Stórskemmtilegt Hárlakk í Varmahlíð
Það er tilhlökkunarefni í byrjun hvers árs þegar árshátíðarleikrit eldri bekkja Varmahlíðarskóla eru sett á fjalirnar. Engin breyting var á núna fyrir nýliðna helgi og var tvívegis húsfyllir í Miðgarði á ameríska söngleiknum Hárlakki ( Hairspray) eftir Mark O´Donnel og Thomas Meehan í íslenskri þýðingu og staðfæringu Írisar Olgu í Flatatungu og Árna Friðrikssonar. Sögusviðið er Baltimore í byrjun sjöunda áratugararins þegar sjónvarpið og rokktónlistin er allsráðandi hjá unglingum sem sumum fannst þá sem nú nokkuð skorta á skilning foreldranna þegar kemur að skemmtunum. En söngleikurinn er líka áminning um það hve stutt er síðan kynþáttafordómar og aðskilnaður kynþátta voru ríkjandi í Bandaríkjunum og m.a. tónlistin átti sinn þátt í að breyta þeim viðhorfum.
Eins og undanfarin ár eru dagarnir eftir jólafríið helgaðir æfingum en samt sem áður er óskiljanlegt hvernig Helgu Rós leikstjóra og Írisi Olgu sviðsmyndahönnuði tekst í samstarfi við nemendur og aðra kennara að gera tveggja tíma verk sýningarhæft á í rauninni sjö æfingadögum, verk með miklum texta, dansatriðum, fjölda laga sem fæst eru þekkt og glæsilegum búningum. Og ekki bara sýningarhæft. Seinni sýningin var hreint út sagt stórskemmtileg og viðtökurnar eftir því. Gaman var líka að sjá hve margir gestir voru í salnum sem engar beinar tengingar áttu við leikara eða nemendur heldur einungis komnir til að njóta góðrar skemmtunar.
Enn og aftur sannast hve dýrmætt uppbyggingarstarf er unnið með þessum hætti. Allir fá hlutverk við sýninguna og þurfa að taka ábyrgð á sér og gagnvart öðrum. Vissulega er leikhefðin sterk í skólanum en ugglaust hafa einhverjir farið út að brún hins þægilega í hlutverkum sínum. Það var þó ekki að sjá því sýningin rann lipurlega. Tímasetningar góðar, textinn hnökralaus en sumir hefðu að ósekju mátt tala ögn hærra fyrir ömmurnar og afana. Hnyttnin í tilsvörum komst vel til skila og söngurinn sem var bæði mikill og erfiður einkum fyrir strákana var leystur vel af hólmi.
Það er hálf ósanngjart að draga einhverja út úr hópnum sem allur lagði sig fram. Samt sem áður má ég til með að nefna Guðnýju Rúnu sem túlkaði hina lífsglöðu og kláru Tracy bæði í söng og leik einstaklega vel og gaf persónunni sérdeilis trúverðugan blæ. Hekla Valdís lék svo prakkarann Penny með tilþrifum, fór aldrei úr karakter og punthitti brandarana. En stjarnan var Davíð í Flatatungu í hlutverki Ednu móður Tracy. Tök hans á hinni lífsreyndu en ráðagóðu móður voru stórkostleg og minntu á löngum köflum á Mrs Brown í sjónvarpi allra landsmanna. Gerfið, dansatriðið og samtölin við Wilbur eiginmanninn, meistaralega leikinn af Jódísi, hollingin öll svo óborganlega fyndin enda uppskar hann mikið klapp og hlátur.
Til hamingju með frábæra sýningu kæru nemendur og aðstandendur.
Gunnar Rögnvaldsson.
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.