Skinkuhorn, rabbabarapæ og Baby Ruth kaka
Húnvetningurinn Þorgils Magnússon bæjartæknifræðingur og Selfyssingurinn Viktoría Björk Erlendsdóttir hjúkrunarfræðingur á HSN-Blönduósi voru matgæðingar í 26. tbl. Feykir árið 2018. Þau búa á Blönduósi ásamt þremur börnum sínum Eyjólfi Erni, Sveini Óla og Grétu Björgu.
„Við ætlum að bjóða upp á þrjár uppskriftir sem eru vinsælar á þessu heimili. Ekkert hefur verið eins oft bakað hér en einmitt þessi skinkuhorn, hafa verið notuð í afmælisveislur, nesti og sem hversdags kaffibrauð,“ segja matgæðingarnir.
RÉTTUR 1
Skinkuhorn
100 g smjör
500 ml mjólk
1 pk. þurrger
60 g sykur
900 g hveiti (má vera að hluta til heilhveiti en þá verða þau ekki eins loftmikil)
Fylling:
niðurskorin skinka
smurostur að eigin vali
Aðferð:
Mjólk og smjör er hitað í potti við vægan hita. Þessari blöndu er svo hellt í skál, gerinu dreift yfir og látið leysast upp. Hluta hveitis og sykri hnoðað saman við (geri alltaf í hrærivél og helst í 2-3 mín). Látið hefast á hlýjum stað (set smá volgt vatn í vaskinn og skálina þar ofan í). Mér finnst best að leyfa þessu að hefast í klukkustund. Stillið ofninn á 180 °C og blástur. Restinni af hveiti hnoðað saman við í höndunum ef þörf er á. Skiptið deiginu í fimm hluta og fletjið það út í kringlótta köku, skera í átta parta, fínt að nota pitsahjól. Setjið klípu af smurosti og skinkuna á breiðari endann á hverjum parti. Rúllið upp passið að láta mjóa endann fara undir, annars lyftist hann upp og verður ofbakaður. Raðið á plötu og og bakið í 14-16 mínútur eða þangað til hornin eru orðin fallega gyllt.
Smakkast best nýbökuð en einnig er gott að frysta þau og hita upp.
RÉTTUR 2
Núna er tími rabarbarans og því ekki út vegi að gera þessa dásemd.
Rabarbarapæ
5-6 leggir rabarbari, bestir beint úr garðinum
200 g smjör
1½ dl sykur
1 tsk. lyftiduft
2 dl hveiti
1 tsk. vanillusykur
2 egg
súkkulaðispænir
Aðferð:
Hitið ofninn í 170°C. Hreinsið rabarbarann og brytjið niður í 1 cm sneiðar. Setjið í eldfast mót. Bræðið smjör í potti, þurrefnum bætt út í og blandað saman. Hellið deiginu yfir rabarbarann og súkkulaðispænum dreift yfir. Bakið í 25-30 mínútur eða þar til það er orðið gyllt. Berið fram með ís.
RÉTTUR 3
Þessi hefur lengi verið í uppáhaldi hjá húsfreyjunni.
Baby Ruth kaka
3 eggjahvítur
175 g sykur
1 tsk. lyftiduft
100 g salthnetur
70 g saltkex
Krem:
3 eggjarauður
75 g flórsykur
75 g súkkulaði
75 g smjör
Aðferð:
Hitið ofninn í 180°C. Stífþeytið eggjahvítur og sykur. Myljið kexið og hneturnar. Setjið lyftiduftið saman við og blandið. Kexblandan fer svo varlega saman við eggjahvíturnar. Smyrjið form og bakið í 25-30 mínútur. Kælið.
Bræðið súkkulaði og smjör í potti við vægan hita. Þeytið eggjarauðurnar og sykur þar til það verður þykkt og ljóst. Kælið súkkulaðiblönduna aðeins áður en hún er sett saman við eggjarauðurnar. Setjið kremið á kökuna þegar hún er orðin köld.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.