Sigur fyrir sögubækurnar
Það var allt undir hjá Húnvetningum í dag þegar Kormákur/Hvöt heimsótti lið Úlfanna á Framvöllinn í Reykjavík í lokaumferð 4. deildar.. Eftir sigur Hvítu riddaranna á liði Snæfells sl. fimmtudag var ljóst að ekkert annað en sigur dugði liði K/H í dag til að koma liðinu í úrslitakeppni um sæti í 3. deild að ári. Leikurinn í dag var hreint ótrúlegur en þegar í óefni var komið stigu leikmenn Kormáks/Hvatar upp og börðust til frábærs sigurs. Lokatölur 4-5 og sæti í úrslitakeppninni tryggt í fyrsta sinn í sögu sameinaðs liðs Húnvetninga.
Eins og frá er sagt í inngangi þá sigraði Hvíti riddarinn lið Snæfells í lokaleik liðanna í B-riðli 4. deildar og voru bæði með 34 stig. Kormákur/Hvöt var með 32 stig í þriðja sæti riðilsins þegar kom á lokaleik riðilsins og því ljóst að ekkert annað en sigur dygði til að koma Húnvetningum í úrslitakeppnina. Setja má spurningamerki við þá ákvörðun KSÍ að spila ekki alla leiki í lokaumferð riðilsins á sama tíma.
Norðanpiltar fóru vel af stað á Framvellinum og Hlynur Rafn Rafnsson kom þeim yfir á 14. mínútu með skallamarki. Mínútu síðar slapp Óskar Smári Haraldsson inn fyrir vörn Úlfanna eftir snöggtekna aukaspyrnu og staðan skyndilega 0-2 og þannig stóð í hálfleik. Í síðari hálfleik fór hins vegar allt að gerast og hjólin virtust rúlla undan vagni Húnvetninga hvert af öðru.
Fyrst minnkaði Andri Sólbergsson muninn með glæsimarki á 49. mínútu og skömmu síðar var Juan Dominguez sendur í bað eftir að hafa sparkað í liggjandi Úlf. Heimamenn jöfnuðu metin á 55. mínútu og Andri Þór bætti öðru marki við úr víti á 61. mínútu eftir að Miguel Martinez, markvörður Kormáks/Hvatar, var talinn brotlegur í teignum og missti sig í kjölfarið. Honum var vikið af velli og Húnvetningar nú tveimur færri og lentir undir í leik sem ekki mátti tapast. Fimm mínútum síðar virtist leikurinn vera að breytast í martröð fyrir gestina þegar Úlfarnir bættu við fjórða marki sínu. Staðan 4-2.
En það stendur einhversstaðar skrifað að það megi aldrei gefast upp og Húnvetningar fundu hjólin og drösluðu þeim löskuðum undir vagninn á ný. Úlfarnir héldu áfram að sækja en fengu mark í andlitið þegar Hilmar Kárason minnkaði muninn eftir skyndisókn. Markamaskínan síunga, Bjarki Már Árnason, þjálfari gestanna og yfirvarnarjaxl, fór nú í fremstu víglínu og hann jafnaði leikinn með skallamarki eftir hornspyrnu á 88. mínútu og þremur mínútum síðar fiskaði hann vítaspyrnu. Það var Ingvi Rafn Ingarsson sem steig svellkaldur á punktinn og skoraði af öryggi og tryggði 4-5 sigur. Hreint með ólíkindum.
Í úrslitakeppninni mætir lið Kormáks/Hvatar Hvergerðingum í Hamri í átta liða úrslitum. Fyrsti leikurinn fer fram á Grýluvelli þeirra sunnanmanna föstudaginn 30. ágúst kl. 18:00. Seinni leikur liðanna verður á Blönduósvelli 3. september kl. 17:15. Ljóst er að þeir Juan og Miguel verða í banni en hver ætlar að veðja gegn Kormáki/Hvöt eftir svona karaktersigur og níu sigurleiki í röð?
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.