Saltfiskur m/hvítlauk, chili, ólifum og sætri kartöflumús í aðalrétt
Að þessu sinni kemur matseðill frá Bryndísi og Jónasi á Blönduósi en Bryndís rak Hótel Blönduós sumarið 2009 þegar uppskriftin birtist fyrst í blaðinu Feyki. Þar segir að aldrei væri að vita nema þessi matseðill verði þar á boðstónum.
Forréttur
Risotto.
- 2 msk ólífuolía
- 20 smjör (eða sleppa smjöri og setja meiri olíu)
- 1 skarlottulaukur (má líka vera venjulegur, þá bara hálfur, lítill), saxaður
- 350 gr risottohrísgrjón
- 1,2 ltr kjúklingasoð (teningar +vatn)
- 100 ml hvítvín
- salt og pipar
- 600 gr humar soðinn í 2 mín. og tekinn úr skelinni
- 30 st cherry tómatar helmingaðir
- hvítlaukur, steinselja og ólífuolía maukað saman þangað til það verður vel grænt
- salt og pipar
1. Látið suðuna koma upp í soðinu og haldið því við suðupunkt.
2. Hitið olíuna í meðalstórum potti við meðal-háan hita, bætið lauknum útí og léttsteikið í 2-3 mínútur, bætið þá hrísgrjónunum út í og látið hitna vel í 2-3 mínútur til viðbótar, hellið þá hvítvíninu saman við (víninu má sleppa) og látið sjóða niður í 2-3 mínútur. Hellið þá einni sleif af soði yfir og látið grjónin sjúga í sig vökvann, þegar vökvinn er næstum þrotinn er annarri ausu af soði ausið yfir og svo þannig koll af kolli þar til grjónin eru orðin mjúk og rjómakennd. Þá byrjið þið að smakka þau til og sjá hvað þarf mikið vatn til viðbótar. Þegar grjónin eru orðin "al dente" er smá smjörklípu bætt út í og látin bráðna og hrært saman.
3. Panna hituð og smjör og ólífuolía sett á, tómötum og kóngakrabba bætt saman við ásamt slurk af hvítlauksolíunni og muldum svörtum pipar. þetta er látið krauma í um 1 - 2 mín. og tekið af.
4. Risottoið sett í skál og humarinn yfir, skreytt með grænu olíunni og ferskri steinselju.
Aðalréttur
Saltfiskur m/hvítlauk, chili, ólifum og sætri kartöflumús
- 800 gr saltfiskur
- 8 st. hvítlauksrif
- 1 st. chilipipar fræhreinsaður og skorinn smátt
- 1 dl. svartar ólífur
- 1.dl. hvítvín
- 1.dl. matarolía
- Pipar eftir smekk
- Eitt lítið búnt steinselja fersk
- Nokkrar hundasúrur úr garðinum.
- Salat eftir smekk.
- Sætar kartöflur ca. 250gr.
- Kartöflur venjulegar ca. 250gr
- Ein dós feta ostur í kryddolíu
- Salt
Aðferð:
Fiskur:
Saxið steinseljuna út í olíuna, leggið síðan saltfiskinn í olíuna og látið liggja í klukkustund. Hvítlaukurinn, ólífurnar og chilipiparinn saxað og steikt á pönnu. Fiskurinn steiktur aðeins á hvorri hlið og kryddaður með pipar, síðan skal skvetta hvítvíninu yfir. Fiskurinn er settur í eldfast mót og chilipiparinn, hvítlaukurinn og ólifurnar settar yfir fiskinn í mótinu, þetta síðan haft í ofninum í nokkrar mínútur.
Sæt kartöflumús:
Soðnar sætar kartöflur og venjulegar kartöflur. Kartöflurnar soðnar vel og hrærðar vel saman, hellið síðan feta ostinum saman við. Saltið músina svolítið og setjið í eldfast mót og bakið í 10.-15mín. við 200ºC.
Berið fiskinn fram með sætri kartöflumús og fersku salati. Sniðugt að setja fiskinn ofan á sætu músina og salatið við hliðina og skreyta síðan með nokkrum hundasúrum. Ef það er engin hundasúra í garðinum þínum væri hægt að skoða í næsta garð eða nota ferska steinselju.
Eftirréttur
- Rabarbara sorbet.
- 1/2 ltr vatn.
- 200 gr sykur
Brætt saman og látið sjóða í 1 mín. 1 kg rabarbari smátt skorinn og bætt út í, látið maukast og sett í matvinnsluvél. Sigtað og sett í skál og inn í frysti, þegar þetta er orðið kalt þá bætir maður við 2 eggjahvítum og hrærir þeim vel saman við. Sett í frysti yfir nótt og daginn eftir er þetta tekið úr og sett í matvinnsluvél til að mýkja klakann upp.
Berjablanda.
Einfaldlega takið þau ber sem að ykkur þykir best og blandið saman í skál til að gefa með.
Verði ykkur að góðu
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.