Sérstakt ár sem lengi verður í minnum haft – því miður – í Fljótum
Sagt var frá því í Feyki í gær að sláttur hefði hafist um síðustu helgi í Skagafirði. Það gildir að sjálfsögðu ekki um Fljótin frekar en vant er enda eru þau annáluð snjóakista og gróður tekur oftar en ekki seinna við sér þar en annars staðar í Skagafirði. Ekki bætir úr skák núna að vatnsstaða Miklavatns er býsna há þessa dagana vegna vatnavaxta. Halldór Gunnar Hálfdansson, bóndi á Molastöðum, segir að auk þess virðist sem fyrirstaða sé á ósavæði Miklavatns. „Tún og engjar eru víða komnar á kaf en vatnshæðin hefur sjaldan verið jafn há og hún er þessa dagana,“ segir hann.
Feykir hafði samband og spurði hvort þetta horfði til betri vegar. „Við sjáum ekki að vatnshæðin minnki í bráð vegna vatnavaxta og fyrrnefndrar fyrirstöðu í ósnum. Það er enginn byrjaður að slá, gróðurfar er ca. þremur vikum seinna en í meðalári, sjálfsagt hefst heyskapur ekki í fyrsta lagi fyrr en 20. júlí en það var reyndar líka þannig árið 2020 eftir leiðindaveturinn 2019-2020.“
Höfðu júníhretið og kuldatíðin í vor einhverja eftirmála í Fljótum? „Hretið í júní hafði mikil áhrif á lambfé í Fljótunum og jafnvel á annað dýralíf þó það eigi ef til vill eftir að koma í ljós. Þeir bændur sem voru komnir með lambfé út tóku það allt inn í hretinu en það er mjög erfitt og krefjandi, enda fjárhús okkar ekki hönnuð í það. Lömb villtust frá mæðrum sínum inni og alls konar pestir geta farið af stað við slíkar aðstæður,“ segir Halldór sem bætir við að þetta hafi hann aldrei þurft að gera frá því að þau hjónin hófu búskap árið 1997.
„Þegar snjóa leysti komu í ljós miklar kalskemmdir í túnum í Fljótum líkt og víða á Norðurlandi og hafa bændur verið að plægja og endurrækta þau tún. Þess má líka að við á Molastöðum höfum aldrei lent í því fyrr að fá kal í tún enda hefur snjórinn séð um að verja þau fyrir okkur venjulega. Þetta ár er þess vegna sérstakt og verður því miður lengi í minnum haft,“ segir Halldór Gunnar.
Nokkrar umræður hafa spunnist um fyrirstöðuna í Miklavatni á Facebook-síðunni Sveitin mín – Fljótin en þar má sjá fleiri myndir af ástandinu í Fljótum. Sumir spyrja hvort ekki sé ráð að fara með vinnuvélar í ósinn á Miklavatni og hreinsa aðeins til en aðrir telja að vandamálið tengist sandrifum sem ganga langt inn í vatnið – þó vissulega geti hjálpað til að hreinsa til í ósnum.
Fleiri fréttir
-
Bónda skylt að afhenda Matvælastofnun hrút vegna hættu á riðusmiti
feykir.is Skagafjörður, Austur-Húnavatnssýsla, Vestur-Húnavatnssýsla 06.07.2024 kl. 14.08Á heimasíðu Mast segir að nýlega úrskurðaði matvælaráðuneytið bónda einum á Norðurlandi vestra að afhenda Matvælastofnun ákveðinn hrút til að kanna útbreiðslu á riðuveiki. Fyrir lá að hann hafði haft samgang við riðuveika kind og gæti því hugsanlega verið smitberi. Eftir að riðutilfelli greindist í Miðfjarðarhólfi vorið 2023 fór fram smitrakning sem leiddi þetta í ljós. Eina leiðin til að finna út úr því væri krufning og athugun á heilavef hrútsins. Bóndanum er því skylt að afhenda hrútinn hvort sem honum líkar það eða ekki.Meira -
Í [skagfirsku] poppi er þetta helst
feykir.is Skagafjörður, Listir og menning 06.07.2024 kl. 13.32Það má kannski halda því ögn fram að það hafi verið pínu skagfirsk slagsíða á Vinsældalista Rásar 2 síðustu vikur. Þannig sat um skeiða tengdadóttir Skagafjarðar, Salka Sól, makindalega á toppi listans með lagið Sólin og ég. Næst fyrir neðan var KUSK og bankaði á dyr Sölku Sólar en hin hálfskagfirska Kolbrún Óskarsdóttir gaf í byrjun sumars út notalegt bossanóva sumarlag sem hún syngur á sænsku og kallar einmitt Sommar.Meira -
Gwen spilar sinn síðasta leik með Stólastúlkum í dag
feykir.is Skagafjörður, Íþróttir 06.07.2024 kl. 12.18Það er spilað í Bestu deild kvenna á Króknum í dag en þá tekur lið Tindastóls á móti Sjtörnunni í afar mikilvægum leik í neðri hluta deildarinnar. Leikurinn hefst kl. 16.15 og það er frítt á völlinn í boði Steypustöðvar Skagafjarðar. Stuðningsmenn eru hvattir til að fjölmenna og nota tækifærið til að kveðja þýska varnarjaxl liðsins, Gwen Mummert, en hún yfirgefur Stólastúlkur þar sem henni hefur borist spennandi tækifæri um að spila í sterkari deild.Meira -
„Lítið annað að gera en að sinna hestum og prjóna“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 06.07.2024 kl. 11.06Anna Freyja Vilhjálmsdóttir býr á Króknum með Jökli manninum sínum og börnunum, Svanbjörtu Hrund, Sæþóri Helga og Heiðbjörtu Sif. Anna Freyja vinnur í Skagfirðingabúð og sinnir fjölskyldunni milli þess sem hún prjónar.Meira -
Stefnt að ræktun á rabarbara innanhúss í Húnaþingi vestra
feykir.is Vestur-Húnavatnssýsla 06.07.2024 kl. 09.16Í Húnaþingi vestra er hafin uppbygging á innanhússræktun á rabarbara í Húnaþingi vestra. Í frétt í Morgunblaðinu segir að engin dæmi séu um að þessi ræktunaraðferð hafi áður verið notuð hérlendis. Friðrik Már Sigurðsson og fyrirtæki hans Framhugsun ehf. fara fyrir verkefninu sem hlaut nýverið styrk úr Atvinnu- og nýsköpunarsjóði Húnaþings vestra.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.