Svínakjötspottréttur og kladdkaka með Rolokremi
Matgæðingur vikunnar í tbl 47, 2020 var Margrét Petra Ragnarsdóttir, dóttir Dóru Ingibjargar Valgarðsdóttur og Ragnars Péturs Péturssonar. Margrét er því Króksari í húð og hár þó hún hafi tekið nokkrar pásur frá firðinum fagra í gegnum lífsævina en í dag býr hún á Hólum í Hjaltadal ásamt Sveini Rúnari Gunnarssyni og tveimur dætrum, þeim Emmu Dallilju og Viktoríu Rún.
„Svínakjötspottrétturinn hefur lengi verið í uppáhaldi og suðaði ég oft í mömmu hér áður fyrr að elda hann. Ég er mikill súkkulaðiunnandi og finnst fátt betra en að gæða mér á heitri súkkulaðiköku með ís og berjum,“ segir Margrét.
AÐALRÉTTUR
Svínakjötspottréttur
1 kg svínagúllas
1 laukur
200 g beikon
matarolía til steikingar
2 msk. karrý
1 msk. paprikuduft
4 dl vatn
300 g ananasbitar
safi af ananasinum
2 ½ dl rjómi
3 svínakjötssúputeningar
salt og pipar
sósujafnari
Aðferð: Byrjið á að skera laukinn og brúna hann í matarolíu. Bætið beikoninu við og kryddið með karrý og paprikudufti. Svínagúllasinu er svo bætt við. Ananassafanum er hellt yfir ásamt vatni og það soðið í 15 til 20 mínútur. Að lokum er rjóma og ananasbitunum bætt við. Hægt er að sleppa ananasbitunum en anassafinn er nauðsynlegur til að fá rétta bragðið fram. Bragðbætið með svínakjötkrafti, salti og pipar og þykkið sósuna með sósujafnara. Gott er að bera réttinn fram með hrísgrjónum og salati.
EFTIRRÉTTUR
Kladdkaka með Rolokremi
100 g smjör
2 egg
3 dl sykur
1½ dl hveiti
5 msk. kakó
2 tsk. vanillusykur
Hnífsoddur af salti
Aðferð: Bakarofninn er stilltur á undir- og yfirhita og hitaður í 175°C. Byrjið á að bræða smjörið. Restin af hráefninu er svo sett í skál og brædda smjörinu bætt út og hrært þar til deigið hefur blandast vel saman. Kladdkakan er bökuð til dæmis í smurðu laus-botna formi eða sílikonformi (22 – 24 sm) í 20
mínútur. Kökunni er leyft að kólna í tíu mínútur.
Rolo krem:
2 pakkar af Rolo
50 g suðusúkkulaði
smá rjómi til þynningar
Aðferð: Bræðið suðusúkkulaði og Rolomolana yfir vatnsbaði. Ef þarf má þynna kremið með rjóma. Kreminu er svo hellt yfir kökuna. Gott er að bera kökuna fram með rjóma eða ís, jarðarberjum og/eða bláberjum.
Verði ykkur að góðu
Sigga sigga sigga
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.