Tindastólssigur á Króknum - Tindastóll 3 - Léttir 0
Strákarnir í Tindastól komu sterkir til baka eftir slæmt tap í Borgarnesi um síðustu helgi og gjörsigruðu lið Léttis í gær með þremur mörkum gegn engu. Í gær skipuðu í byrjunarliðið í fyrsta sinn á Íslandsmóti bræðurnir, Aðalstein, Árni og Atli Arnarsynir.
Tindastólsmenn voru sterkari frá fyrstu mínútum leiksins og allt til loka hans og úrslitin sanngjörn. Tindastóll stillti upp eftirfarandi byrjunarliði: Arnar Magnús, Árni Arnars, Bjarki, Donni, Konni, Árni Einar, Alli, Atli Arnars, Arnar, Sjonni og Ingvi Hrannar. Á bekknum voru: Simmi, Stefán Arnar, Kári, Marri og Guðni en þeir tóku allir þátt í leiknum.
Tindastóll byrjaði leikinn ágætlega og fyrsta mark leiksins leit dagsins ljós þegar yngsti leikmaður vallarins, Atli Arnarson ( 16 ) skoraði sitt fyrsta mark fyrir m.fl. og kom Tindastólsmönnum í 1-0. Árni Einar skoraði síðan annað mark liðsins þegar hann setti knöttinn glæsilega í vinkilinn beint úr aukaspyrnu rétt fyrir utan vítateig.
Í seinni hálfleik hélt ´Tindastólsliðið áfram að sækja og uppskar sitt þriðja mark um miðjan seinni hálfleikinn þegar Ingvi Hrannar skoraði fallegt mark utan af vængnum. Tindastólsliðið hélt áfram að sækja eftir þetta en náði ekki að skora fleiri mörk í leiknum.
Tindastólsliðið virkaði áætlega. Arnar Magnús greip oft vel inní og átti fínan leik eins og svo oft áður. Bjarki kom aftur inn í vörnina og átti ljómandi góðan leik eins og Donni og Konni. Árni Arnarson kom sterkur inn í bakvörð en þessi leikmaður hefur verið lengi frá vegna meiðsla og var gaman að sjá kappann aftur á vellinum. Árni Einar var duglegur á miðjunni ásamt þeim Alla, Atla og Arnari sem allir stóðu fyrir sínu. Arnar sem er eldfljótur hefði með smá heppni getað skorað í leiknum en heppnin var ekki með honum að þessu sinni. Sjonni var líka afar óheppinn en hann hefði svo sannarlega átt að skora amk. eitt mark og komst nærst því þegar boltinn skoppaði í stöngina. Ingvi Hrannar hefði með smá heppni getað skorað annað mark sitt í leiknum undir lokin en skot hans úr góðu færi fór yfir.
Tindastóll er með 12 stig eftir 5 leiki og hefur skorað 16 mörk og fengið á sig 3. Liðið hefur leikið fimm leiki, mest allra liða í riðlinum
Fleiri fréttir
-
Góð byrjun á árinu hjá Júdódeild Tindastóls
feykir.is Skagafjörður, Aðsendar greinar 04.04.2025 kl. 12.20Loka undirbúningur fyrir mótin á vorönninni hófst á fyrstu æfingu ársins 6. janúar.Meira -
Annað skiptið sem safninu hlotnast þessi viðurkenning
feykir.is Skagafjörður, Lokað efni 04.04.2025 kl. 12.04Á dögunum hlaut Byggðasafn Skagfirðinga viðurkenningu frá CIE Tours vegna ánægju gesta með heimsókn á safnið. CIE Tours er Írskt ferðaþjónustufyrirtæki sem var stofnað árið 1932 en fyrirtækið skipuleggur og heldur utan um ferðir í Evrópu. Í tilkynningunni segir að 2024 hafi verið annað árið í röð sem hópar frá þessu fyrirtæki sóttu safnið heim og þetta er jafnframt í annað skiptið sem safninu hlotnast þessi viðurkenning.Meira -
UMFÍ með sínar fyrstu sumarbúðir á Reykjum í sumar
feykir.is Skagafjörður, Austur-Húnavatnssýsla, Vestur-Húnavatnssýsla 04.04.2025 kl. 11.33Í sumar ætlar UMFÍ að halda sínar fyrstu sumarbúðir og verða þær staðsettar á Reykjum í Hrútafirði. Sumarbúðirnar eru ætlaðar krökkum sem eru fædd frá 2011-2013, segir á heimasíðu UMFÍ. Nú spyr ég... hafa ekki allir krakkar gott af því að prufa að fara í sumarbúðir og kynnast nýjum krökkum og hafa gaman? Þetta getur ekki klikkað!Meira -
Yndisleg kvöldstund á Löngumýri
feykir.is Skagafjörður, Lokað efni 04.04.2025 kl. 11.10Það voru fallegir tónar já eða hljómar sem komu frá Löngumýri sl.þriðjudagskvöld þegar tríóið Hljómbrá stóð fyrir vægast sagt notalegri kvöldstund. Tríóið Hljómbrá er skipað þeim Guðrúnu Helgu í Miðhúsum, Kolbrúnu Erlu á Úlfsstöðum og Írisi Olgu í Flatatungu og Rögnvaldur Valbergsson sér um undirleik.Meira -
Nýtt listaverk á Skagaströnd
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 04.04.2025 kl. 09.58Feykir sagði frá því um miðjan febrúar að nokkur ný ruslatunnulistaverk hafi bæst í safnið á Skagaströnd en þá var búið að mála á þrjár nýja tunnur, hver öðrum glæsilegri. Listamaðurinn sem á heiðurinn af tunnumálverkunum er Gígja Heiðrún Óskarsdóttir og nú er hún aftur á ferðinni því á dögunum bættist við ein ný tunna eftir Gígju.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.