Skagfirðingafélagið í endurnýjun lífdaga
Um þrjátíu manns mættu á aðalfund Skagfirðingafélagsins í Reykjvík sem haldinn var í gær, 19. apríl. Fyrir fundinum lá að endurreisa félagið sem legið hefur í dvala síðustu ár og að kjósa nýja stjórn. Steinunn Ingimarsdóttir (Denna) frá Flugumýri flutti formannspistil og rakti í stuttu máli sögu félagsins og þróun mála síðustu ár.
Að beiðni fundarstjóra, Gunnars S. Björnssonar frá Bæ, stóðu svo fundargestir upp einn af öðrum og gerðu grein fyrir sér að gömlum og góðum sið. Að því loknu var gengið til stjórnarkjörs, en nýju stjórnina skipar að stærstum hluta sá hópur sem stóð fyrir Skagfirðingablóti í Reykjavík í febrúar sl. Auður S. Hreinsdóttir (Lúlla) er nýr formaður Skagfirðingafélagsins í Reykjavík, og með henni starfa í stjórn þau Ragnheiður Ástvaldsdóttir, Hulda Jónasdóttir, Jón Þór Bjarnason, Birkir Már Árnason, Styrmir Gíslason og Ágúst Kárason.
Að loknu stjórnarkjöri gerði Jón Þór í stuttu mál grein fyrir hugmyndum hópsins, en stefnt er að því að halda viðburði 3-4 sinnum á ári fyrir Skagafirðinga á suðursvæði landsins. Á haustmánuðum er stefnt að því að vera með skagfirskt matar- og skemmtikvöld í Reykjavík. Endurskoðendur fyrir félagið voru kjörnir Ómar Örn Bjarnason og Valgerður Friðriksdóttir. Framhald aðalfundarins í gær verður að hausti, þar sem ný stjórn gerir nánar grein fyrir stöðu félagsins og framtíðarstefnu.
- Skagfirðingafélagið í Reykjavík
- Háulind 32
- 201 Kópavogur
- Sími 898 1766 (Lúlla)
- Netfang: skagfirdingafelagid@gmail.com
Fleiri fréttir
-
Deildarmeistarar, já deildarmeistarar!
feykir.is Skagafjörður, Íþróttir 27.03.2025 kl. 21.18Til hamingju Tindastólsfólk nær og fjær! Strákarnir gerðu sér lítið fyrir í kvöld og lögðu Íslands- og bikarmeistara Vals í næsta öruggum sigri í Síkinu. Þetta er í fyrsta sinn sem lið Tindastóls verður deildarmeistari í körfuknattleik í sögu félagsins og sannarlega frábær áfangi. Lokatölur voru 88-74 og nú bíður úrslitakeppnin handan við hornið en þar mæta Stólarnir liði Keflvíkinga – rétt eins og Stólastúlkur.Meira -
Byggðaþróun í Húnabyggð | Torfi Jóhannesson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.03.2025 kl. 15.50Þruma úr heiðskýru var það kannski ekki, en vissulega reiðarslag. Við lokun sláturhússins á Blönduósi missa 20-30 manns vinnuna og héraðið missir einn af sínum stærstu vinnustöðum. Það er langt síðan ég hef búið í sveitinni en stóran hluta þess tíma hef ég unnið við verkefni tengd landbúnaði og byggðaþróun. Síðasta áratuginn á vettvangi Norðurlanda og Eystrasaltsríkjanna. Og það sem við sjáum gerast á Blönduósi er sagan endalausa. Stundum er það náma sem lokar, stundum herstöð, stundum stórt fyrirtæki, stundum ferðamannasvæði sem fer úr tísku og stundum bara hægfara þróun drifin af lágri fæðingartíðni og löngun unga fólksins að sækja menntun og vinnu í stærri þéttbýlisstaði.Meira -
Ærsladraugar eru algjörlega óútreiknanlegir
feykir.is Skagafjörður, Listir og menning, Lokað efni 27.03.2025 kl. 14.07Það er allt á útopnu í leikhúslífi Norðurlands vestra þennan veturinn. Flestir, ef ekki allir, skólar setja upp metnaðarfull verk og leikfélögin gefa ekkert eftir. Nú á laugardag stíga leikarar Leikfélags Hofsóss á svið í Höfðaborg á Hofsósi og frumsýna Ærsladraug Noels Coward í leikstjórn Barkar Gunnarssonar. Feykir sendi formanni LH, Fríðu Eyjólfsdóttur, nokkrar spurningar af þessu tilefni.Meira -
Það má reikna með dramatík í kvöld
feykir.is Skagafjörður, Íþróttir 27.03.2025 kl. 12.13Síðasti deildarleikurinn í Bónus deild karla er í kvöld og úrslitakeppnin handan við hornið! Tindstoll tekur á móti Íslands- og bikarmeisturum Vals klukkan 19:15. Hamborgarar og drykkir og okkar eini sinni Helgi Sæmundur í tjaldinu frá kl 18:00. Í þessari frétt fer Feykir yfir stöðuna á toppnum og hvaða möguleikar eru þar fyrir hendi og loks minnir lögreglan fólk á að betra sé að skilja bílinn eftir heima en að leggja ólöglega við Síkið.Meira -
Lítill áhugi fyrir að reisa vindorkuver í Skagafirði
feykir.is Skagafjörður, Lokað efni 27.03.2025 kl. 09.45Nokkur umræða hefur verið um vindorkuver á landinu síðustu misserin og sitt sýnist hverjum. Í aðalskipulagi sveitarfélagsins Skagafjarðar 2020–2035, sem samþykkt var fyrir þremur árum, er meðal annars sagt frá því að meðal þess sem litið var til voru möguleikar til orkuframleiðslu til hagsbóta fyrir sveitarfélagið. Þar kemur fram að sveitarfélagið hafi unnið að kortlagningu svæða sem henta fyrir nýtingu vindorku.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.