Skagfirðingar á palli á Íslandsmóti í crossfit
Íslandsmótið í crossfit fór fram um helgina í CrossFit Reykjavík en um svokallaða boðskeppni var að ræða þar sem tólf efstu á Íslandi í Open, sem er alþjóðleg netkeppni á vegum crossfit, fengu sæti á mótinu. Þrír Skagfirðingar fengu þetta boð, Áslaug Jóhannsdóttir, Haukur Rafn Sigurðsson og Ægir Björn Gunnsteinsson.
Áslaug tók ekki þátt í keppninni þar sem hún á við meiðsli að stríða en drengirnir mættu og enduðu báðir á palli. Haukur Rafn keppti í unglingaflokki og landaði öðru sætinu en Ægir endaði í því 3. í opnum flokki.
„Já ég var á boðslistanum og ætlaði að taka þátt, en öxlin vildi ekki vera með mér í liði þannig að ég varð að afboða mig sem var frekar fúlt af því að mér var búið að ganga ágætlega í Open í ár. Það gengur vonandi bara betur næst,“ segir Áslaug.
„Ég er mjög ánægður með þennan árangur, hefði auðvitað viljað ná fyrsta sætinu en ég lærði helling um það í hverju ég þarf að vera betri til þess að ná því sæti næst,“ segir Ægir.
Langtímamarkmiðið, segir hann vara það að komast á heimsleikana, en einnig að sjá hversu langt hann getur náð í þessu sporti. „Ég byrjaði seint að keppa og hef bara X langan tíma til að vera keppnishæfur í þessu sporti en ég hef bara mjög gaman af þessu og mig langar að keppa á meðan að ég nýt þess og get keppt á þetta háu leveli.“
Ægir í einni þrautinni á Íslandsmótinui.
Mynd: Þórunn K. Björgvinsdóttir
Hann segir það jafnast á við fulla vinnu að æfa fyrir svona mót. Að lágmarki þarf að æfa þrjá tíma á dag til að eiga möguleika á að komast inn á svona mót sem einnig krefst fjölbreyttra æfinga. „Þetta er ekki bara hlaup eða bara sund heldur lyftingar, fimmleikar og allt annað sem tengist hreyfingu á einhvern hátt. Ég sjálfur er að æfa núna 5-6 tíma á dag og hækkaði æfingarálagið mitt töluvert um áramótin og til þess að reyna að komast á semifinals fyrir heimsleikana, sem ég var ekki nema nokkrum sætum frá,“ segir hann sem bindur miklar vonir við að komast inn á næsta ár. Hann segist mjög þakklátur fyrir stuðninginn sem hann fær frá fólkinu sínu og er þakklátur fyrir að fá að keppa í þessari krefjandi íþrótt.
Haukur Rafn er 15 ára gamall og er í tíunda bekk Árskóla á Sauðárkróki og segist hann hafa æft íþróttina í u.þ.b. tvö til þrjú ár. „Það sem mér finnst skemmtilegast við íþróttina er yfirleitt geðveika stemmingin og erfiðu æfingarnar. Mér gekk bara hrikalega vel í keppninni miðað við hvað þetta kom óvænt upp á,“ segir hann.
Ásamt því að gera eins vel og hann getur í crossfit open quarterfinals æfir hann af kappi fyrir skólahreysti sem hefst í lok mánaðarins. Til þess að lesendur geti glöggvað sig betur á Hauki þá eru foreldrar hans þau Sigurður Bjarni Rafnsson og Ingibjörg Ásta Sigurðardóttir.
Hægt er að nálgast úrslit HÉR
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.