Stofu Stólarnir komnir í stellingarnar
Ekki virtist vanta í heiminn fleiri körfubolta-poddköst en svo fór stuðningsmönnum Tindastóls að berast vinabeiðnir í vikunni frá Stofu Stólunum. Fyrsta útsending var einskonar poddkasts- og Skype-fundarblanda sem Feykir ætlar ekki að skilgreina nánar. Í fyrstu útsendingu mátti sjá glerharðan stuðningsmann Stólanna úr Hlíðahverfi borgar óttans, Eika Hilmis, og flauelstenór TindastólsTV, Eystein Guðbrandsson, ræða mikilvæg körfumál og skella í andlit áhorfenda óritskoðuðum spám fyrir veturinn. Feykir reyndi að setja sig í samband við höfuðpaurinn.
Ómögulegt reyndist fyrir blaðamann að átta sig á hvort samband náðist við Eika sjálfan eða náskyldan ættingja hans, Lobba Spör, en margt er líkt með skyldum. Fyrst var spurt hvað hér væri í gangi og svar barst í Facebook-skilaboðum, eftir vinnu en fyrir fyrsta leik. „Stofu Stóllinn er eins og nafnið bendir til svar glerharðra stuðningsmanna Tindastóls í körfu við sóttvarnarreglum og fjarlægðartakmörkunum Landlæknisembættis. Þegar ekki má hittast í þröngum hópum til að fara yfir og undirbúa sig fyrir næsta leik, sem er gríðarlega mikilvægt fyrir okkur, þá var ákveðið að nýta veraldarvefinn og Skype til að gera hitting þar sem menn hafa tækifæri til að blása út hverju sem þörf er á.“
Hvernig fer þetta fram? „Þetta fer þannig fram að þeir sem vilja vera með í næsta þætti, eða telja sig hafa eitthvað umummæli fyrri þátta að segja, senda FB skilaboð á Stofu Stólana. Stjórnarfundur tekur ákvörðun um næstu skref og menn fá leiðbeiningar um hvernig hægt er að vera með í þættinum sem verður á FB.“
Verður Stofu Stóllinn á föstum tímum í vetur? „Eftir að hafa prófað að fasta seint á síðustu öld hefur Lobbi enga trú á föstum tímum svo þættirnir verða sennilega vikulega, helst fyrir hvern leik Tindastóls, fer þó eftir þátttöku svo við hvetjum alla til að setja sig í samband og vera með. Takmarkið er auðvitað að gera eitthvað skemmtilegt og vera að bauka eitthvað.“
Eflaust hafa einhverjir orðið varir við hækkun blóðþrýstings þegar Eysteinn spáði liði Tindastóls þriðja sæti í deildarkeppninni og ekki hefur ástandið batnað þegar Eiki spáði Stólunum sjötta sæti og sagði það vera góðan árangur þar sem Tindastóll væri lítill klúbbur – ólíkt Stjörnunni, KR og Val og mögulega Keflavík.
Hvað á það þýða að spá Stólunum sjötta sæti? „Eins og fram kemur í fyrsta þætti hefur Lobbi alltaf haldið mest upp á töluna sex, sérlega eftir að hann lærði ensku. Það eru tólf lið í deldinni, þá er sex um miðbikið en það er einmitt annað áhugamál Lobba.“
Hvernig leggst tímabilið í þig? „Tímabilið leggst mjög vel í okkur Stofu Stóla. Vonandi leggjast allir á árarnar til að gera þetta að skemmtilegum vetri og eftirminnilegum, t..d. með því að taka þátt og koma í þáttinn,“ segja Eiki eða Lobbi að lokum. Og nú er bara um að gera að vera memm!
Fleiri fréttir
-
"Finnst mjög gaman að skapa fyrir barnabörnin"
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Handverk 26.12.2024 kl. 13.58Helga Þorbjörg Hjálmarsdóttir fædd og uppalinn á Tunguhálsi ll í Tungusveit býr með Guðmundi Guðmundssyni frá Fossum í Svartárdal á Lækjarbrekku á Steinsstöðum. Þau byggðu sér hús þar árin 1994-1995 og ólu upp sín fjögur börn sem öll eru flogin úr hreiðrinu, eiga sjö barnabörn og eitt á leiðinni. Helga starfar sem stuðningsfulltrúi í Varmahlíðarskóla og við heimaþjónustu í Skagafirði.Meira -
Aðsend Jólasaga - „Anna litla og tuskudúkka“ | Rúnar Kristjánsson
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.12.2024 kl. 13.00Anna litla sat úti í einu horninu á litlu lóðinni kringum húsið og lék sér með tuskudúkkuna sína. Það var sólskin og blíða og hún var þarna ein að dunda sér. Henni fannst svo mikils virði að fá að vera í friði með sín hugðarefni. Það var svo sjaldan hægt að fá frið, því systkinin voru mörg og oft svo hávaðasamt á heimilinu. Eldri bræður hennar þóttust orðnir heilmiklir karlar og litu á hana sem smábarn og stóra systir gat stundum verið svo mikil skessa við hana. Önnu litlu fannst hún oft vera ein í heiminum. Það var eins og enginn skildi hana eða vildi gefa sér tíma til að sinna henni.Meira -
Héldu glöð, ánægð og hrærð út í kvöldhúmið
feykir.is Skagafjörður, Lokað efni 25.12.2024 kl. 10.00Kirkjukór Glaumbæjarprestakalls lagði land undir fót í aðdraganda aðventu í byrjun nóvember og hélt til Þýskalands til að syngja á menningarnótt í Rheinsberg þar í landi. Ferðin var farin ári á eftir áætlun og Feykir hafði samband við Gunnar Rögnvaldsson á Löngumýri og bað hann að segja okkur ferðasöguna.Meira -
Fyrst New York Times og nú Feykir
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.12.2024 kl. 09.00Ragnheiður Sjöfn Jóhannsdóttir er fædd á Landsspítalanum að morgni 27. júlí 1955 og flaug sína fyrstu flugferð tíu daga gömul til Sauðárkróks, með kjörforeldrum sínum, en hún er kjördóttir þeirra Jóhanns Sólbergs Þorsteinssonar mjólkursamlagsstjóra og Áslaugar Sigfúsdóttur og hefur verið Sauðkrækja síðan. Ragnheiður segist þurfa að búa á landsbyggðinni og bjó lengi í Borgarnesi og svo Mosfellsbæ áður en hún flutti á Hvammstanga þar sem hún býr í dag með manni sínum Guðmundi Hauki Sigurðssyni.Meira -
Gleðileg jól
feykir.is Skagafjörður, Austur-Húnavatnssýsla, Vestur-Húnavatnssýsla 24.12.2024 kl. 18.00Steikin inn í ofninum og spennan stöðugt vex, allir bíða eftir því að klukkan slái sex, eins og segir í textanum, nú þarf ekki lengur að bíða þess og óskar Feykir lesendum og landsmönnum öllum gleðilegra jóla og farsældar á komandi ári með kærri þökk fyrir það liðna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.