Það er ekkert betra þegar frost er úti en að fá sér góða súpu

feykir.is Í matinn er þetta helst 25.02.2012 kl. 08.19

Í Feyki fyrir þremur árum áttu þau Sigfríður Halldórsdóttir kjötiðnaðarmeistari og ráðskona í eldhúsi Varmahlíðarskóla og Kári Gunnarsson kennari og veiðimaður uppskriftir vikunnar. Trúlegt er að Kári hafi borið forréttargæsina í hús en Sigfríður skorið niður gúllasið.

Forréttur
Grafin gæs með berjasósu
Fyrir 6 manns

  • 2 stk gæsabringur (heiðargæs eða grágæs skiptir ekki mál)
  • 1 msk nítritsalt
  • 2 msk borðsalt
  • 1 msk sykur
  • 1 msk timian
  • 2 msk villibráðakrydd
  • 1 msk steinselja
  • 1 tsk svartur pipar
  • 1 tsk rósapipar (mulinn aðeins)

Kryddinu er blandað saman og bringunum velt í því, nota skal allt kryddið.  Sett í form og filmað yfir látið vera í 5 daga í kæli síðan sett á grind og þær látnar þorna inn í kæli í ca 2 daga.  Bringurnar eru sneiddar mjög þunnt og settar á fat og bornar fram með berjasósu.

Berjasósa

  • 1 dl sýrður rjómi
  • 1 dl bláberjasulta eða krækiberjasulta
  • Þessu tvennu er hrært  vel saman.

 

Aðalréttur
Ungversk gúllassúpa fyrir 6 manns.


  • 600 gr  kjöt skorið í litla gúllasbita
  • 1 stk    rauðlaukur saxaður
  • 1 tsk    kúmen
  • 2 stk    hvítlauksrif söxuð
  • 2 msk  paprikuduft
  • Salt
  • 1-2 stk gulrætur skornar í bita
  • 2 stk    paprikur rauðar skornar í bita
  • 1 stk    tómatar saxaður
  • 2 stk    sellerístönglar skornir í bita
  • 300 gr  kartöflur skornar í bita
  • Vatn og kjötkraftur eftir smekk.

Steikið kjötið og laukinn í olíu ásamt hvítlauk og kúmeni.  Kryddið með paprikudufti og salti.  Bætið öllu grænmetinu útí og hellið vatni yfir þannig að það fljóti vel yfir kjötið og grænmetið.  Setjið kjötkraft út í eftir smekk.  Sjóðið í 45 mín. til 1 klst.
Upphaflega er þessi uppskrift gerð fyrir nautakjöt en við höfum notað mest folaldakjöt  og einnig hreindýrakjöt og lambakjöt og það er sérlega gott.
Með þessari súpu er gott að bera fram heimabakað brauð.

Brauð

  • 860 gr  hveiti.
  • 20 gr    salt
  • 20 gr    sykur
  • 35 gr    ger
  • 6,5 dl.  vatn
  • ½  dl    olía
  • 130 gr sólblómafræ.

Vatnið er hitað í ca 40°c, sett í hrærivélaskál ásamt salti, sykri, geri og olíu byrjað að hnoða og hveitið sett útí í skömmtum.  Þegar um 1/6 er eftir af hveitinu þá er sólblómafræin sett útí og síðan restin af hveitinu ef þarf eða meira hveiti til viðbótar ef þarf.  Þegar deigið loðir ekki lengur við skálina, þegar vélin er að hnoða, er það til.  Látið standa í skálinni í 30 mín og lyfta sér.  Brauðin formuð, 2 stór eða 4 lítil.  Sett í kaldan ofninn, hann stilltur á 175°c og bakað í 35 mín.

Eftirréttur
Mascaponedesert

  • 250 gr. Macaponeostur
  • 125 gr. sykur
  • 2 stk.   stórar eggjarauður eða 3 litlar.
  • ½ ltr.   þeyttur rjómi.
  • 1 ½ snafs Sambucca.

Macaponeostur, sykur og rauður eru hrærð saman þar til að allir kekkir eru horfnir, sambucca bætt útí og í lokin er þeytta rjómanum hrært varlega saman við.
Kælt aðeins og stráð yfir smá kakódufti.  Borið fram með til dæmis ladyfingers og ferskum jarðaberjum og bláberjum (aðalbláberjum).

Verði ykkur að góðu.

Til baka

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir

  • Ingibjörg Davíðsdóttir er oddviti Miðflokksins í Norðvesturkjördæmi. AÐSEND MYND

    Hressandi að skella sér í sjósund

    feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15 oli@feykir.is
    Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.
    Meira
  • Þóra Kristín í einni af fjölmörgum útsýnispásunum í Víetnam. AÐSENDAR MYNDIR

    Það sem maður veitir athygli vex og dafnar

    feykir.is Skagafjörður, Listir og menning, Lokað efni 23.11.2024 kl. 12.09 oli@feykir.is
    Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.
    Meira
  • Eldar Smári Kristinsson, oddviti Lýðræðisflokksins. AÐSEND MYND

    Ætlaði að verða prestur

    feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37 oli@feykir.is
    Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.
    Meira

  • Afmælisveisla Hvatar er einmitt í dag!

    feykir.is Austur-Húnavatnssýsla, Mannlíf, Lokað efni 23.11.2024 kl. 09.45 oli@feykir.is
    Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.
    Meira
  • Heiðdís Rós Eyjólfsdóttir, Flokki fólksins. MYND AÐSEND

    Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar

    feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45 oli@feykir.is
    Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.
    Meira
Yfirlit frétta