Sjúkrahússtjórnir verði endurreistar
Á flokksráðsfundi VG sem hefst á Akureyri í dag verður tekin fyrir ályktunartillaga frá VG í Skagafirði þar sem þess er krafist að látið verði af miðstýringaráráttu í heilbrigðisþjónustu sem beinist ekki síst gegn heilbrigðisstofnunum á landsbyggðinni. Framkvæmd niðurskurðar til heilbrigðisstofnanna á landsbyggðinni er sögð vafasöm og hvatt er til þess að endurreistar verði stjórnir heilbrigðisstofanna til að veita heilbrigðisyfirvöldum aðhald.
Lagt er til að heilbrigðisráðherra og þingmönnum flokksins verði falið að beita sér fyrir lagabreytingu sem feli í sér að við“hverja heilbrigðisstofnun verði sett stjórn skipuð fulltrúum sveitarstjórna og annarra hagsmunaaðila í heimahéraði sem veitir ráðuneyti og framkvæmdastjórn heilbrigðisstofnunar aðhald og sé jafnframt ráðgefandi í stefnumörkun og forgangsröðun verkefna hjá viðkomandi heilbrigðisstofnun.”
Tillagan í heild sinni: Flokksráðfundur Vinstrihreyfingarinnar-græns framboðs haldinn á Akureyri 15. og 16. janúar 2010, ítrekar mikilvægi heilbrigðisþjónustu og heilsugæslu um allt land. Sérstök áhersla er lögð á að standa vörð um þjónustuna á hinum minni heilbrigðisstofnunum á landsbyggðinni þar sem erfitt er að beita hreinum reiknisstokksaðferðum við ákvörðun fjárveitinga. Flokksráðsfundurinn lýsir áhyggjum sínum yfir þeim mikla niðurskurði sem boðaður er í heilbrigðiskerfinu og bitnar ekki síst á minni heilbrigðisstofnunum í dreifbýlinu. Þessi mikli niðurskurður er í besta falli vafasamur og má ekki verða til þess að höggva á grunnbyggingu heilbrigðis- og velferðarkerfisins í öllu landinu. Fundurinn skorar á þingmenn flokksins og heilbrigðisráðherra að beita sér fyrir að lögum um heilbrigðisþjónustu verði breytt á þá lund að við hverja heilbrigðisstofnun verði sett stjórn skipuð fulltrúum sveitarstjórna og annarra hagsmunaaðila í heimahéraði sem veitir ráðuneyti og framkvæmdastjórn heilbrigðisstofnunar aðhald og sé jafnframt ráðgefandi í stefnumörkun og forgangsröðun verkefna hjá viðkomandi heilbrigðisstofnun. Aðkoma heimamanna er ekki hvað síst mikilvæg nú þegar að ljóst er að standa þarf fyrir sársaukafullum aðgerðum. Varað er við miðstýringaráráttu sem reynslan segir að til lengri tíma skilar engum heildarsparnaði sem dæmin hafa svo oft sýnt.
Fleiri fréttir
-
Tómar tilviljanir urðu til þess að Andri Már er óvart kominn með hljómsveit í Mexíkó
feykir.is Skagafjörður, Listir og menning, Lokað efni 15.03.2025 kl. 22.41„Veðrið er frábært! Núna er klukkan átta að morgni og hitinn er um 10 gráður, svo fer hitinn upp í 25-30 gráður yfir daginn svo það er eins gott að eiga góðan kúrekahatt til að skýla sér fyrir sólinni,“ segir Andri Már Sigurðsson, tónlistarmaður og Króksari í Mexíkó, þegar Feykir tekur hann tali og byrjar að sjálfsögðu á því að spyrja um veðrið. Viðtalið snýst þó ekki um veður, heldur tónlist og hvernig Andri Már stofnaði óvart hjómsveit í MexíkóMeira -
Gestirnir höfðu betur í baráttuleik
feykir.is Skagafjörður, Íþróttir, Lokað efni 15.03.2025 kl. 21.28Það var boðið upp á markaveilsu í blíðunni á Króknum í dag þegar lið Tindastóls tók á móti sameinuðu liði Hattar/Hugins að austan í Lengjubikarnum. Jafnt var í hálfleik, 1-1. en fjör færðist í markaskorunina í síðari hálfleik og fór svo á endaum að gestirnir unnu leikinn 3-4 eftir mark í uppbótartíma.Meira -
Það er sjö stiga hiti í veðurkortunum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.03.2025 kl. 21.21Það er ekki ólíklegt að flestir aðrir en skíðavinir gleðjist yfir veðurspánni næstu daga. Það eru vorhlýindi í kortunum og stöðugleikinn svo einstakur að sumir gætu jafnvel haldið að vefur Veðurstofunnar væri bilaður – þannig er til dæmis spáð sjö stiga hita á hádegi á Sauðárkróki næstu fimm daga eða alveg fram á fimmtudag hið minnsta.Meira -
Stefnt að endurnýjun rafkerfisins í kirkjugarði Blönduóss
feykir.is Austur-Húnavatnssýsla, Mannlíf 15.03.2025 kl. 21.19Húnahornfið segir frá því að á aðalfundi Kirkjugarðs Blönduóss, sem fram fór 12. mars síðastliðinn, var samþykkt að á næstu þremur árum yrði unnið að endurnýjun rafmagnskerfisins í kirkjugarðinum og að sett yrði upp tenglahús fyrir jólaljósin. Þá var samþykkt að ganga frá göngustígum í nýjasta hluta garðsins og setja mottur, eins og eru á stígunum sem liggja í gegnum garðinn. Lausleg kostnaðaráætlun vegna þessara framkvæmda er um átta milljónir króna.Meira -
Njarðvíkingar brugðu fæti fyrir lið Tindastóls
feykir.is Skagafjörður, Íþróttir, Lokað efni 14.03.2025 kl. 09.48Tindastólsmenn spiluðu í gær við lið Njarðvíkur í spunkunýju Ljónagryfjunni í næstsíðustu umferðinni í Bónus deildinni þennan veturinn. Umræðan hjá spekingum hefur mestmegnis verið á þá leið að það væri nánast formsatriði fyrir Stólana að tryggja sér deildarmeistaratitilinn en útileikur í Njarðvík og heimaleikur gegn Val eru ekki beinlínis léttasta leiðin að deildarmeistaratitlinum þegar allt er í járnum. Það fór svo að Njarðvíkingar voru frískari og þá sér í lagi byrjunarlið þeirra sem skoraði öll stig liðsins utan einhverra sex sem SnjólfurStefánsson gerði. Lokatölur voru 101-90.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.