Sigur hjá 3 fl. kvenna
3. fl. kvenna vann örugglega á Akureyri og lögðu Þór2, 1 - 5
Leikurinn byrjaði í jafnvægi þar sem bæði lið voru varkár og fylgdust með hvort öðru. En eftir u.þ.b. 10 mín. leik slapp Sara ein í gegnum vörn Þórsara og setti boltann fram hjá markverði þeirra og staðan 1-0.
Eftir markið tóku okkar stelpur völdin á vellinum og áttu nánanst allan fyrri hálfleikinn. Bryndís í markinu þurfti aðeins einu sinni í fyrri hálfleik að taka á honum stóra sínum og varði þá frábærlega með vel útfærðu úthlaupi.
Okkar stelpur bættu þremur mörkum við í fyrri hálfleik og örugg 4 - 0 forusta var í hálfleik. Það voru þær Hildur, Sara og Bryndís Rún sem skoruðu mörkin.
Í seinni hálfleik jafnaðist leikurinn aftur og Þórsararnir voru greinilega staðráðnar í að minnka muninn því sóknarþungi þeirra jókst mikið fyrstu mínúturnar í seinni hálfleik. Og það bar árangur hjá þeim því þær náðu að setja mark eftir frekar lélegan varnarleik okkar stelpna.
En eins og sönnum köppum sæmir þá tóku þær leikinn aftur í sínar hendur og settu mark strax í kjölfarið og þar var Hildur á ferðinni. Staðan orðin 1 - 5 og leikurinn þannig séð búinn.
Okkar stelpur vörðu fengin hlut mjög vel eftir það og voru nokkrum sinnum nálægt því að bæta enn við en leikurinn fjaraði út og frábær sigur staðreynd og þar með 4 stig komin í hús í deildinni.
/tindastoll.is
Fleiri fréttir
-
Góð mæting á kótilettukvöld á Hvammstanga
feykir.is Vestur-Húnavatnssýsla, Listir og menning, Mannlíf, Lokað efni 08.04.2025 kl. 15.02Kótilettukvöld, þar sem safnað var fyrir framkvæmdum við Norðurbraut og Bangsabát, fór fram í Félagsheimiinu á Hvammstanga laugardaginn 5. apríl. Að sögn Guðmundar Hauks Sigurðssonar mættu um 240 manns í veisluna og gæddu sér á ljúffengum kótilettum ásamt meðlæti. Hann segir að safnast hafi á fjórðu milljón króna en nákvæmar tölur liggja ekki fyrir.Meira -
Skagfirðingabók 44 komin út
feykir.is Skagafjörður, Listir og menning, Lokað efni 08.04.2025 kl. 13.19Skagfirðingabók, rit Sögufélags Skagfirðinga, er komið út enn einu sinni. Nú er það 44. bindið sem berst félögum Sögufélagsins en bókin hefur komið út frá árinu 1966 og flutt lesendum sögulegan fróðleik úr Skagafirði. Á kápu segir að nú hafi verið birtar um það bil 460 greinar eftir rúmlega 200 höfunda á meira en 8.600 blaðsíðum í bókunum 44. Að venju er bókin fjölbreytt að efni en Feykir spurði Hjalta Pálsson út í nýjustu bókina.Meira -
Viggó Jónsson hlaut Starfsbikar UMFT
feykir.is Skagafjörður, Íþróttir, Mannlíf, Lokað efni 08.04.2025 kl. 11.03Aðalfundur Aðalstjórnar Ungmennafélagsins Tindastóls fór fram mánudaginn 31. mars í Húsi Frítímans á Sauðárkróki. Þar fór fram hefðbundin dagskrá aðalfundar samkvæmt lögum félagsins. Á fundinum var veitt sérstök viðurkenning og Starfsbikarinn fyrir óeigingjarnt og öflugt sjálfboðaliðastarf. Féll sá heiður í hlut Viggós Jónssonar.Meira -
Kiwanismenn í nýju húsnæði
feykir.is Skagafjörður, Lokað efni 08.04.2025 kl. 09.40Nýtt húsnæði undir starfsemi Kiwanisklúbbsins Drangey í Skagafirði var tekið í notkun á dögunum en þeir félagar festu kaup á neðri hæð að Aðalgötu 14, þar sem Blómabúðin var. Félagið hefur verið húsnæðislaust í talsverðan tíma og er því stórum áfanga náð með þessum kaupum. Félagarnir í klúbbnum eru núna 22 og hafa þeir unnið hörðum höndum sl. vikur við að standsetja og gera fínt innandyra ásamt því að merkja húsið að utan. Allt þetta náðist fyrir 800 fundinn sem haldinn var þann 26. mars sl. en félagið var stofnað árið 1978.Meira -
Ríkisstjórnin samþykkir stuðning til bænda vegna kuldatíðar síðasta sumar
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 08.04.2025 kl. 09.12Ríkisstjórnin hefur samþykkt tillögu Hönnu Katrínar Friðriksson atvinnuvegaráðherra um að verja allt að 725 milljónum króna til stuðnings við bændur sem urðu fyrir tjóni vegna óvanalegs og erfiðs tíðarfars á landinu sumarið 2024. Í frétt á Húnahorninu segir að síðasta sumar hafi verið óvenju kalt eða það kaldasta á landsvísu síðan árið 1998 samkvæmt Veðurstofunni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.