Rúi og Stúi stíga á svið
Næstkomandi sunnudag, 25. október, frumsýnir Leikfélag Sauðárkróks barnaleikritið Rúi og Stúi eftir Skúla Rúnar Hilmarsson og Örn Alexandersson í leikstjórn Þrastar Guðbjartssonar. Heimamennirnir Rögnvaldur Valbergsson og Guðbrandur Ægir Ásbjörnsson hafa samið nýtt lokalag fyrir sýninguna.
Verkið fjallar um uppfinningamenninga Rúa og Stúa. Þeir hafa fundið upp undravél sem er þeim hæfileikum gædd að hún leysir hvaða verkefni sem er, hún prjónar sokka, gerir við gleraugu, býr til dýrindis jólaköku o.s.frv. En einn daginn ruglast vélin eitthvað og Rúi og Stúi lenda þá í slæmum málum.
Aðalhlutverkin eru í höndum Jónatans Björnssonar og Gísla Felix Ragnarssonar, en þrátt fyrir ungan aldur hafa þeir báðir leikið með LS í mörg ár. Leikendur í verkinu eru alls 13 og að auki eru 25 aðrir sem að uppsetningunni koma.
Sýnt er í félagsheimilinu Bifröst á Sauðárkróki en það húsnæði hefur verið lagað mikið á undanförnum árum. Í fyrrasumar voru settir venjulegir vatnsofnar í húsið í stað blásturshitunar og í sumar var rifið innan úr loftinu yfir sviðinu og það einangrað, en hvort tveggja bætir mjög líðan leikenda og áhorfenda í húsinu. Einnig var sviðsloftið tekið upp og myndar þar með meiri möguleika við lýsingu sviðsins.
Frumsýnt verður eins og áður segir sunnudaginn 25. október kl. 16:00, en miðasala er í Kompunni á Sauðárkróki og í símum 453-5499 og 849-9434. Miðaverð er það sama og undanfarin ár, 1700 kr. Áætlaðar sýningar eru eftirfarandi:
Frumsýning sunnudaginn 25. okt. kl. 16:00
2. sýning þriðjudaginn 27. okt. kl. 19:00
3. sýning laugardaginn 31. okt. kl. 14:00
4. sýning laugardaginn 31. okt. kl. 17:00
5. sýning sunnudaginn 1. nóv. kl. 14:00
6. sýning þriðjudaginn 3. nóv. kl. 19:00
7. sýning föstudaginn 6. nóv. kl. 19:00
8. sýning laugardaginn 7. nóv. kl. 14:00
9. sýning laugardaginn 7.nóv. kl. 17:00
Síðasta sýning sunnudaginn 8. nóv. kl. 14:00
Fleiri fréttir
-
Tómar tilviljanir urðu til þess að Andri Már er óvart kominn með hljómsveit í Mexíkó
feykir.is Skagafjörður, Listir og menning, Lokað efni 15.03.2025 kl. 22.41„Veðrið er frábært! Núna er klukkan átta að morgni og hitinn er um 10 gráður, svo fer hitinn upp í 25-30 gráður yfir daginn svo það er eins gott að eiga góðan kúrekahatt til að skýla sér fyrir sólinni,“ segir Andri Már Sigurðsson, tónlistarmaður og Króksari í Mexíkó, þegar Feykir tekur hann tali og byrjar að sjálfsögðu á því að spyrja um veðrið. Viðtalið snýst þó ekki um veður, heldur tónlist og hvernig Andri Már stofnaði óvart hjómsveit í MexíkóMeira -
Gestirnir höfðu betur í baráttuleik
feykir.is Skagafjörður, Íþróttir, Lokað efni 15.03.2025 kl. 21.28Það var boðið upp á markaveilsu í blíðunni á Króknum í dag þegar lið Tindastóls tók á móti sameinuðu liði Hattar/Hugins að austan í Lengjubikarnum. Jafnt var í hálfleik, 1-1. en fjör færðist í markaskorunina í síðari hálfleik og fór svo á endaum að gestirnir unnu leikinn 3-4 eftir mark í uppbótartíma.Meira -
Það er sjö stiga hiti í veðurkortunum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.03.2025 kl. 21.21Það er ekki ólíklegt að flestir aðrir en skíðavinir gleðjist yfir veðurspánni næstu daga. Það eru vorhlýindi í kortunum og stöðugleikinn svo einstakur að sumir gætu jafnvel haldið að vefur Veðurstofunnar væri bilaður – þannig er til dæmis spáð sjö stiga hita á hádegi á Sauðárkróki næstu fimm daga eða alveg fram á fimmtudag hið minnsta.Meira -
Stefnt að endurnýjun rafkerfisins í kirkjugarði Blönduóss
feykir.is Austur-Húnavatnssýsla, Mannlíf 15.03.2025 kl. 21.19Húnahornfið segir frá því að á aðalfundi Kirkjugarðs Blönduóss, sem fram fór 12. mars síðastliðinn, var samþykkt að á næstu þremur árum yrði unnið að endurnýjun rafmagnskerfisins í kirkjugarðinum og að sett yrði upp tenglahús fyrir jólaljósin. Þá var samþykkt að ganga frá göngustígum í nýjasta hluta garðsins og setja mottur, eins og eru á stígunum sem liggja í gegnum garðinn. Lausleg kostnaðaráætlun vegna þessara framkvæmda er um átta milljónir króna.Meira -
Njarðvíkingar brugðu fæti fyrir lið Tindastóls
feykir.is Skagafjörður, Íþróttir, Lokað efni 14.03.2025 kl. 09.48Tindastólsmenn spiluðu í gær við lið Njarðvíkur í spunkunýju Ljónagryfjunni í næstsíðustu umferðinni í Bónus deildinni þennan veturinn. Umræðan hjá spekingum hefur mestmegnis verið á þá leið að það væri nánast formsatriði fyrir Stólana að tryggja sér deildarmeistaratitilinn en útileikur í Njarðvík og heimaleikur gegn Val eru ekki beinlínis léttasta leiðin að deildarmeistaratitlinum þegar allt er í járnum. Það fór svo að Njarðvíkingar voru frískari og þá sér í lagi byrjunarlið þeirra sem skoraði öll stig liðsins utan einhverra sex sem SnjólfurStefánsson gerði. Lokatölur voru 101-90.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.