Snjólaug og Jón skotíþróttafólk ársins hjá Markviss
Skotfélagið Markviss á Blönduósi valdi á dögunum skotíþróttafólk ársins en það voru þeir sem náðu bestum árangri á árinu sem er að líða. Fyrir valinu urðu þau Snjólaug M. Jónsdóttir, fyrir árangur í haglagreinum, og Jón B. Kristjánsson, fyrir árangur í kúlugreinum. Þá hafa þau bæði starfað ötullega fyrir Markviss og verið öflug í umhverfismálum sem og við uppbyggingu á æfingasvæði félagsins.
Í tilkynningu frá Markviss segir að Snjólaug hafi byrjað keppnistímabilið á æfingaferð til Danmerkur í apríl þar sem hún æfði í nokkra daga hjá KFK í Kaupmannahöfn þar sem hún tók þátt í móti og hafnað í 8. sæti. Hér heima keppti Snjólaug á samtals sex mótum Skotíþróttasambandsins í þremur greinum þ.e. Ólympísku Skeet, Norrænu Trappi og Compak Sporting.
„Hún vann tvo Íslandsmeistaratitla í Ólympísku Skeet ásamt því að jafna Íslandsmet kvenna í úrslitum. Snjólaug varði Íslandsmeistaratitilinn í þessari grein annað árið í röð. Þá varð hún einnig Norðurlandsmeistari kvenna í greininni.
Snjólaug vann einnig Íslandsmeistaratitil í kvennaflokki í Norrænu Trappi þriðja árið í röð en Íslandsmótið fór fram á skotsvæði Skotíþróttafélags Hafnarfjarðar að þessu sinni.
Þá náði hún góðum árangri í Compak Sporting, vann landsmót á Akureyri í júní og varð í öðru sæti á landsmóti í júlí, einnig á Akureyri. Snjólaug hafnaði svo í þriðja sæti á Íslandsmeistaramótinu sem fram fór í Reykjavík í ágúst.
Snjólaug sinnti margvíslegum störfum fyrir Skotf. Markviss á árinu sem er að líða, leysti af sem þjálfari á nýliðaæfingum og vann ötullega að umhverfismálum á skotsvæði félagsins svo eitthvað sé nefnt.“
Um Jón B. Kristjánsson segir að hann hafi keppt á 16 mótum á árinu og varð alls þrettán sinnum í verðlaunasæti, þar af hafi hann hampað sigri á fjórum mótum, hafnað fimm sinnum í öðru sæti og fjórum sinnum í því þriðja. Helstu keppnisgreinar Jóns eru BR50 (.22LR skotið á 50m færi) og VFS (Varmint for score, stærri rifflar á 100/200m færum).
„Í BR50 var í fyrsta sinn keppt með flokkaskiptingu á árinu og náði Jón þar afbragðs árangri, vann tvö mót og hafnaði í öðru sæti í öðrum tveimur. Að auki náði hann fjórða sæti á Akureyrarmeistaramóti sem fram fór í ágúst. Þá hafnaði hann í fjórða sæti á Íslandsmótinu í BR50 bæði í „Sporter“ og „Heavy Varmint“ flokkum.
Í VFS mótum keppti Jón í Heavy Varmint flokki og varð í öðru sæti til Skaustmeistara, náði þriðja sæti í Akureyrarmeistaramóti og varð fjórði til Íslandsmeistara á sínum persónulega besta árangri í þessari grein.
Auk þess keppti Jón á ýmis konar öðrum riffilmótum vítt og breitt um landið og var meðal annars í verðlaunasæti á öllum VFS riffilmótum Skotfélags Ólafsfjarðar og þriðji til Ólafsfjarðarmeistara, varð í öðru sæti á VFS sumarmóti Skotfélags Akureyrar í flokki óbreyttra riffla og þriðja sæti í .22LR flokki á 17. júní móti Skotf. Skotgrund.
Þá hefur Jón starfað ötullega fyrir Markviss, setið í stjórn um árabil, síðustu tvö árin sem formaður félagsins, komið að mótahaldi sem mótstjóri og starfsmaður, sinnt nýliðaþjálfun og æfingastjórn í riffilgreinum, umsjón og dómgæslu fyrir hönd Markviss í hreindýraskotprófum UST, auk vinnu við uppbyggingu á æfingasvæði Markviss.“
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.