Rækjuforréttur, lambafille og dýrindis eftirréttur
Elmar Sveinsson og Gunnhildur Erla Þórmundsdóttir sáu um Matgæðingaþáttinn í 37. tbl. Feykis 2017. Þau búa á Blönduósi og eiga dæturnar Fanneyju, Sóleyju og Huldu. Þau eru bæði kjötiðnaðarmenn og vinna hjá SAH-afurðum á Blönduósi, Elmar sem verkstjóri og Gunnhildur á skrifstofunni við afurðarskráningu. Þau segja að eðlilega hafi þau mikinn áhuga á mat og öllu honum tengdu þar sem þau séu bæði kjötiðnaðarmenn og gefa okkur meðal annars uppskrift af lambafille með kryddi beint frá náttúrunni.
FORRÉTTUR
Ferskur rækjuréttur
500 g rækjur
½ rauðlaukur
1 hvítlauksrif
½ græn paprika
½ gul paprika
½ rauð paprika
safi úr einni sítrónu
handfylli steinselja
½ rauður chili-pipar
1 stk. mangó
Sósa:
200 ml sýrður rjómi
2 msk. taílensk chili-sósa
½ chili-pipar
salt og pipar
Aðferð:
Skerið rauðlaukinn, hvítlaukinn, paprikurnar og chili-piparinn í litla bita og setjið saman í skál. Saltið og piprið og bætið við safa úr heilli sítrónu. Flisjið mangó og skerið aldinkjötið í litla bita og bætið í skálina ásamt handfylli af smátt skorinni steinselju.
Skolið rækjurnar og bætið út í grænmetið og mangóið. Hrærið vel saman og látið standa í ísskáp í smá stund.
Sósan er mjög einföld: Hreinsið fræin úr chili-piparnum, skerið hann í mjög litla bita og hrærið svo öllum hráefnum saman.
AÐALRÉTTUR
Lambafille með ferskum kryddjurtum
Lambafile m/ fitu, kryddað með ferskum kryddjurtum t.d birki, bláberjalyngi, blóðbergi, eini og einiberjum og salti og pipar.
Brúnað á pönnu og sett inn í ofn í 20 mín. á 170°C.
Sósa:
Britjið sveppi, papriku og lauk. Steikið það vel á pönnu og bætið rjóma og nautakjötssoði við. Kryddið til með salti ,pipar og aromati.
Þetta er borið fram með bakaðri kartöflu og fersku grænmeti.
EFTIRRÉTTUR
Makkarónukökur og marens með kókosbollum og ávöxtum
U.þ.b. 15 makkarónukökur
½ dós niðursoðnir blandaðir ávextir
¼ rjómi
4 kókosbollur
½ marensbotn
jarðarber, vínber, kíví og bláber
súkkulaði íssósa
Aðferð: Myljið makkarónukökurnar í botninn á formi/skál, Hellið safanum af blönduðu ávöxtunum og dreifið þeim yfir, þeytið rjómann og setjið yfir ávextina, því næst kókosbollurnar og svo er marensinn brotinn og dreift yfir. Jarðarberjum, vínberjum, kíví og bláberjum er dreift yfir og skreytt með íssósunni.
Fleiri fréttir
-
Karlafitt 550 sigraði Jólamót Molduxa
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 27.12.2024 kl. 09.48Jólamót Molduxa í körfubolta fór fram í gær, annan dag jóla, í íþróttahúsinu á Sauðárkróki. Samkvæmt venju var mótið vel sótt, bæði af hálfu keppenda og ekki síður áhorfenda en að þessu sinni tóku 10 lið þátt. Keppt var í tveimur riðlum, á tveimur völlum, frá kl. 11-16, en þá hófst úrslitaleikur efstu liða hvors riðils. Það var Karlafitt 550, sem stóð uppi sem sigurvegari mótsins og Una Aldís Sigurðardóttir hlaut þann heiður að fá Samfélagsviðurkenningu Molduxa þetta árið.Meira -
Jólaspekingar spjalla
feykir.is Skagafjörður, Austur-Húnavatnssýsla, Vestur-Húnavatnssýsla, Börnin segja, Lokað efni 27.12.2024 kl. 08.23Jólin eru hátíð barnanna og því er ekkert vit í öðru en spyrja yngstu spekingana aðeins út í nokkur lykilatriði og svörin að sjálfsögðu hreinskilin.Meira -
"Finnst mjög gaman að skapa fyrir barnabörnin"
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Handverk 26.12.2024 kl. 13.58Helga Þorbjörg Hjálmarsdóttir fædd og uppalinn á Tunguhálsi ll í Tungusveit býr með Guðmundi Guðmundssyni frá Fossum í Svartárdal á Lækjarbrekku á Steinsstöðum. Þau byggðu sér hús þar árin 1994-1995 og ólu upp sín fjögur börn sem öll eru flogin úr hreiðrinu, eiga sjö barnabörn og eitt á leiðinni. Helga starfar sem stuðningsfulltrúi í Varmahlíðarskóla og við heimaþjónustu í Skagafirði.Meira -
Aðsend Jólasaga - „Anna litla og tuskudúkka“ | Rúnar Kristjánsson
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.12.2024 kl. 13.00Anna litla sat úti í einu horninu á litlu lóðinni kringum húsið og lék sér með tuskudúkkuna sína. Það var sólskin og blíða og hún var þarna ein að dunda sér. Henni fannst svo mikils virði að fá að vera í friði með sín hugðarefni. Það var svo sjaldan hægt að fá frið, því systkinin voru mörg og oft svo hávaðasamt á heimilinu. Eldri bræður hennar þóttust orðnir heilmiklir karlar og litu á hana sem smábarn og stóra systir gat stundum verið svo mikil skessa við hana. Önnu litlu fannst hún oft vera ein í heiminum. Það var eins og enginn skildi hana eða vildi gefa sér tíma til að sinna henni.Meira -
Héldu glöð, ánægð og hrærð út í kvöldhúmið
feykir.is Skagafjörður, Lokað efni 25.12.2024 kl. 10.00Kirkjukór Glaumbæjarprestakalls lagði land undir fót í aðdraganda aðventu í byrjun nóvember og hélt til Þýskalands til að syngja á menningarnótt í Rheinsberg þar í landi. Ferðin var farin ári á eftir áætlun og Feykir hafði samband við Gunnar Rögnvaldsson á Löngumýri og bað hann að segja okkur ferðasöguna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.