Suðurgarðurinn afhentur formlega
Sveitarfélaginu Skagafirði var á föstudag formlega afhentur Suðurgarðurinn svokallaði sem er sjóvarnargarður við höfnina á Króknum. Það var Þórdís Friðbjörnsdóttir formaður hafnarnefndar sem veitti honum viðtöku af Jóni Árnasyni hjá Víðimelsbræðrum en þeir sáu um verkið.
Garðurinn er mikið mannvirki og hefur staðist væntingar og rúmlega það því að sögn Jóns Árnasonar eru áhrif hans á sjókyrrð í höfninni meiri en búist var við.
Garðurinn sem er 354 metra langur kostar um100 milljónir. Í hann fór um 60 þúsund rúmmetrar af grjóti sem fengið var á þremur stöðum, Hegranesi, Hvalnesi og Vindheimum. Við hann störfuðu að jafnaði 8 – 10 manns frá því um mánaðarmót september – október. Víðimelsbræður fengu að fresta afhendingu garðsins í vetur og vildi Jón koma þakklæti á framfæri fyrir það en dregið var úr framkvæmdahraða með niðurskurði á yfirvinnu til að halda mönnum vinnu lengur.
Að sögn Jóns er verkefnastaða Víðimelsbræðra þannig að verkefni duga fram í júlí. Eftir þann tíma er ómögulegt að sjá fyrir nú og verktilboð eru í tómu rugli en Feykir fjallaði um það fyrr í mánuðinum að verktakar bjóði allt niður í 45-50% í verk og augljóst að erfitt er að taka þátt í slíkum leik.
Fleiri fréttir
-
Deildarmeistarar, já deildarmeistarar!
feykir.is Skagafjörður, Íþróttir 27.03.2025 kl. 21.18Til hamingju Tindastólsfólk nær og fjær! Strákarnir gerðu sér lítið fyrir í kvöld og lögðu Íslands- og bikarmeistara Vals í næsta öruggum sigri í Síkinu. Þetta er í fyrsta sinn sem lið Tindastóls verður deildarmeistari í körfuknattleik í sögu félagsins og sannarlega frábær áfangi. Lokatölur voru 88-74 og nú bíður úrslitakeppnin handan við hornið en þar mæta Stólarnir liði Keflvíkinga – rétt eins og Stólastúlkur.Meira -
Byggðaþróun í Húnabyggð | Torfi Jóhannesson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.03.2025 kl. 15.50Þruma úr heiðskýru var það kannski ekki, en vissulega reiðarslag. Við lokun sláturhússins á Blönduósi missa 20-30 manns vinnuna og héraðið missir einn af sínum stærstu vinnustöðum. Það er langt síðan ég hef búið í sveitinni en stóran hluta þess tíma hef ég unnið við verkefni tengd landbúnaði og byggðaþróun. Síðasta áratuginn á vettvangi Norðurlanda og Eystrasaltsríkjanna. Og það sem við sjáum gerast á Blönduósi er sagan endalausa. Stundum er það náma sem lokar, stundum herstöð, stundum stórt fyrirtæki, stundum ferðamannasvæði sem fer úr tísku og stundum bara hægfara þróun drifin af lágri fæðingartíðni og löngun unga fólksins að sækja menntun og vinnu í stærri þéttbýlisstaði.Meira -
Ærsladraugar eru algjörlega óútreiknanlegir
feykir.is Skagafjörður, Listir og menning, Lokað efni 27.03.2025 kl. 14.07Það er allt á útopnu í leikhúslífi Norðurlands vestra þennan veturinn. Flestir, ef ekki allir, skólar setja upp metnaðarfull verk og leikfélögin gefa ekkert eftir. Nú á laugardag stíga leikarar Leikfélags Hofsóss á svið í Höfðaborg á Hofsósi og frumsýna Ærsladraug Noels Coward í leikstjórn Barkar Gunnarssonar. Feykir sendi formanni LH, Fríðu Eyjólfsdóttur, nokkrar spurningar af þessu tilefni.Meira -
Það má reikna með dramatík í kvöld
feykir.is Skagafjörður, Íþróttir 27.03.2025 kl. 12.13Síðasti deildarleikurinn í Bónus deild karla er í kvöld og úrslitakeppnin handan við hornið! Tindstoll tekur á móti Íslands- og bikarmeisturum Vals klukkan 19:15. Hamborgarar og drykkir og okkar eini sinni Helgi Sæmundur í tjaldinu frá kl 18:00. Í þessari frétt fer Feykir yfir stöðuna á toppnum og hvaða möguleikar eru þar fyrir hendi og loks minnir lögreglan fólk á að betra sé að skilja bílinn eftir heima en að leggja ólöglega við Síkið.Meira -
Lítill áhugi fyrir að reisa vindorkuver í Skagafirði
feykir.is Skagafjörður, Lokað efni 27.03.2025 kl. 09.45Nokkur umræða hefur verið um vindorkuver á landinu síðustu misserin og sitt sýnist hverjum. Í aðalskipulagi sveitarfélagsins Skagafjarðar 2020–2035, sem samþykkt var fyrir þremur árum, er meðal annars sagt frá því að meðal þess sem litið var til voru möguleikar til orkuframleiðslu til hagsbóta fyrir sveitarfélagið. Þar kemur fram að sveitarfélagið hafi unnið að kortlagningu svæða sem henta fyrir nýtingu vindorku.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.