Þvottekta laxaleður hjá Sjávarleðri
Gærusala er að lifna eftir frekar erfiða tíma undanfarið en verðin eru léleg, segir Gunnsteinn Björnsson hjá Atlantic Leather á Sauðárkróki en að hans sögn er verðfallið meira en gengisfallið.
-Menn eru að jafna sig eftir óvissuna eftir hrunið en eru hræddir við að taka áhættu, segir Gunnsteinn en hann er nýkominn af sýningu í París og er að undirbúa aðra för til Ítalíu . -Hágæða leður var meginstefið í París og þar er einmitt okkar styrkur, við leggjum áherslu á leður í hæsta gæðaflokki og stöðuga vöruþróun og nýjungar.
Hafin er sútun á mokkaskinnum aftur en sú framleiðsla hefur legið niðri frá árinu 2003 og að sögn Gunnsteins eru margir kaupendur sem fagna því þar sem íslensk mokkaskinn þykja framúrskarandi góð.
Atlantic Leather tók þátt í tilraunaverkefni með sútun á smálambaskinnum en alls voru um 2000 skinn sútuð í ár. Vel gekk að fá bændur til að taka þátt í verkefninu en skinnin eru af þeim lömbun sem létust skömmu eftir eða við burð. -Frágangur skinnanna var ásættanlegur en í einhverjum tilfellum þarf að laga fyrirristuskurðina, segir Gunnsteinn og telur að ekki ætti að vera flókið mál að fá tíuþúsund skinn í verkefnið ef bændur fást til að taka þátt í því.
Þá er mikil gróska í fiskleðri en það er í tísku í dag að blanda fiskleðri saman við önnur efni. -Þvottekta laxaleður er auðvitað ekkert annað en bylting í notkun þess í fatahönnun, segir María Magnúsdóttir skóhönnuður og nýr sölumaður Sjávarleðurs.
Fleiri fréttir
-
Tómar tilviljanir urðu til þess að Andri Már er óvart kominn með hljómsveit í Mexíkó
feykir.is Skagafjörður, Listir og menning, Lokað efni 15.03.2025 kl. 22.41„Veðrið er frábært! Núna er klukkan átta að morgni og hitinn er um 10 gráður, svo fer hitinn upp í 25-30 gráður yfir daginn svo það er eins gott að eiga góðan kúrekahatt til að skýla sér fyrir sólinni,“ segir Andri Már Sigurðsson, tónlistarmaður og Króksari í Mexíkó, þegar Feykir tekur hann tali og byrjar að sjálfsögðu á því að spyrja um veðrið. Viðtalið snýst þó ekki um veður, heldur tónlist og hvernig Andri Már stofnaði óvart hjómsveit í MexíkóMeira -
Gestirnir höfðu betur í baráttuleik
feykir.is Skagafjörður, Íþróttir, Lokað efni 15.03.2025 kl. 21.28Það var boðið upp á markaveilsu í blíðunni á Króknum í dag þegar lið Tindastóls tók á móti sameinuðu liði Hattar/Hugins að austan í Lengjubikarnum. Jafnt var í hálfleik, 1-1. en fjör færðist í markaskorunina í síðari hálfleik og fór svo á endaum að gestirnir unnu leikinn 3-4 eftir mark í uppbótartíma.Meira -
Það er sjö stiga hiti í veðurkortunum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.03.2025 kl. 21.21Það er ekki ólíklegt að flestir aðrir en skíðavinir gleðjist yfir veðurspánni næstu daga. Það eru vorhlýindi í kortunum og stöðugleikinn svo einstakur að sumir gætu jafnvel haldið að vefur Veðurstofunnar væri bilaður – þannig er til dæmis spáð sjö stiga hita á hádegi á Sauðárkróki næstu fimm daga eða alveg fram á fimmtudag hið minnsta.Meira -
Stefnt að endurnýjun rafkerfisins í kirkjugarði Blönduóss
feykir.is Austur-Húnavatnssýsla, Mannlíf 15.03.2025 kl. 21.19Húnahornfið segir frá því að á aðalfundi Kirkjugarðs Blönduóss, sem fram fór 12. mars síðastliðinn, var samþykkt að á næstu þremur árum yrði unnið að endurnýjun rafmagnskerfisins í kirkjugarðinum og að sett yrði upp tenglahús fyrir jólaljósin. Þá var samþykkt að ganga frá göngustígum í nýjasta hluta garðsins og setja mottur, eins og eru á stígunum sem liggja í gegnum garðinn. Lausleg kostnaðaráætlun vegna þessara framkvæmda er um átta milljónir króna.Meira -
Njarðvíkingar brugðu fæti fyrir lið Tindastóls
feykir.is Skagafjörður, Íþróttir, Lokað efni 14.03.2025 kl. 09.48Tindastólsmenn spiluðu í gær við lið Njarðvíkur í spunkunýju Ljónagryfjunni í næstsíðustu umferðinni í Bónus deildinni þennan veturinn. Umræðan hjá spekingum hefur mestmegnis verið á þá leið að það væri nánast formsatriði fyrir Stólana að tryggja sér deildarmeistaratitilinn en útileikur í Njarðvík og heimaleikur gegn Val eru ekki beinlínis léttasta leiðin að deildarmeistaratitlinum þegar allt er í járnum. Það fór svo að Njarðvíkingar voru frískari og þá sér í lagi byrjunarlið þeirra sem skoraði öll stig liðsins utan einhverra sex sem SnjólfurStefánsson gerði. Lokatölur voru 101-90.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.