Þetta ætti ekki að geta klikkað
Það styttist í Sæluviku og einn af forsæluréttunum í ár er Kántrýkvöld í Gránu á Sauðárkróki. Það eru engir aukvisar sem þar stíga á svið en sönginn annast Magni Ásgeirs, Malen og Sóla Áskelsdætur og Sigvaldi Gunnars og þau eru bökkuð upp af geggjuðu bandi skipað þeim Reyni Snæ, Gunnari Sigfúsi, Bergi Einari og Baldvin Snæ. „Þetta ætti ekki að geta klikkað og okkur þætti vænt um að sjá sem flesta!“ segir Sigvaldi í spjalli við Feyki.
Hvaða lög mega áheyrendur reikna með að fá að heyra? „Meginþorri laganna verður af bandarískum uppruna, enda á kántrýið upptök sín þar. Við sækjum m.a. lög úr smiðju Eagles, Dolly Parton og Kacey Musgraves. Þá verða flutt nokkur frumsamin lög sem vonandi falla vel í kramið hjá áhorfendum. Svo þetta verður blanda af lögum sem allir þekkja og geta sungið með, og svo minna þekktum lögum sem okkur hefur lengi langað til að spila á tónleikum.“
Í lok síðustu aldar þótti fátt hallærislegra en kántrýmúsik. Hvað gerðist, hver er galdurinn í kántrýinu? „Ég held að kántrýmúsik sé ennþá frekar hallærisleg sem er kannski hluti af galdrinum við hana. Það er ennþá verið að vinna með sömu klisjurnar en þær hafa í mörgum tilfellum verið settar í nútímalegri búning og blandað við popptónlist, og þar af leiðandi orðið meira “mainstream”. Það sem einkennir gott kántrý eru einfaldir hljómar, eftirminnileg melódía og helst af öllu sögurnar sem eru sagðar í textunum. Góðir kántrý textar innihalda oftar en ekki einhvern boðskap, auðvitað mis djúpann þó. Svo þegar hugmyndaríkt fólk blandar þessari gömlu formúlu við nýja strauma getur útkoman verið töfrum líkast. En auðvitað hefur viðhorf hlustenda líka breyst með komu streymisveita eins og Spotify. Nú þykir lítið mál að hlusta á allar heimsins tónlistarstefnur, sama hversu hallærislegar þær eru. Aðgengi að fjölbreyttri tónlist er orðin svo mikil að maður getur blandað þessu öllu saman, ólíkt því sem kannski tíðkaðist hér áður fyrr þegar það mátti bara hlusta annað hvort á Wham eða Duran Duran en alls ekki bæði! En við munum reyna að láta allt það fallega við kántrýtónlist skína í gegn á tónleikunum með banjóleik, þríröddun og öllum helstu klisjunum.“
Hvað geturðu sagt okkur um band kvöldsins? „Meðlimir bandsins eru Baldvin Snær sem leikur á hljómborð, Bergur Einar á trommur og slagverk, Gunnar Sigfús á raf- og kontrabassa og Reynir Snær sem mun leika á alls kyns strengjahljóðfæri. Fólk kannast sjálfsagt við þá Gunnar Sigfús og Reyni Snæ en þeir eru Skagfirðingar í húð og hár, frábærir spilarar og enn betri menn. Þeir Baldvin og Bergur hafa getið sér gott orð sem producerar og tónlistarmenn í borginni og víðar, ýmist sem sóló artistar eða með hljómsveitum á borð við Hipsumhaps og VÖK. Ásamt þeim mun ég sjálfur leika á gítar og syngja með þeim Malen, Sólu og Magna. Þetta ætti ekki að geta klikkað og okkur þætti vænt um að sjá sem flesta!“
Dyr Gránu verða opnaðar kl. 20 og kántrýið lifnar við hálftíma síðar. Miðaverð er aðeins kr. 2.500 og hægt er að nálgast miða á tix.is. Tónleikarnir eru haldnir með styrk frá Uppbyggingarsjóði Norðurlands vestra og Menningarsjóði KS.
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.