 sem kom út á miðvikudaginn.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.