Parmaskinkusalat og grillaðir þorskhnakkar
„Uppskriftirnar eru hugdettur og samtíningur úr ísskápnum eftir matarlöngun hverju sinni og eru gerðar eftir tilfinningu og smekk, oftast erum við frekar kærulaus í eldhúsinu og sullum bara einhverju saman sem okkur finnst gott og langar í, það þarf ekki alltaf uppskriftir. Þær tilraunir hafa oftar en ekki tekist og þessar hafa staðið upp úr,“ segja Arnrún Bára Finnsdóttir og Kristján Ásgeirsson Blöndal frá Blönduósi sem voru matgæðingar vikunnar í 10. tölublaði Feykis árið 2015.
„En það er auðvitað hægt að skipta út hráefnum í þeim eftir smekk, eins og í forréttinum og eftirréttinum, en við reyndum nú að setja þetta upp í einhvers konar uppskriftir og vonandi eiga einhverjir eftir að njóta vel,“ segja þau ennfremur.
Forréttur
Parmaskinkusalat
Ristað brauð á pönnu:
Ólívuolíu er penslað á brauðið og það er steikt á pönnu. Kryddað með salti og pipar. Skorið í strimla eða teninga.
Brauðinu er raðað fallega á disk og eftirfarandi sett ofan á:
Klettasalat
Parmaskinka
Salatfræ
Granatepli
Toppað og skreytt með grófu salti, fetosti og fetaostolíu og balsamikediki.
Aðalréttur
Grillaðir þorskhnakkar
2 stór hnakkastykki, fyrir 2-4.
Þorskhnakkarnir eru marineraðir í eftirfarandi marineringu:
1 dl af ólívuolíu
Börkur af 1 lime, raspaður útí olíuna
2-3 hvítlauksgeirar
dass af salti og pipar
dass af ítalskri hvítlauksblöndu
Þægilegast er að skella þessu öllu í stóran heimilisplastpoka og leyfa þessu að taka sig í 2-3 tíma.
Aðferð:
Hnakkarnir eru svo vafðir í annað hvort beikon eða parmaskinku, persónulega finnst okkur parmaskinkan betri, og þeir grillaðir eftir smekk. Best er að hafa þá í álbakka því þeir eiga það til að losna í sundur og safinn úr þeim er mikill.
Meðlæti sem gott er að hafa með er köld piparsósa, ferskt salat, sætar kartöflur í ofni og snittubrauð.
Eftirréttur
Kanil-karamellu góðgæti
Lu kanilkex mulið í skál og litlir bitar af franskri súkkulaðiköku settir í botninn. Þeyttur rjómi og ís eru sett ofan á. Toppað með berjum/ávöxt eftir smekk og loks bræddum Góu kúlum.
Eftirréttur 2
Frönsk súkkulaðikaka
2 dl sykur
200 g smjör
200 g suðusúkkulaði
1 dl hveiti
4 stk egg
Aðferð:
Þeytið eggin og sykurinn vel saman. Bræðið smjörið og súkkulaðið saman við vægan hita í potti. Blandið hveitinu saman við eggin og sykurinn. Bætið bráðnu súkkulaðinu og smjörinu að lokum varlega út í deigið. Bakið í vel smurðu tertuformi (ath. ekki lausbotna) við 170°C í 30 mínútur.
Krem á kökuna:
Karamellu Pipp frá Nóa Síríus og smá rjómi, þar til Pippið hefur bráðnað.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.