Tindastólsmenn á fljúgandi siglingu í Kjarnafæðismótinu
Lið Tindastóls lék þriðja leik sinn í B-deild Kjarnafæðismótsins í gær þegar þeir mættu liði KA3 á KA-vellinum. Illa gekk að skora framan af leik en síðustu tíu mínútur fyrri hálfleiks reyndust Stólunum gjöfular en þá gerðu strákarnir út um leikinn með fjórum mörkum. Lokatölur leiksins voru 6-1 og lið Tindastóls með fullt hús stiga eftir þrjár umferðir.
Það var Benedikt Kári Gröndal sem opnaði markareikninginn með marki á 38. mínútu og tveimur mínútum síðar bætti Konni (bróðir Donna) við öðru marki. Jónas Aron gerði þriðja markið á markamínútunni alræmdu (43) og Bragi Skúla sprautaði glassúrnum yfir góðan kafla Stólanna með marki á 45. mínútu.
Markamaskínan Jóhann Daði (!) bætti við fimmta marki Stólanna á 55. mínútu en á 77. mínútu lagaði Breki Baldursson stöðuna fyrir Akureyringa. Jón Gísli Stefánsson átti þó síðasta orðið í gær og kórónaði góðan sigur Stólanna með marki á 81. mínútu.
Allir 17 leikmenn á skýrslu hjá Stólunum fengu að spreyta sig í gær. Lið Tindastóls á eftir að spila einn leik í mótinu en það verður væntanlega hreinn úrslitaleikur um efsta sætið í riðlinum. Mótherjinn er lið Hamranna á Akureyri. Leikurinn átti að fara fram um síðastliðna helgi en var frestað vegna ófærðar og ekki er komið á hreint hvenær hann verður spilaður. Lið Tindastóls er með níu stig eftir þrjá leiki en Hamrarnir sex stig eftir tvo leiki.
Fleiri fréttir
-
Stóllinn, Stóllinn, Stóllinn, Tindastóll!
feykir.is Skagafjörður, Lokað efni 28.11.2024 kl. 16.38Nýr Stóll hefur litið dagsins ljós og var dreift í hús á Sauðárkróki í gær. Það er körfuknattleiksdeild Tindastóls sem gefur út en starfsfólk Nýprents safnar efni, útbýr viðtöl og hefur veg og vanda að uppsetningu og vinnslu. Það er síðan meistari Davíð Már sem annast myndatökur.Meira -
Vonast til að FabLab-aðstaða verði opnuð í byrjun næsta árs
feykir.is Vestur-Húnavatnssýsla, Mannlíf, Lokað efni 28.11.2024 kl. 14.23Opið samráð um samfélagsmiðstöð í Félagsheimilinu Hvammstanga er kynnt á heima-síðu Húnaþings vestra. Feykir forvitnaðist aðeins um málið hjá Unni Valborgu Hilmarsdóttur sveitarstjóra og þar á meðal hvaða þjónustu hún sjái fyrir sér að verði veitt í miðstöðinni.Meira -
Öflugur landbúnaður er lykill að kröftugri byggð
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 13.45Til að stuðla að farsæld og heilbrigðum vexti landbúnaðar og fæðutengdrar starfsemi þurfum við að hugsa fyrir framtíðinni í stærra samhengi en mér sýnist hafa verið gert hingað til. Opinber stuðningur skiptir augljóslega máli, en fleiri þurfa að leggja lóð sitt á vogaskálarnar.Meira -
Tækifærin í Norðvesturkjördæmi
feykir.is Skagafjörður, Austur-Húnavatnssýsla, Aðsendar greinar 28.11.2024 kl. 11.45Norðvesturkjördæmi er einstakt, þar sem stórbrotin náttúra, rík saga og menning mætast. Til að byggja upp öflugt samfélag og skapa jákvæðar framtíðarhorfur, verðum við að nýta þau tækifæri er hér felast. Við í Vinstri grænum leggjum áherslu á vel mannaða heilsugæslu, bættar samgöngur, fjölbreytta atvinnu og verndun náttúrunnar, því þannig leggjum við grunninn að öflugu samfélagi til langframa.Meira -
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.