Ritstjóraskipti hjá Feyki
Nú um mánaðamótin urðu ritstjóraskipti á Feyki en þá lét Páll Friðriksson af störfum en Óli Arnar Brynjarsson tók við keflinu. Palli hafði starfað við Feyki í um 13 ár og lengstum stýrt blaðinu á þeim tíma, lengur en nokkur fyrri ritstjóra blaðsins ef undan er skilinn Þórhallur Ásmundsson.
Í kjölfar þess að Nýprent tók við útgáfu Feykis í lok ársins 2006 og Guðný Jóhannesdóttir var ráðin ritstjóri var blaðið stækkað úr átta síðum í tólf að jafnaði og fljótlega var blaðamanni bætt í hópinn og það var einmitt Palli. Hann tók síðan við sem ritstjóri haustið 2011. Hann lét af störfum í lok árs 2013 en tók við blaðinu á ný 1. september 2016 og hefur stýrt Feyki með glæsibrag síðan.
„Ég tel að héraðsfréttamiðlar séu hverju svæði mikilvægir og þar er Feykir engin undantekning. Ég vil hvetja alla til að nýta sér Feyki, bæði til að koma fréttum og tilkynningum á framfæri og þau sem ekki eru áskrifendur að hafa samband og gerast áskrifandi, á því byggist blaðið og þar með Feykir.is,“ svarar Palli þegar hann er spurður hvaða máli héraðsfréttamiðlar eins og Feykir skipti í samfélaginu.
Óli Arnar hefur unnið við Feyki í 20 ár, lengstum sem uppsetjari blaðsins en hefur einnig séð um fasta þætti í blaðinu um árabil, svo sem íþróttaskrif, Rabb, Tón-lyst, Dag í lífi brottfluttra og ýmis fréttaskrif og viðtöl. Áður en hann var ráðinn til starfa á Nýprenti hélt hann m.a. utan um vefinn Skagafjörður.com. Hann reiknar með að Feykir verði með svipuðu sniði og verið hefur en einhverjar smávægilegar áherslubreytingar verði þó kannski með tíð og tíma, þá sérstaklega í ljósi þess að nýr blaðamaður hefur störf.
Samstarfsfólk Palla á Nýprenti og Feyki sendir honum góðar kveðjur og þakkar frábært samstarf og góðar stundir við gerð um 500 Feykisblaða.
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.