Súkkulaði-kirsuberjadraumur úr Svartaskógi í eftirrétt
Angela Berthold og Kristján Birgisson í Lækjardal í Austur Húnavatnssýslu buðu lesendum Feykis upp á áhugaverðar uppskriftir í mars 2009. Það hefur óneitanlega áhrif að Angela er frá Þýskalandi en þar er notað mikið kál og laukur í matargerð sem er bæði hollt og ódýrt.
Forréttur:
Lauksúpa:
- 3-4 laukar, sneiddir
- 1 msk. smjör
- 1 l. sjóðandi vatn
- Súputeningar
- Svartur pipar
- 1 msk. edik eða hvítvín
- Ristaðir brauðteningar
- Rifinn ostur
Steikja laukhringina í potti með smjöri þangað til þeir byrja að taka smá lit. Hella vatni yfir, krydda með súputeningum og svörtum pipar og láta sjóða í 15 mín. Taka af hellu, bæta edik eða hvítvíni í og smakka súpuna til. Þegar hún er komin á diskana er brauðteningum og rifnum osti stráð yfir.
Aðalréttur:
Súrkálspottréttur:
- 500 gr. svínagúllas
- 1 laukur, smátt skorinn
- Paprikuduft, 1 tsk.salt
- 1 msk. kúmenfræ
- 1 msk. edik
- 100 ml. vatn
- 1 poki súrkál
- 1-2 tsk. kartöflumjöl
- ¼ l. rjómi
Brúna kjötið í olíu á pönnu eða í potti, bæta lauknum við, setja krydd, edik og vatn út í og láta malla í 30 mín. Láta súrkálið úr pokanum í sigti, rífa það aðeins í sundur og setja það saman við kjötið og e.t.v. smá vatn í viðbót, láta sjóða áfram í u.þ.b.15 mín. Það má prófa sig áfram hvort það sé notað súrkál úr heilum poka eða minna. Jafna pottréttinn með kartöflumjöli, bæta rjómanum í og krydda aftur eftir smekk t.d. með salti og/eða sykri. Bera fram með soðnum kartöflum og ferskum niðurskornum perum.
Eftirréttur:
Súkkulaði-kirsuberjadraumur úr Svartaskógi:
- Brúnkaka, heimabökuð eða keypt
- Rauð berjasulta
- Brætt súkkulaði eða tilbúin íssósa
- Kirsuberjasósa í krukku
- Léttþeyttur rjómi
- Súkkulaðispænir
Skera kökuna í litlar sneiðar, smyrja með berjasultunni og búa til samlokur úr þeim. Raða þétt í stóra skál eða annað mót. Dreifa súkkulaðisósu yfir og síðan kirsuberjasósunni. Þekja allt með léttþeyttum rjóma og skreyta með súkkulaðispónum. Þessi réttur er miklu betri þegar hann er búinn að standa í sólarhring.
Verði ykkur að góðu
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.