Skagfirðingar í leikmannahópnum á EM
Á vef Skagfirðingafélagsins er sagt frá því að Skagfirðingar eigi sína fulltrúa í leikmannahópnum á EM í Frakklandi. Fyrsti leikur íslenska liðsins fer fram í kvöld og því ekki úr vegi að fara yfir hverjir þessir Skagfirðingar eru.
Rúnar Már Sigurjónsson, sem leikur með Sundsvall í Svíþjóð er alinn upp hjá Tindastóli, sonur Sigga Magga og Sigurlaugar Konráðs. Í vörninni er Kári Árnason, hálfur Hofsósingur, en hann er sonur Fanneyjar Friðbjörnsdóttur hjúkrunarfræðings sem fædd er og uppalinn á Hofsósi. Loks skal nefna hinn unga og efnilega Hjört Hermannsson, sem rekur ættir sínar að Ysta-Mói í Fljótum, afabarn Björns Hermannssonar tollstjóra.
Rúnar Már leikur með Sundsvall í Svíþjóð en var alinn upp í Tindastóli. Vonandi fær hann tækifæri hjá Lars og Heimi til að spila í Frakklandi en hann stóð sig vel á undirbúningstímabilinu fyrir EM. Hjörtur Hermannsson sem er yngstur leikmannanna í liðinu er fæddur 1995. Hann er sonur Hermanns Björnssonar forstjóra Sjóvár en faðir Hermanns var Björn Hermannsson frá Ysta-Mói í Fljótum. Hjörtur leikur með PSV Eindhoven í Holland og þykir afar efnilegur og fékk hann tækifæri í æfingaleiknum gegn Noregi.
Á vef Skagfirðingafélagsins er þess einnig getið að móðurafi Gylfa Þórs Sigurðssonar, Ólafur Gíslason, hafi alist upp a bænum Undhóli í Óslandshlíð. Var hann m.a. í Bændaskólanum á Hólum og mikil afreksmaður í íþróttum. Loks er þess getið að það hafi verið skagfirskur flugmaður, Ingvar Ormarsson, sonur Ormars Jónssonar og Lovísu Símonardóttur, sem flaug með landsliðið á EM í sérmerktri Boeing-þotu Icelandair.
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.