Stórleikur í uppsiglingu á Blönduósi
Þann 17. júní nk. verður haldinn á Blönduósi athyglisverður fótboltaleikur eða leikur ársins þegar Brunavarnir A-Hún og meistaraflokkur Hvatar leiða saman hesta sína. Brunavarnirnar skoruðu á Hvatarliðið sem nú hefur tekið áskorunni og vilja spila á 17. júní.
Áskorun á meistaraflokk Hvatar
Á undanförnum vikum og mánuðum hefur slökkvilið Brunavarna Austur-Húnavatnssýslu farið í mikla liðsuppbyggingu. Þar skiptir miklu máli að liðsheildin sé sterk og að menn vinni saman í ábyrgðarmiklu og krefjandi starfi. Uppbyggingin hefur gengið framúrskarandi vel og eru Brunavarnir Austur-Húnavatnssýslu, án efa, með eitt sterkasta hlutastarfandi slökkviliðs landsins.
Liðsmenn slökkviliðsins koma úr öllum greinum atvinnulífsins. Hluti liðsins hefur lokið námi slökkvilismanna og stjórnendur og millistjórnendur viðbótarnámi. Brunavarnir Austur-Húnavatnssýslu er eina hlutastarfandi slökkvilið landsins sem hefur slökkviliðsmenn á föstum vökum utan dagvinnu tíma og um helgar. Metnaður og kraftur slökkviliðsins hefur undanfarið verið að skila sér með mjög góðum æfingum og skipulagningu.
Til að sýna íbúum og öðrum hversu öflugt slökkviliðið er, skorar slökkvilið á meistaradeild Hvatar í fótbolta. Við hvetjum þjálfara Knattspyrnufélagsins Hvatar til að hafa samband við slökkviliðsstjóra. Keppnisdagur og -tími mun verða auglýstur síðar.
Brunavarnir A-Hún skora á meistaraflokk karla í knattspyrnu- „við tökum þessari áskorun með bros á vör“!
Við teljum það okkar skyldu að taka þessari áskorun slökkviliðsins þar sem þeir þykjast hafa verið að æfa á fullu undanfarið. Það á þá betur eftir að koma í ljós hvernig þær æfingar hafa verið og undir hvað þeir eru búnir og teljum við okkur vera þá menn sem gætu gert gæfumuninn í að kanna líkamlegt form slökkviliðsins með því að láta þá hlaupa á eftir okkur einn fótboltaleik. Þegar ég tilkynnti leikmönnum Hvatar þessa áskorun þá hlógu þeir og sögðu þetta vera lítið mál eins og þeir orðuðu þetta „já sæll, að stinga af einhverja kalla með brunaslöngu ætti ekki að vera mikið mál“!!
Íslandsmótið hefur verið tekið af forgangslista okkar og mun þessi leikur fá alla okkar orku!!
Með tilhlökkun og Hvatar kveðju,
Jens Elvar Sævarsson þjálfar mfl. Hvatar.
Fleiri fréttir
-
Opið fyrir umsóknir í tvo sjóði hjá UMFÍ
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 03.04.2025 kl. 13.29Á vef UMFÍ segir að búið er að opna fyrir umsóknir í Fræðslu- og verkefnasjóð UMFÍ og Umhverfissjóð UMFÍ. Sjóðirnir gagnast afar vel þeim sem leita eftir stuðningi við félags- og íþróttastarf og umhverfisverkefni. Rétt til umsóknar úr sjóðunum eiga sambandsaðilar UMFÍ, aðildarfélög sem eru virk í starfi og deildir innan þeirra. Einnig eiga stjórn og nefndir UMFÍ rétt á að sækja um styrk úr sjóðunum.Meira -
Rabarbarafreyðivín þróað á Hvammstanga
feykir.is Austur-Húnavatnssýsla, Vestur-Húnavatnssýsla, Lokað efni 03.04.2025 kl. 11.50Bændablaðið segir frá því að á Hvammstanga er verið að þróa framleiðslu á íslensku víni, Rabarbarafreyðivínið Hret, og er áætlað er að það komi á innlendan markað árið 2026. Forsvarsmenn Hrets þær stöllur Hrund Jóhannsdóttir og Greta Clough vinna um þessar mundir að þróun á íslensku freyði- og ávaxtavíni. Markmiðið er að þróa farsælt vörumerki með áherslu á íslenskan uppruna en á alþjóðlegum markaði.Meira -
Domi ráðinn þjálfari yngri flokka hjá Hvöt
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 03.04.2025 kl. 11.26Stjórn knattspyrnudeildar Hvatar hefur ráðið Juan Carlos Dominguez Requena (Domi) í starf þjálfara yngri flokka hjá deildinni frá og með 1. apríl 2025. Dom kemur til deildarinnar frá Tindastól þar sem hann hefur þjálfað yngri flokka undanfarin ár.Meira -
Barnaleikritið Ferðin á heimsenda frumsýnd í kvöld
feykir.is Austur-Húnavatnssýsla, Vestur-Húnavatnssýsla, Mannlíf 03.04.2025 kl. 11.21Leikfélag Blönduóss frumsýnir í kvöld, fimmtudaginn 3. apríl, í Félagsheimilinu á Blönduósi, barnaleikritið Ferðin á heimsenda eftir Olgu Guðrúnu Árnadóttur. Stór og flottur leikhópur á öllum aldri tekur þátt í sýningunni og er það hinn reyndi leikstjóri, Sigurður Líndal sem stýrir hópnum.Meira -
Stólarnir tóku fyrsta sigurinn í einvíginu gegn Keflvíkingum
feykir.is Skagafjörður, Íþróttir, Lokað efni 02.04.2025 kl. 23.59Það reyndist raunin, líkt og Feykir hafði bent á í morgun, að Keflvíkingar voru sýnd veiði en ekki gefin. Þeir mættu brattir til leiks í Síkinu í kvöld í fyrstu rimmu deildarmeistara Tindastóls og Suðurnesjapiltanna í einvígi liðanna í átta liða úrslitum Bónus deildar karla. Eftir sveiflukenndan leik þá var það loks í blálokin sem Stólarnir tryggðu sér sigurinn eftir að gestirnir höfðu leitt með fjórum stigum í hálfleik. Lokatölu 94-87 og næst liggur leiðin í Keflavíkina.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.