Stólarnir kvöddu 2. deildina með vissum stæl
Síðasta umferðin í 2. deild karla í knattspyrnu var leikin í gær og liðsmenn Tindastóls fengu það strembna verkefni, löngu fallnir, að skjótast á Ísafjörð þar sem Bjarni Jóh og lærisveinar hans í Vestra þurftu sigur til að tryggja sér sæti í Inkasso-deildinni. Það er skemmst frá því að segja að lið Tindastóls tapaði leiknum með miklum myndarbrag og stakk sér þar með ofan í þriðju deild með stæl. Lokatölur voru 7-0 fyrir Vestra.
Það voru aðeins 12 leikmenn á skýrslu hjá Stólunum að þessu sinni og Jonathan Faerber, sem setið hefur á bekknum síðustu leiki, sat þar nú ekki sem markvörður heldur sem útileikmaður en Atli Dagur hefur staðið í markinu að undanförnu. Faerber fékk heiðurs-innáskiptingu á 82. mínútu en þrátt fyrir að vera með tvo „markmenn“ á vellinum tókst Stólunum ekki að koma í veg fyrir að Vestri gerði sjöunda og síðasta mark leiksins fimm mínútum síðar.
Vestrinn kom einbeittur til leiks enda mikið í húfi. Þórður Hafþórs kom þeim yfir á 3. mínútu og Isaac Da Silva bætti við marki á 19. mínútu og Ísfirðingar í góðum gír. Ísak (sem fékk ekki gult spjald í leiknum) hjálpaði heimamönnum aðeins með sjálfsmarki á 32. mínútu áður en Zoran Plazonic gerði fjórða mark Vestra úr víti tveimur mínútum síðar. Í síðari hálfleik gerði Þórður fimmta markið á 66. mínútu, Joshua Signey bætti í púkkið á 73. mínútu og það var svo loks Daníel Ásgeirsson sem klíndi sjöunda markinu í andlitið á Tindastólsmönnum á 87. mínútu.
Þetta er búið að vera erfitt sumar hjá strákunum. Liðið endaði með 12 stig að loknum 22 leikjum og markatöluna 22-62. Það var ljóst fyrir mót að liðið var ekki nógu sterkt, meiðsli hafa auk þess sett strik í reikninginn og án þess að kenna einu né neinu um, fremur en öðru, þá voru Stólarnir ekki að vinna neitt í útlendingahappdrættinu. Keyptu raunar ansi fáa miða í þeim leik (3-4) miðað við mörg liðanna í 2. deild. Þannig voru til dæmis Ísfirðingar með átta eða níu erlenda leikmenn í hóp í gær. Leiknir Fáskrúðsfirði, sem varð efst í deildinni og fer með Vestra upp um deild, var með sjö erlenda leikmenn í byrjunarliði sínu. Einhverjir þessara leikmanna eru mögulega með íslenskt ríkisfang, en sama er um – í fámennum byggðarlögum úti á landi virðist þetta vera leiðin fyrir félögin ef menn stefna á annað borð upp um deild. Það virðist einfaldlega vera nær ómögulegt að ná í lið öðruvísi. Það er af sem áður var!
Nú er ekkert annað í stöðunni en að reima skóna þéttingsfast og mæta til leiks með höfuðið hátt í 3. deildinni næsta sumar. Áfram Tindastóll!
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.