Það má reikna með dramatík í kvöld
Síðasti deildarleikurinn í Bónus deild karla er í kvöld og úrslitakeppnin handan við hornið! Tindstoll tekur á móti Íslands- og bikarmeisturum Vals klukkan 19:15. Hamborgarar og drykkir og okkar eini sinni Helgi Sæmundur í tjaldinu frá kl 18:00.
Þá verður pizzahlaðborð á Kaffi Krók eftir leik þar sem Helgi heldur áfram uppi stemmingunni. Fyrir leik verður Happy Hour á Sauða frá 16:00 til 18:00 og þeim sem geta á sig blómum bætt er bent á að Tindastólsbúðin verður á sínum stað! Þeir sem komast í Síkið og eru staddir sunnan heiða en vilja upplifa stemningu er bent á að heimaleikir Tindastóls eru sýndir á Ölveri.
Miðasala er á fullu á Stubb en einnig er hægt að nálgast miða við inngang í Síkið.
Hvað getur gerst í kvöld?
Það er mikið undir í leikjum kvöldsins en keppinautar Tindastóls (30 stig) á toppi deildarinnar, Stjarnan (30), mæta liði Njarðvíkur (28) sem er í þriðja sæti deildarinnar en Valur (26) er í fjórða sæti eftir erfitt gengi framan af tímabilinu. Sigur á Val færir Stólunum deildarbikarinn þó svo að Stjarnarn vinni Njarðvík þar sem okkar menn unnu báða leikina gegn Stjörnunni. Tapi Tindastóll en Stjarnan leggur Njarðvík þá fer deildarbikarinn í Garðabæinn. Svo gæti farið að þrjú lið; Tindastóll, Stjarnan og Njarðvík, endi með sömu stigatölu og þá verður Tindastóll deildarmeistari.
Reyndar var rætt um það á Stöð2Sport í gærkvöldi að Njarðvíkingar ættu möguleika á að verða meistarar vinni þeir Stjörnuna með yfir tíu stiga mun og Tindastóll tapi. Samkvæmt upplýsingum Feykis er það hins vegar þannig að fjöldi sigurleikja í innbyrðisviðureignum efstu liðanna ráði úrslitum en þar standa okkar menn best að vígi með þrjá sigurleiki en Stjarnan og Njarðvík geta mest státað af tveimur sigurleikjum að umferðinni lokinni.
Ljóst er að Haukar og Höttur falla niður í 1. deild en liðin í sjöunda til tíunda sæti berjast um síðustu tvö lausu sætin í úrslitakeppninni. Það verður því einhver dramatík í kvöld – það er kristaltært eins og Krúsarinn hefði orðað það.
Heimafólk hvatt til að skilja bílinn eftir heima
Reiknað er með góðri mætingu í kvöld og lögreglan beinir því til fólks að vanda sig við að leggja bílum sínum en reikna má með því að þeir verði sektaðir sem leggja á götunni milli heimavistar FNV og íþróttahússins. Á Facebook-síðu lögreglunnar er nánar farið yfir hvaða svæði er ólöglegt að leggja. Heimafólki er bent á að nota bílastæðin heima hjá sér og ganga frakar í Síkið ef það á þess kost. Á myndinn hér neðst í fréttinni má sjá að ólöglegt er að leggja ír rauðmerktu svæðin en þau gætu heft aðgang viðbragðsaðila sem gæti reynst afdrifaríkt.
Tökum tillit til viðbragðsaðila og munum að hvetja liðin fallega í kvöld. Áfram Tindastóll!
Fleiri fréttir
-
Tindastólsmenn fóru áfram í Mjólkurbikarnum í knattspyrnu
feykir.is Skagafjörður, Íþróttir, Lokað efni 30.03.2025 kl. 02.12Það var markaveisla á Dalvíkurvelli í gær þar sem Tindastóll mætti liði KF (Fjallabyggð) í Mjólkurbikar karla. Liðin höfðu mæst áður í vetur á Króknum í Lengjubikarnum og þá unnu Stólarnir öruggan 5-0 sigur. Þeir endurtóku leikinn hvað það varðar að skora fimm mörk en í þetta skiptið skoraði andstæðingurinn þrívegis og lokatölur því 3-5 og Stólarnir komnir áfram í 2. umferð.Meira -
Auglýst eftir skólastjóra við Árskóla á Sauðárkróki
feykir.is Skagafjörður, Lokað efni 30.03.2025 kl. 01.58Staða skólastjóra Árskóla er laus til umsóknar. Leitað er að einstaklingi með leiðtogahæfni og víðtæka þekkingu á skólastarfi til að veita skólanum faglega forystu og leiða skipulagningu á skapandi skólastarfi í stöðugri framþróun í samvinnu við nemendur, kennara, foreldra og skólayfirvöld. Ráðið verður í stöðuna frá og með 1. ágúst næstkomandi.Meira -
Tveimur mótum af sex lokið í Meistaradeild KS
feykir.is Skagafjörður, Íþróttir, Lokað efni 29.03.2025 kl. 12.00Meistaradeild KS í hestaíþróttum hóf göngu sína á ný í Svaðastaðahöllinni á Króknum þann 26. febrúar sl. Sjö lið eru skráð til leiks með fimm úrvals knöpum í hverju liði og var byrjað á að keppa í fjórgangi. Einnig var/verður keppt í gæðingalist, fimmgangi F1 (11. apríl), Slaktaumatölti T2 (25. apríl), 150m og gæðingaskeið (26. apríl) og Tölt T1 og flugskeið (2. maí). Liðin í ár eru Hrímnir/Hestaklettur, Hofstorfan/66°Norður, Team Lífland, Íbishóll, Þúfur, Storm Rider og Uppsteypa.Meira -
Fasteignagjöld víða hærri í landsbyggðum en á höfuðborgarsvæði
feykir.is Skagafjörður, Austur-Húnavatnssýsla, Vestur-Húnavatnssýsla 29.03.2025 kl. 10.00Byggðastofnun hefur fengið Húsnæðis- og mannvirkjastofnun (HMS) til að reikna út fasteignamat á sömu viðmiðunarfasteigninni um land allt. Viðmiðunareignin er einbýlishús sem er 161,1 m² að grunnfleti og 476 m³ á 808 m² lóð. Fasteignagjöld eru reiknuð út af Byggðastofnun samkvæmt álagningarreglum ársins 2025 eins og þær eru í hverju sveitarfélagi, út frá fasteignamatinu sem HMS reiknar og gildir frá 31. desember 2024. Útreikningar voru gerðir fyrir 103 matssvæði í 48 sveitarfélögum.Meira -
Rarik endurnýjar mæla í Húnabyggð
feykir.is Austur-Húnavatnssýsla, Vestur-Húnavatnssýsla 29.03.2025 kl. 09.00Á heimasíðu Húnabyggðar segir að í næstu viku munu starfsmenn frá Rarik hefja endurnýjun snjallmæla fyrir hita og rafmagn á Blönduósi. Haft verður samband við viðskiptavini fljótlega og upplýsingar sendar um mælaskiptin bæði með SMS skilaboðum og nánari upplýsingum í tölvupósti. Þá munu Rarik starfsmenn vera í sambandi til að finna tíma sem hentar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.