Þuríður í Delhí dagur 46
Áfram fylgjumst við með Þuríði og ferð hennar til Indlands. Feykir.is minnir góðfúslega á söfnunarreikning Þuríðar Hörpu en hann má finna á heimasíðu hennar www.oskasteinn.com
Þetta þokast, það gerir það. Var í dag bæði þreytt og illa upplögð, svona eru sumir dagar, hefði verið sælust með að liggja bara og sofa, mig langaði ekki til neins. Ég druslaðist í endurhæfinguna og ég veit nú ekki alveg hvað ég var að monta mig af því að ganga vel á göngugrindinni, mér gekk alla vega ekkert sérsaklega vel í dag. Grindin var enn of há fyrir mig þannig að ég var alveg búin í öxlunum eftir að hafa hangið á grindinni og ríghaldið mér. Ég er óörugg á henni og gólfið svo sleipt, fæturnir runnu í sitthvora áttina ég var bókstaflega eins og belja á svelli, svo hafði ég áhyggjur af því að ef ég dytti þá myndi ég stórslasa og kremja smávaxna aðstoðarfólkið mitt. Fljótlega áttaði Shivanni sig á að þetta var ekki alveg að virka hjá mér þannig að hún heimtað stólinn svo ég gæti sest. Það sem eftir var af tímanum fékk ég að dragast áfram á göngubrautinni. Eftir hádegi var aftur æfing og var ég þeirri stund fegnust þegar hún var á enda. Ekki gerði ég fleira þennan daginn, ákvað að láta það eftir mér að liggja í rúminu en því miður gat ég ekki sofnað – held ég þjáist bara af almennum leiða og kannski svolítilli depurð sem er alls ekki passandi í öllu þessu sólskini. Systir mín sendi mér skilaboð um að ég og mitt fylgdarlið værum boðin í mat þegar við kæmum til landsins, steiktur fiskur, nýjar kartöflur, laukur í bræddu smjöri og svo pönnsur með ís á eftir. Það þurfti nú ekki meira til að létta mér lund og sofnaði útfrá allskonar hugsunum um mat, venjulegan íslenskan mat. Ótrúlegt hvað maður er nú vitlaus hvort ætli þetta kallist matarást eða bara græðgi. Svo hef ég verið að hugsa hvort ég sé búin að vera of bjartsýn í skrifum mínum, hvort fólk búist við að ég geti sýnt listir mínar þegar ég kem heim, lyft fótunum sitjandi í hjólastólnum og sparkað þeim í allar áttir og svoleiðis kúnstir. Ég ætla því að leiðrétta það strax, ég get ekki hreyft legg né lið þegar ég sit í stólnum, til þess að framkvæma einhverja hreyfingu þarf ég að liggja á bekk og vera í stöðu sem auðveldar þá hreyfingu sem ég á að framkvæma. Ég sé ekki enn neina vöðva hnyklast til en…. ég finn vöðvasamdrátt og þá sérstaklega á innanverðum lærunum, ég finn líka vöðvasamdrátt í kálfum og mjöðmum. Shivanni segir þetta góða byrjun og já, ég er nokkuð sátt við þessa byrjun, að sjálfsögðu vonast ég eftir meiru og ég veit að eftir að heim er komið verð ég að halda vel áfram með æfingarnar, því aðeins þannig styrki ég það sem komið er.
Fleiri fréttir
-
Tómar tilviljanir urðu til þess að Andri Már er óvart kominn með hljómsveit í Mexíkó
feykir.is Skagafjörður, Listir og menning, Lokað efni 15.03.2025 kl. 22.41„Veðrið er frábært! Núna er klukkan átta að morgni og hitinn er um 10 gráður, svo fer hitinn upp í 25-30 gráður yfir daginn svo það er eins gott að eiga góðan kúrekahatt til að skýla sér fyrir sólinni,“ segir Andri Már Sigurðsson, tónlistarmaður og Króksari í Mexíkó, þegar Feykir tekur hann tali og byrjar að sjálfsögðu á því að spyrja um veðrið. Viðtalið snýst þó ekki um veður, heldur tónlist og hvernig Andri Már stofnaði óvart hjómsveit í MexíkóMeira -
Gestirnir höfðu betur í baráttuleik
feykir.is Skagafjörður, Íþróttir, Lokað efni 15.03.2025 kl. 21.28Það var boðið upp á markaveilsu í blíðunni á Króknum í dag þegar lið Tindastóls tók á móti sameinuðu liði Hattar/Hugins að austan í Lengjubikarnum. Jafnt var í hálfleik, 1-1. en fjör færðist í markaskorunina í síðari hálfleik og fór svo á endaum að gestirnir unnu leikinn 3-4 eftir mark í uppbótartíma.Meira -
Það er sjö stiga hiti í veðurkortunum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.03.2025 kl. 21.21Það er ekki ólíklegt að flestir aðrir en skíðavinir gleðjist yfir veðurspánni næstu daga. Það eru vorhlýindi í kortunum og stöðugleikinn svo einstakur að sumir gætu jafnvel haldið að vefur Veðurstofunnar væri bilaður – þannig er til dæmis spáð sjö stiga hita á hádegi á Sauðárkróki næstu fimm daga eða alveg fram á fimmtudag hið minnsta.Meira -
Stefnt að endurnýjun rafkerfisins í kirkjugarði Blönduóss
feykir.is Austur-Húnavatnssýsla, Mannlíf 15.03.2025 kl. 21.19Húnahornfið segir frá því að á aðalfundi Kirkjugarðs Blönduóss, sem fram fór 12. mars síðastliðinn, var samþykkt að á næstu þremur árum yrði unnið að endurnýjun rafmagnskerfisins í kirkjugarðinum og að sett yrði upp tenglahús fyrir jólaljósin. Þá var samþykkt að ganga frá göngustígum í nýjasta hluta garðsins og setja mottur, eins og eru á stígunum sem liggja í gegnum garðinn. Lausleg kostnaðaráætlun vegna þessara framkvæmda er um átta milljónir króna.Meira -
Njarðvíkingar brugðu fæti fyrir lið Tindastóls
feykir.is Skagafjörður, Íþróttir, Lokað efni 14.03.2025 kl. 09.48Tindastólsmenn spiluðu í gær við lið Njarðvíkur í spunkunýju Ljónagryfjunni í næstsíðustu umferðinni í Bónus deildinni þennan veturinn. Umræðan hjá spekingum hefur mestmegnis verið á þá leið að það væri nánast formsatriði fyrir Stólana að tryggja sér deildarmeistaratitilinn en útileikur í Njarðvík og heimaleikur gegn Val eru ekki beinlínis léttasta leiðin að deildarmeistaratitlinum þegar allt er í járnum. Það fór svo að Njarðvíkingar voru frískari og þá sér í lagi byrjunarlið þeirra sem skoraði öll stig liðsins utan einhverra sex sem SnjólfurStefánsson gerði. Lokatölur voru 101-90.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.