Tindastóll - KR í kvöld
Annar heimaleikur Tindastóls í körfubolta verður í kvöld. Andstæðingar verða íslandsmeistararnir í KR. KR hefur unnið báða sína leiki hingað til, en Stólarnir hafa tapað báðum sínum gegn sterkum andstæðingum. Tindastóll verður enn án erlends miðherja i leiknum, en eins og kunnugt er kemur Ricky Henderson ekki og unnið er að því að fá annan í hans stað.
KR liðið er töluvert breytt frá síðasta vetri. Stórir póstar eins og Jón Arnór, Jakob og Helgi eru farnir erlendis og Pálmi Sigurgeirsson fór í Snæfell. Þá hætti Benedikt Guðmundsson með liðið og Páll Kolbeinsson tók við. Tindastólsmenn þekkja Palla vel því hann lék með liðinu á árum áður ásamt því að þjálfa það á tímabili. Í stað þeirra leikmanna sem fóru fékk KR tvo erlenda leikmenn, þá Tommy Johnsson og Semaj Inge. Þá skipti Jón Orri Kristjánsson í KR frá Þór Akureyri. Einnig kom Finnur Atli Magnússon til baka frá námi erlendis. Tommy lék áður með Keflavík hér á landi.
KR vann báða leikina síðasta tímabil, en í heimaleiknum í nóvember 2008 stóðu Stólarnir lengi vel í KR, en stórleikur Jóns Arnór skipti sköpum fyrir KR sem unnu að lokum 70 -96 eftir að staðan að loknum þriðja fjórðungi var 60 - 62. Í DHL höllinni unnu KR-ingar 16 stiga sigur 96 - 80.
Hópurinn hjá Tindastóli er: Axel, Pálmi, Einar Bjarni, Sigmar, Helgi Freyr, Friðrik, Svavar, Hreinn, Sveinbjörn, Halldór, Helgi Rafn og Michael.
Fleiri fréttir
-
Tómar tilviljanir urðu til þess að Andri Már er óvart kominn með hljómsveit í Mexíkó
feykir.is Skagafjörður, Listir og menning, Lokað efni 15.03.2025 kl. 22.41„Veðrið er frábært! Núna er klukkan átta að morgni og hitinn er um 10 gráður, svo fer hitinn upp í 25-30 gráður yfir daginn svo það er eins gott að eiga góðan kúrekahatt til að skýla sér fyrir sólinni,“ segir Andri Már Sigurðsson, tónlistarmaður og Króksari í Mexíkó, þegar Feykir tekur hann tali og byrjar að sjálfsögðu á því að spyrja um veðrið. Viðtalið snýst þó ekki um veður, heldur tónlist og hvernig Andri Már stofnaði óvart hjómsveit í MexíkóMeira -
Gestirnir höfðu betur í baráttuleik
feykir.is Skagafjörður, Íþróttir, Lokað efni 15.03.2025 kl. 21.28Það var boðið upp á markaveilsu í blíðunni á Króknum í dag þegar lið Tindastóls tók á móti sameinuðu liði Hattar/Hugins að austan í Lengjubikarnum. Jafnt var í hálfleik, 1-1. en fjör færðist í markaskorunina í síðari hálfleik og fór svo á endaum að gestirnir unnu leikinn 3-4 eftir mark í uppbótartíma.Meira -
Það er sjö stiga hiti í veðurkortunum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.03.2025 kl. 21.21Það er ekki ólíklegt að flestir aðrir en skíðavinir gleðjist yfir veðurspánni næstu daga. Það eru vorhlýindi í kortunum og stöðugleikinn svo einstakur að sumir gætu jafnvel haldið að vefur Veðurstofunnar væri bilaður – þannig er til dæmis spáð sjö stiga hita á hádegi á Sauðárkróki næstu fimm daga eða alveg fram á fimmtudag hið minnsta.Meira -
Stefnt að endurnýjun rafkerfisins í kirkjugarði Blönduóss
feykir.is Austur-Húnavatnssýsla, Mannlíf 15.03.2025 kl. 21.19Húnahornfið segir frá því að á aðalfundi Kirkjugarðs Blönduóss, sem fram fór 12. mars síðastliðinn, var samþykkt að á næstu þremur árum yrði unnið að endurnýjun rafmagnskerfisins í kirkjugarðinum og að sett yrði upp tenglahús fyrir jólaljósin. Þá var samþykkt að ganga frá göngustígum í nýjasta hluta garðsins og setja mottur, eins og eru á stígunum sem liggja í gegnum garðinn. Lausleg kostnaðaráætlun vegna þessara framkvæmda er um átta milljónir króna.Meira -
Njarðvíkingar brugðu fæti fyrir lið Tindastóls
feykir.is Skagafjörður, Íþróttir, Lokað efni 14.03.2025 kl. 09.48Tindastólsmenn spiluðu í gær við lið Njarðvíkur í spunkunýju Ljónagryfjunni í næstsíðustu umferðinni í Bónus deildinni þennan veturinn. Umræðan hjá spekingum hefur mestmegnis verið á þá leið að það væri nánast formsatriði fyrir Stólana að tryggja sér deildarmeistaratitilinn en útileikur í Njarðvík og heimaleikur gegn Val eru ekki beinlínis léttasta leiðin að deildarmeistaratitlinum þegar allt er í járnum. Það fór svo að Njarðvíkingar voru frískari og þá sér í lagi byrjunarlið þeirra sem skoraði öll stig liðsins utan einhverra sex sem SnjólfurStefánsson gerði. Lokatölur voru 101-90.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.