Styrktarsíða fyrir Matthildi Haraldsdóttur
Sett hefur verið á laggirnar fjársöfnun fyrir Matthildi Haraldsdóttur sem berst nú fyrir lífi sínu í Þýskalandi en foreldrar hennar eru þau Harpa Þorvaldsdóttir og Haraldur Ægir Guðmundsson.
Mánudaginn 7. desember síðastliðinn fæddist lítil íslensk stúlka – Matthildur Haraldsdóttir – í Salzburg í Austurríki. Foreldrar hennar eru þau Harpa Þorvaldsdóttir söngnemi við Mozarteum tónlistarháskólann þar í borg og Haraldur Ægir Guðmundsson, tónlistarmaður og málari.
Nokkrum klukkustundum eftir fæðinguna sem gekk vonum framar, kom í ljós að Matthildur litla þjáist af afar flóknum og sjaldgæfum hjartagalla. Ekki er vitað á þessari stundu hvaða áhrif hann mun hafa á líf hennar en ljóst er að unga fjölskyldan mun þurfa að heyja harða baráttu á næstu misserum – en auk Matthildar eiga Harpa og Haraldur aðra yndislega dóttur, Halldóru Björgu, sem er nýorðin 6 ára.
Fimmtudaginn 10. desember var Matthildur flutt með sjúkraflugi til München þar sem hún gekkst undir hjartaaðgerð. Læknar gáfu litla sem enga von um að hún myndi komast í gegnum fyrstu dagana en sú stutta hefur sýnt afar mikla þrautseigju og berst hetjulega fyrir lífi sínu.
Til þess að styðja við bakið á fjölskyldunni á þessum erfiðu tímum hefur verið opnaður styrktarreikningur hjá Sparisjóðnum á Hvammstanga. Það er von okkar að sem flestir sjái sér fært að leggja sitt af mörkum með hvers kyns fjárframlögum. Munum að margt smátt gerir eitt stórt.
Með bestu jólakveðjum og von um góð viðbrögð.
Vinir.
Bankaupplýsingar:
Sparisjóðurinn á Hvammstanga 1105-05-403600 - Kt. 160580-5429
Hægt er að fylgjast með á Fésbókinni en þar hefur verið stofnuð sérstök styrktarsíða. Sjá HÉR.
Fleiri fréttir
-
Tómar tilviljanir urðu til þess að Andri Már er óvart kominn með hljómsveit í Mexíkó
feykir.is Skagafjörður, Listir og menning, Lokað efni 15.03.2025 kl. 22.41„Veðrið er frábært! Núna er klukkan átta að morgni og hitinn er um 10 gráður, svo fer hitinn upp í 25-30 gráður yfir daginn svo það er eins gott að eiga góðan kúrekahatt til að skýla sér fyrir sólinni,“ segir Andri Már Sigurðsson, tónlistarmaður og Króksari í Mexíkó, þegar Feykir tekur hann tali og byrjar að sjálfsögðu á því að spyrja um veðrið. Viðtalið snýst þó ekki um veður, heldur tónlist og hvernig Andri Már stofnaði óvart hjómsveit í MexíkóMeira -
Gestirnir höfðu betur í baráttuleik
feykir.is Skagafjörður, Íþróttir, Lokað efni 15.03.2025 kl. 21.28Það var boðið upp á markaveilsu í blíðunni á Króknum í dag þegar lið Tindastóls tók á móti sameinuðu liði Hattar/Hugins að austan í Lengjubikarnum. Jafnt var í hálfleik, 1-1. en fjör færðist í markaskorunina í síðari hálfleik og fór svo á endaum að gestirnir unnu leikinn 3-4 eftir mark í uppbótartíma.Meira -
Það er sjö stiga hiti í veðurkortunum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.03.2025 kl. 21.21Það er ekki ólíklegt að flestir aðrir en skíðavinir gleðjist yfir veðurspánni næstu daga. Það eru vorhlýindi í kortunum og stöðugleikinn svo einstakur að sumir gætu jafnvel haldið að vefur Veðurstofunnar væri bilaður – þannig er til dæmis spáð sjö stiga hita á hádegi á Sauðárkróki næstu fimm daga eða alveg fram á fimmtudag hið minnsta.Meira -
Stefnt að endurnýjun rafkerfisins í kirkjugarði Blönduóss
feykir.is Austur-Húnavatnssýsla, Mannlíf 15.03.2025 kl. 21.19Húnahornfið segir frá því að á aðalfundi Kirkjugarðs Blönduóss, sem fram fór 12. mars síðastliðinn, var samþykkt að á næstu þremur árum yrði unnið að endurnýjun rafmagnskerfisins í kirkjugarðinum og að sett yrði upp tenglahús fyrir jólaljósin. Þá var samþykkt að ganga frá göngustígum í nýjasta hluta garðsins og setja mottur, eins og eru á stígunum sem liggja í gegnum garðinn. Lausleg kostnaðaráætlun vegna þessara framkvæmda er um átta milljónir króna.Meira -
Njarðvíkingar brugðu fæti fyrir lið Tindastóls
feykir.is Skagafjörður, Íþróttir, Lokað efni 14.03.2025 kl. 09.48Tindastólsmenn spiluðu í gær við lið Njarðvíkur í spunkunýju Ljónagryfjunni í næstsíðustu umferðinni í Bónus deildinni þennan veturinn. Umræðan hjá spekingum hefur mestmegnis verið á þá leið að það væri nánast formsatriði fyrir Stólana að tryggja sér deildarmeistaratitilinn en útileikur í Njarðvík og heimaleikur gegn Val eru ekki beinlínis léttasta leiðin að deildarmeistaratitlinum þegar allt er í járnum. Það fór svo að Njarðvíkingar voru frískari og þá sér í lagi byrjunarlið þeirra sem skoraði öll stig liðsins utan einhverra sex sem SnjólfurStefánsson gerði. Lokatölur voru 101-90.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.