Stólarnir auðveld bráð í Ljónagryfjunni
Lið Tindastóls lék annan leik sinn í Iceland Express deildinni í gærkvöldi en þá héldu piltarnir í Ljónagryfjuna í Njarðvík og reyndust því miður næsta auðveld bráð fyrir banhungruð ljónin úr Njarðvíkum. Heimamenn náðu góðri forystu strax í fyrsta leikhluta og var sigur þeirra aldrei í hættu. Lokatölur 108-81.
Stólarnir héldu í við Njarðvíkinga fyrstu 3-4 mínútur leiksins en þá tók einhver Jóhann Árni leikinn í sínar hendur og gerði kappinn 21 stig í fyrsta fjórðungnum. Helgi Freyr rammvilltist í upphafi leiks og var kominn með 3 villur eftir um 5 mínútna leik og við því mega Stólarnir ekki. Staðan 35-21 eftir fyrsta leikhluta.
Tindastólsmenn sýndu hvað í þeim býr í upphafi annars leikhluta og minnkuðu muninn í 6 stig en Njarðvíkingar voru ekki í neinu jólagjafastuði, svöruðu Stólunum með góðum leik og leiddu með 23 stiga mun í leikhléi, staðan 61-38.
Rétt eins og gegn Grindvíkingum síðastliðið föstudagskvöld var síðari hálfleikurinn nánast formsatriði. Munurinn jafnan í kringum 30 stig á liðunum og því kannski ekki annað að gera en að reyna að halda andlitinu. Þegar upp var staðið lönduðu Njarðvíkingar 27 stiga sigri, lokatölur 108-81.
Stigahæstur í liði Tindastóls var Svavar sem gerði 19 stig og Michael Giovacchini kom í humátt á eftir honum með 16 stig. Njarðvíkingar voru að minnsta kosti númeri of stórir fyrir kanalausa Króksara í gærkvöldi og fór Jóhann Árni Ólafsson sérstaklega illa með Stólanan en kappinn gerði 36 stig.
Næsti leikur Tindastóls er hér heima á föstudaginn en þá mætir Palli Kolbeins með KR-ingana sína í Síkið. Vonandi verða þeir Vesturbæingar í óstuði.
Fleiri fréttir
-
Tómar tilviljanir urðu til þess að Andri Már er óvart kominn með hljómsveit í Mexíkó
feykir.is Skagafjörður, Listir og menning, Lokað efni 15.03.2025 kl. 22.41„Veðrið er frábært! Núna er klukkan átta að morgni og hitinn er um 10 gráður, svo fer hitinn upp í 25-30 gráður yfir daginn svo það er eins gott að eiga góðan kúrekahatt til að skýla sér fyrir sólinni,“ segir Andri Már Sigurðsson, tónlistarmaður og Króksari í Mexíkó, þegar Feykir tekur hann tali og byrjar að sjálfsögðu á því að spyrja um veðrið. Viðtalið snýst þó ekki um veður, heldur tónlist og hvernig Andri Már stofnaði óvart hjómsveit í MexíkóMeira -
Gestirnir höfðu betur í baráttuleik
feykir.is Skagafjörður, Íþróttir, Lokað efni 15.03.2025 kl. 21.28Það var boðið upp á markaveilsu í blíðunni á Króknum í dag þegar lið Tindastóls tók á móti sameinuðu liði Hattar/Hugins að austan í Lengjubikarnum. Jafnt var í hálfleik, 1-1. en fjör færðist í markaskorunina í síðari hálfleik og fór svo á endaum að gestirnir unnu leikinn 3-4 eftir mark í uppbótartíma.Meira -
Það er sjö stiga hiti í veðurkortunum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.03.2025 kl. 21.21Það er ekki ólíklegt að flestir aðrir en skíðavinir gleðjist yfir veðurspánni næstu daga. Það eru vorhlýindi í kortunum og stöðugleikinn svo einstakur að sumir gætu jafnvel haldið að vefur Veðurstofunnar væri bilaður – þannig er til dæmis spáð sjö stiga hita á hádegi á Sauðárkróki næstu fimm daga eða alveg fram á fimmtudag hið minnsta.Meira -
Stefnt að endurnýjun rafkerfisins í kirkjugarði Blönduóss
feykir.is Austur-Húnavatnssýsla, Mannlíf 15.03.2025 kl. 21.19Húnahornfið segir frá því að á aðalfundi Kirkjugarðs Blönduóss, sem fram fór 12. mars síðastliðinn, var samþykkt að á næstu þremur árum yrði unnið að endurnýjun rafmagnskerfisins í kirkjugarðinum og að sett yrði upp tenglahús fyrir jólaljósin. Þá var samþykkt að ganga frá göngustígum í nýjasta hluta garðsins og setja mottur, eins og eru á stígunum sem liggja í gegnum garðinn. Lausleg kostnaðaráætlun vegna þessara framkvæmda er um átta milljónir króna.Meira -
Njarðvíkingar brugðu fæti fyrir lið Tindastóls
feykir.is Skagafjörður, Íþróttir, Lokað efni 14.03.2025 kl. 09.48Tindastólsmenn spiluðu í gær við lið Njarðvíkur í spunkunýju Ljónagryfjunni í næstsíðustu umferðinni í Bónus deildinni þennan veturinn. Umræðan hjá spekingum hefur mestmegnis verið á þá leið að það væri nánast formsatriði fyrir Stólana að tryggja sér deildarmeistaratitilinn en útileikur í Njarðvík og heimaleikur gegn Val eru ekki beinlínis léttasta leiðin að deildarmeistaratitlinum þegar allt er í járnum. Það fór svo að Njarðvíkingar voru frískari og þá sér í lagi byrjunarlið þeirra sem skoraði öll stig liðsins utan einhverra sex sem SnjólfurStefánsson gerði. Lokatölur voru 101-90.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.