Synti út Hrútafjörðinn en ekki þvert yfir
Grétar Finnbjörnsson lenti í honum kröppum á dögunum þegar hann hugðist synda þvert yfir Hrútafjörðinn. Misreiknaði hann sundið svo illilega að hann synti eftir firðinum endilöngum en ekki þverum. Að sögn kunnugra eru þessi mistök einsdæmi.
Grétar lagði upp úr fjarðarbotninum ásamt föruneyti og hugðist með þessu komast í sögubækurnar en aldrei er vitað til þess að synt hafi verið yfir Hrútafjörðinn áður. En eitthvað hefur farið úrskeiðis í undirbúningnum, því Grétar synti út eftir firðinum og var að lokum hirtur upp í bát aðstoðarmanna sinna, enda aðframkominn eftir langt sund.
-Þetta var eitthvað skrýtið, sagði Grétar við Dreifarann. –Ég taldi mig hafa skoðað þetta vel á korti og taldi bestu leiðina vera að synda frá ströndinni aðeins norðan við Staðarskála og yfir, en ég koma aldrei að landi hinum megin, sagði Grétar. Hann sagðist hafa haldið ótrauður áfram að synda, en áttað sig svo á því að lokum að það hlyti eitthvað að hafa farið úrskeiðis í útreikningum hans, því það var alveg sama hvað hann synti mikið, hann kom aldrei að landi. –Ég var búinn að reikna það út að þetta gæti tekið mig um klukkutíma að synda þarna yfir, en eftir þrjá tíma fóru að renna á mig tvær grímur og á endanum bað ég félaga mína um að taka mig um borð í bátinn. Þegar þangað kom og ég fór að líta í kring um mig, sá ég að ég var bara á beinni leið út á Húnaflóann og hafði ég þá synt eftir firðinum endilöngum en ekki þverum, sagði Grétar. Hann sagðist ekki átta sig á því hvað hefði farið úrskeiðis, en kunnáttumenn á svæðinu telja að Grétar hafi ekki tekið með í reikninginn að Staðarskáli opnaði á nýjum stað fyrir tveimur árum og hann hlyti að hafa verið með gamla sundáætlun.
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.