Spes sveitamarkaður og Grettisból á Laugarbakki munu hefja starfsemi sína þann 17. júní n.k.
Markaðurinn er vettvangur handverksfólks, matvælaframleiðenda, listamanna, ferðaþjónustu og áhugamanna um víkingatímabilið, til að koma sínar vörur og þjónustu á framfæri. Sveitamarkaður með sögulegu ívafi var fyrst haldinn á Laugarbakka árið 2009 með góðum árangri.
Markmið með markaðnum er að efla afþreyingu fyrir ferðamenn og heimamenn með framboði af gæðavörum, og í samstarfi við Grettistak að efla fjölskylduvæn afþreying í anda Grettis sögu sterka. Einnig að skapa atvinnutækifæri í dreifbýli.
Handverksþátturinn er alfarið í höndum Verslunarminjasafns Bardúsa á Hvammstanga, til að tryggja gæði og fjölbreytni. Mikil vöruþróun hefur átt sér stað á námskeiðum og mun verða margt nýtt á boðstólum. Einnig má búast við fjölbreyttu framboði af matvælum á markaðnum.
Grettistak leggur fram húsnæði undir markaðinn. Á vegum þess er starfræktur leikvangur í anda Grettis sögu sterka á Laugarbakka, þar sem gestir geta reynt krafta sína og fimi, auk þess sem sögustundir og uppákomur munu vera í boði. Stór steinhringur með eldstæði í miðjunni býður upp á sögustundir, söngskemmtun og margt fleira. Ókeypis er inn á svæðið og eru fjölskyldur sérstaklega velkomnar.
Sjálfboðaliðar eru að gera húsið klárt og hirða garðinn, svo að markaðurinn getur opnað fyrir gesti og viðskiptavini þann 17. júní kl. 13 á Laugarbakka.
Opnunartími í sumar er sem hér segir (nema annað verði tilkynnt seinna): Opið verður frá fimmtudögum til sunnadaga, á tímabili 17. júní og út ágúst. Fimmt. frá 13 – 18, Föst. frá 13 – 20, Laugard. og sunnudagar frá 11 – 18.
Fleiri fréttir
-
Góð byrjun á árinu hjá Júdódeild Tindastóls
feykir.is Skagafjörður, Aðsendar greinar 04.04.2025 kl. 12.20Loka undirbúningur fyrir mótin á vorönninni hófst á fyrstu æfingu ársins 6. janúar.Meira -
Annað skiptið sem safninu hlotnast þessi viðurkenning
feykir.is Skagafjörður, Lokað efni 04.04.2025 kl. 12.04Á dögunum hlaut Byggðasafn Skagfirðinga viðurkenningu frá CIE Tours vegna ánægju gesta með heimsókn á safnið. CIE Tours er Írskt ferðaþjónustufyrirtæki sem var stofnað árið 1932 en fyrirtækið skipuleggur og heldur utan um ferðir í Evrópu. Í tilkynningunni segir að 2024 hafi verið annað árið í röð sem hópar frá þessu fyrirtæki sóttu safnið heim og þetta er jafnframt í annað skiptið sem safninu hlotnast þessi viðurkenning.Meira -
UMFÍ með sínar fyrstu sumarbúðir á Reykjum í sumar
feykir.is Skagafjörður, Austur-Húnavatnssýsla, Vestur-Húnavatnssýsla 04.04.2025 kl. 11.33Í sumar ætlar UMFÍ að halda sínar fyrstu sumarbúðir og verða þær staðsettar á Reykjum í Hrútafirði. Sumarbúðirnar eru ætlaðar krökkum sem eru fædd frá 2011-2013, segir á heimasíðu UMFÍ. Nú spyr ég... hafa ekki allir krakkar gott af því að prufa að fara í sumarbúðir og kynnast nýjum krökkum og hafa gaman? Þetta getur ekki klikkað!Meira -
Yndisleg kvöldstund á Löngumýri
feykir.is Skagafjörður, Lokað efni 04.04.2025 kl. 11.10Það voru fallegir tónar já eða hljómar sem komu frá Löngumýri sl.þriðjudagskvöld þegar tríóið Hljómbrá stóð fyrir vægast sagt notalegri kvöldstund. Tríóið Hljómbrá er skipað þeim Guðrúnu Helgu í Miðhúsum, Kolbrúnu Erlu á Úlfsstöðum og Írisi Olgu í Flatatungu og Rögnvaldur Valbergsson sér um undirleik.Meira -
Nýtt listaverk á Skagaströnd
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 04.04.2025 kl. 09.58Feykir sagði frá því um miðjan febrúar að nokkur ný ruslatunnulistaverk hafi bæst í safnið á Skagaströnd en þá var búið að mála á þrjár nýja tunnur, hver öðrum glæsilegri. Listamaðurinn sem á heiðurinn af tunnumálverkunum er Gígja Heiðrún Óskarsdóttir og nú er hún aftur á ferðinni því á dögunum bættist við ein ný tunna eftir Gígju.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.