Stórt tap hjá Tindastólsstúlkum gegn Þrótti Reykjavík
Í gærkvöldi fór fram leikur Tindastóls og Þróttar Reykjavík í Inkasso deild kvenna á Sauðárkróksvelli. Leikurinn var algjörlega eign Þróttar og getum við sagt að þetta var ekki dagur Tindastóls í gær. Leikurinn endaði með stórsigri Þróttar 0-7.
Fyrstu mínúturnar voru virkilega skemmtilegar og spennandi og ætluðu bæði lið ekki að tapa þessum leik. Á 9. mínútu leiksins kom fyrsta mark leiksins og var það Álfhildur Rósa sem gerði það. Aðeins þremur mínútum síðar skoraði Þróttur aftur en í þetta skipti skoraði Linda Líf. Staðan 0-2 eftir tólf mínútur. Á 27. mínútu kom þriðja markið og var það Andrea Rut sem skoraði það og útlitið ekki gott fyrir Tindastól. Það skánaði ekki þegar Þróttur komst í 0-4 með marki frá Lauren Wade og staðan í hálfleik 0-4 fyrir Þrótti.
Þegar aðeins voru liðnar fimm mínútur af seinni hálfleiknum fékk markvörður Þróttar beint rautt spjald fyrir að verja með höndunum fyrir utan teig því miður breytti það engu fyrir Tindastól því Þróttur skoraði fimmta markið aðeins ellefu mínútum eftir rauða spjaldið og skoraði Linda Líf í annað skipti í leiknum. Sjötta mark Þróttar kom á 70. mínútu og var það Olivia Marie Bergau sem skoraði það. Besta færi Tindastóls í leiknum kom strax eftir sjötta mark Þróttar þegar Murielle Tiernan kom með góðan bolta inn í og náði Laufey frábærum skalla en boltinn hafnaði í slánni. Á 81. mínútu leiksins kom sjöunda markið og var Olivia Marie Bergau aftur á ferðinni. Lokatölur á Sauðárkróksvelli 0-7 fyrir Þrótti.
Eins og kom fyrr í fréttinni þá var þetta ekki dagur Tindastóls en svona getur boltinn verið. Eftir leikinn í gærkvöldi kom tilkynning á facebook síðu stuðningsmanna Tindastóls frá Jóni Stefáni þjálfara Tindastóls hér kemur hún.
Kæru stuðningsmenn!
Mig langar fyrir hönd okkar í meistaraflokk kvenna að biðjast afsökunar á frammistöðu okkar allra í kvöld. Við erum öll í stuttu máli eyðilögð yfir þessu sem átti sér stað í kvöld. Við erum jafnframt alveg staðráðin í að gera betur í næsta leik og öllum leikjum sem eftir eru. Við erum stolt af því að vera í Tindastól og viljum að Tindastólsfólk sé stolt af okkur. Ég sem þjálfari vona að þið styðjið áfram og jafnvel enn þéttar við bakið á stelpunum ykkar í þeim leikjum sem eftir eru, það munar svo sannarlega um það.
Ég hef enn og áfram ofurtrú á stelpunum okkar og hlakka til lokasprettsins. Við ætlum okkur að bíta frá okkur svo um munar.
Næsti leikur hjá Tindastóls er á móti Fjölni frá Grafarvogi og verður leikurinn spilaður þriðjudaginn 13. ágúst klukkan 18:00 á Extra vellinum.
Áfram Tindastóll
/EÍG
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.