Tindastóll selur inn á draugaleiki
Að öllu eðlilegu væri úrslitakeppni Dominos deildarinnar í körfubolta í hámarki þessa dagana og félögin að fá tekjur inn í reksturinn sem þeim eru mikilvægar svo allt gangi eins og á að gera. En vegna Covid 19 verður tímabilið 2019/2020 ekki klárað og því enginn úrslitakeppni en fólk getur samt lagt sitt af mörkum og keypt sig inn á draugaleiki.
Inni á Facebooksíðu körfuboltadeildar Tindastóls er fólki bent á að hægt er að styrkja deildina með því að leggja inn á reikning eða gerast vildarvinur, en eins og máltækið segir gerir margt smátt eitt stórt. Karlaliðið endaði í 3. sæti Dominos deildar karla og 5. sæti í 1. deild kvenna sem er ásættanlegur árangur í deild. „En að verða af úrslitakeppninni eru mikil vonbrigði og ekki hægt að leyna því að þetta er fjárhagslegt högg fyrir deildina, þar sem úrslitakeppnin hefur verið ein af okkar stærstu tekjulindum ár hvert,“ segir í færslu stjórnar.
Í samtali við Björn Hansen segir hann þetta snúast um það að fá fólk til að hjálpa til. „Eins og allir vita misstum við stærstu tekjulindina okkar út, sem er úrslitakeppnin, og þess vegna erum við með styrktarreikning sem fólk getur lagt inn á ef það telur sig fært um að geta það. Hann hefur verið í gangi síðan á fimmtudag í síðustu viku og undirtektirnar eru góðar,“ segir Björn.
Hann segir hugmyndina þannig að fólki er gefið tækifæri á að kaupa sig inn á leiki sem ekki fara fram líkt og gert er hjá Stjörnunni og KR.
„Það er ekkert að brenna hjá okkur þannig lagað en við verðum náttúrulega að draga saman seglin,“ segir Björn. Tindastóll átti aðeins eftir að leika einn leik þegar Íslandsmótið var blásið af og, útileik gegn Grindavík sem sátu í 8. sæti. Ómögulegt er að segja hvað lið hefðu endað saman ef síðasta umferð hefði farið fram, þar sem mjótt er á munum í stigasöfnun vetrarins. En eins og þetta endaði væru Stólar að leika í úrslitakeppninni gegn Israel Martin og og hans liðsmönnum í Haukum, sem enduðu í 6. sætinu.
Þeir sem vilja leggja málefninu lið geta greitt inn á reikning númer
161-26-6030
kt: 690390-1169.
Misjafnt er hvað fólk er að leggja inn á reikninginn að sögn Björns en einhverjir hafa sett 10 þúsund inn, sumir meira og aðrir minna.
Þá segir Björn vildarvinina mjög mikilvæga og hjálpi deildinni mikið þar sem tikkar inn á reikninginn allt árið.
„Okkur hefur tekist að reka deildina á núlli en við þurfum alltaf að undirbúa okkur fyrir næsta tímabil. Við þurfum alltaf að starta á haustin og byrja að afla tekna þar sem við þurfum að borga flug fyrir leikmenn og fyrirfram í húsaleigu og fleira í þeim dúr. Við þurfum alltaf pening í startið,“ segir hann. Þeir sem vilja gerast vildarvinir geta sett framvirkar greiðslur inn á reikning 161-26-6025 og kennitalan sú sama og fyrr er getið.
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.