Stofnfundur siglingaklúbbsins í kvöld
Nú er komið að því að stofna siglingaklúbb í Skagafirði. Það mun gerast í kvöld kl. 20:00. að Sæmundargötu 7 Sauðárkróki, í Húsi Frítímans. Félagið er ætlað áhugamönnum um siglingar á öllum aldri jafnt börnum sem fullorðnum.
Með því að stofna félaga þá viljum við auka siglingar hverskonar t.d. á árabátum, kajak, seglbátum og vonandi seglskútum í framtíðinni. Einnig eru áhugamenn um köfun og sjósund velkomnir að vera með, segir í tilkynningu frá undirbúningsnefndinni.
Sérstök áhersla verðu lögð á barna og ungmennastarf og verður stefnt að því að halda siglinganámskeið fyrir börn í júní í sumar.
Klúbburinn hefur fengið vilyrði um afnot af flotbryggju, árabátum, kanó, seglbátum og öryggisbát sem er í eigu Sveitarfélagsins Skagafjarðar og Skagafjarðarveitna. Þá hefur klúbbnum einnig verið veittur styrkur til smíði seglbáta (kænur) fyrir byrjendur, svokallaðir optimistar.
Dagskrá fundarins:
- Hugmyndin að siglingaklúbb kynnt, bátakostur og hugsanlega uppbygging við Suðurgarð – Jakob og Ingvar
- Almenn umfjöllun um siglingaklúbba – Rúnar Þór Björnsson formaður Nökkva á Akureyri
- Drög að lögum kynnt – Jakob og Ingvar
- Almennar umræður um framtíðina, nafn á klúbbinn, sumardagskrá og fleira
Allir áhugasamir eru hvattir til að mæta á fundinn.
Fyrir hönd undirbúningsnefndar.
Ingvar Páll og Jakob Frímann
Fleiri fréttir
-
Opið fyrir umsóknir í tvo sjóði hjá UMFÍ
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 03.04.2025 kl. 13.29Á vef UMFÍ segir að búið er að opna fyrir umsóknir í Fræðslu- og verkefnasjóð UMFÍ og Umhverfissjóð UMFÍ. Sjóðirnir gagnast afar vel þeim sem leita eftir stuðningi við félags- og íþróttastarf og umhverfisverkefni. Rétt til umsóknar úr sjóðunum eiga sambandsaðilar UMFÍ, aðildarfélög sem eru virk í starfi og deildir innan þeirra. Einnig eiga stjórn og nefndir UMFÍ rétt á að sækja um styrk úr sjóðunum.Meira -
Rabarbarafreyðivín þróað á Hvammstanga
feykir.is Austur-Húnavatnssýsla, Vestur-Húnavatnssýsla, Lokað efni 03.04.2025 kl. 11.50Bændablaðið segir frá því að á Hvammstanga er verið að þróa framleiðslu á íslensku víni, Rabarbarafreyðivínið Hret, og er áætlað er að það komi á innlendan markað árið 2026. Forsvarsmenn Hrets þær stöllur Hrund Jóhannsdóttir og Greta Clough vinna um þessar mundir að þróun á íslensku freyði- og ávaxtavíni. Markmiðið er að þróa farsælt vörumerki með áherslu á íslenskan uppruna en á alþjóðlegum markaði.Meira -
Domi ráðinn þjálfari yngri flokka hjá Hvöt
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 03.04.2025 kl. 11.26Stjórn knattspyrnudeildar Hvatar hefur ráðið Juan Carlos Dominguez Requena (Domi) í starf þjálfara yngri flokka hjá deildinni frá og með 1. apríl 2025. Dom kemur til deildarinnar frá Tindastól þar sem hann hefur þjálfað yngri flokka undanfarin ár.Meira -
Barnaleikritið Ferðin á heimsenda frumsýnd í kvöld
feykir.is Austur-Húnavatnssýsla, Vestur-Húnavatnssýsla, Mannlíf 03.04.2025 kl. 11.21Leikfélag Blönduóss frumsýnir í kvöld, fimmtudaginn 3. apríl, í Félagsheimilinu á Blönduósi, barnaleikritið Ferðin á heimsenda eftir Olgu Guðrúnu Árnadóttur. Stór og flottur leikhópur á öllum aldri tekur þátt í sýningunni og er það hinn reyndi leikstjóri, Sigurður Líndal sem stýrir hópnum.Meira -
Stólarnir tóku fyrsta sigurinn í einvíginu gegn Keflvíkingum
feykir.is Skagafjörður, Íþróttir, Lokað efni 02.04.2025 kl. 23.59Það reyndist raunin, líkt og Feykir hafði bent á í morgun, að Keflvíkingar voru sýnd veiði en ekki gefin. Þeir mættu brattir til leiks í Síkinu í kvöld í fyrstu rimmu deildarmeistara Tindastóls og Suðurnesjapiltanna í einvígi liðanna í átta liða úrslitum Bónus deildar karla. Eftir sveiflukenndan leik þá var það loks í blálokin sem Stólarnir tryggðu sér sigurinn eftir að gestirnir höfðu leitt með fjórum stigum í hálfleik. Lokatölu 94-87 og næst liggur leiðin í Keflavíkina.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.