Siglingaklúbburinn fær nafnið Drangey
Stofnfundur siglingaklúbbs í Skagafirði var haldinn á þriðjudagskvöldið 5. maí s.l. í Húsi Frítímans. Vel var mætt á fundinn og 32 stofnfélagar skráðir í klúbbinn sem í framtíðinni mun bera nafnið Drangey.
Ljóst er að mörg verkefni bíða félagsins og var skipað í nefndir til að hrinda þeim í framkvæmd. Þá er helst að nefna húsnæðismál og koma bátasmíði í gang en áætlað er að klúbbfélagar eigi kost á því að smíða sér báta. Á fundinum sagði ungur siglingakappi, Ásgeir Gústavssn, frá óvæntri fermingargjöf sem hann fékk frá foreldrum sínum en það var einmitt Optimist bátur sem faðir hans hafði smíðað.
Fram kom að klúbburinn stefnir að því að vera með siglinganámskeið í sumar 22. - 26. júní og það síðara 29. júní -3. júlí. Einnig er ætlunin að senda aðila á þjálfaranámskeið í Reykjavík 22. - 24. maí og þeir sem hafa áhuga á því er hvattir til að hafa samband við formann klúbbsins.
Mikill hugur er í siglingarmönnum því að strax að loknum námskeiðum í sumar verða æfingabúðir á Akureyri 5. -8. júlí í umsjón siglingaklúbbsins Nökkva og hugsanlega verða einhverjir Drangeyingar þar.
Á Unglingalandsmóti sem haldið verður á Sauðárkróki í sumar er stefnt að því að vera með eitthvað tengt siglingum.
Í stjórn voru kjörnir: Jakob F. Þorsteinsson (formaður), Hallbjörn Björnsson (til tveggja ára), Ingvar Páll Ingvarsson (til eins árs), Hjördís E. Guðjónsdóttir (til eins ára) og Steinunn Rósa Guðmundsdóttir (til tveggja ára).
Húsnefnd: Viggó Jónsson, Jakob F. Þorsteinsson og Kári Árnason
Bátanefnd: Ingvar Páll, Þorsteinn Broddason, Hallbjörn Björnsson, Kári Árnason, Hjördís E. Guðjónsdóttir og Gústav F. Bentsson.
Fleiri fréttir
-
Opið fyrir umsóknir í tvo sjóði hjá UMFÍ
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 03.04.2025 kl. 13.29Á vef UMFÍ segir að búið er að opna fyrir umsóknir í Fræðslu- og verkefnasjóð UMFÍ og Umhverfissjóð UMFÍ. Sjóðirnir gagnast afar vel þeim sem leita eftir stuðningi við félags- og íþróttastarf og umhverfisverkefni. Rétt til umsóknar úr sjóðunum eiga sambandsaðilar UMFÍ, aðildarfélög sem eru virk í starfi og deildir innan þeirra. Einnig eiga stjórn og nefndir UMFÍ rétt á að sækja um styrk úr sjóðunum.Meira -
Rabarbarafreyðivín þróað á Hvammstanga
feykir.is Austur-Húnavatnssýsla, Vestur-Húnavatnssýsla, Lokað efni 03.04.2025 kl. 11.50Bændablaðið segir frá því að á Hvammstanga er verið að þróa framleiðslu á íslensku víni, Rabarbarafreyðivínið Hret, og er áætlað er að það komi á innlendan markað árið 2026. Forsvarsmenn Hrets þær stöllur Hrund Jóhannsdóttir og Greta Clough vinna um þessar mundir að þróun á íslensku freyði- og ávaxtavíni. Markmiðið er að þróa farsælt vörumerki með áherslu á íslenskan uppruna en á alþjóðlegum markaði.Meira -
Domi ráðinn þjálfari yngri flokka hjá Hvöt
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 03.04.2025 kl. 11.26Stjórn knattspyrnudeildar Hvatar hefur ráðið Juan Carlos Dominguez Requena (Domi) í starf þjálfara yngri flokka hjá deildinni frá og með 1. apríl 2025. Dom kemur til deildarinnar frá Tindastól þar sem hann hefur þjálfað yngri flokka undanfarin ár.Meira -
Barnaleikritið Ferðin á heimsenda frumsýnd í kvöld
feykir.is Austur-Húnavatnssýsla, Vestur-Húnavatnssýsla, Mannlíf 03.04.2025 kl. 11.21Leikfélag Blönduóss frumsýnir í kvöld, fimmtudaginn 3. apríl, í Félagsheimilinu á Blönduósi, barnaleikritið Ferðin á heimsenda eftir Olgu Guðrúnu Árnadóttur. Stór og flottur leikhópur á öllum aldri tekur þátt í sýningunni og er það hinn reyndi leikstjóri, Sigurður Líndal sem stýrir hópnum.Meira -
Stólarnir tóku fyrsta sigurinn í einvíginu gegn Keflvíkingum
feykir.is Skagafjörður, Íþróttir, Lokað efni 02.04.2025 kl. 23.59Það reyndist raunin, líkt og Feykir hafði bent á í morgun, að Keflvíkingar voru sýnd veiði en ekki gefin. Þeir mættu brattir til leiks í Síkinu í kvöld í fyrstu rimmu deildarmeistara Tindastóls og Suðurnesjapiltanna í einvígi liðanna í átta liða úrslitum Bónus deildar karla. Eftir sveiflukenndan leik þá var það loks í blálokin sem Stólarnir tryggðu sér sigurinn eftir að gestirnir höfðu leitt með fjórum stigum í hálfleik. Lokatölu 94-87 og næst liggur leiðin í Keflavíkina.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.