Örvæntingarfull undirboð að sliga verktaka
Örvæntingafullir jarðvinnuverktakar á Íslandi virðast þessa dagana bjóða allt niður í 45 - 50% af kostnaðaráætlunum verka í von um að hreppa hnossið.
Feykir.is sagði frá því í gær að Víðmelsbræður í Skagafirði hefðu nú fyrir helgi sagt upp 5 af 7 starfsmönnum sínum. Að sögn Jóns Árnasonar hjá Víðmelsbræðrum er gríðarlega erfitt að sækja verkefni í dag sökum þess að þau séu að fara á um það bil 50% af kostnaðarverði og slíkt sé ekki hægt að keppa við samhliða því að halda áfram rekstri.
Sömu sögu segja aðrir verktakar en mbl.is greinir frá verktaka á Suðurnesjum sem greip til þess að segja öllum 50 starfsmönnum sínum upp. Sagðist verktakinn ekki treysta sér til þess að reka fyrirtæki sitt í umhverfi þar sem flest verk eru unnin fyrir um 50% af kostnaðaráætlun.
Vinnureglur Vegagerðar ríkisins eru þær að verktaki sem býður í verk verður að sýna fram á að velta síðustu þriggja ára á undan sé í það minnsta helmingur upphæðar verksins. Verktaki verði að hafa staðið skil á opinberum gjöldum auk þess sem verkstaða og almenn ábyrgð verktaka er skoðuð.
Hafi verktaki staðið í skilum og rekið fyrirtæki sitt vel síðustu þrjú ár er því ekki gerð athugasemd við að tilboð í verk nemi ekki nema tæplega helming kostnaðar við verkið.
Þá er farið fram á verktryggingu en bankar eru í auknum mæli farnir að fara fram á að verkkaupi skilji eftir hluta greiðslu til verktaka sem tryggingu bankans. Þetta þýðir þá í raun að verktaki er farin að vinna verkið fyrir helmingi lægra verð en það er í raun talið kosta auk þess að hluta af greiðslu hans er haldið eftir þar til verkinu lýkur.
Verktaki sem Feykir.is ræddi við sagði að ljóst væri að verktakar sem tækju að sér verk á þessum undirkjörum gætu ekki staðið í skilum og þá yrðu það oftar en ekki undirverktakar, birgjar og fleiru sem sætu eftir með sárt ennið og fengju skuld sína ekki greidda. Undirboð sem þessu væru einfaldlega upphafði á endinum.
-Það ástand sem einkennir markaðinn í dag er í fyrsta, öðru og þriðja lagi verkefnaskortur sem aftur leiðir að sér þessi skelfilegu undirboð sem eru engum til gagns eða góðs, segir Árni Jóhannsson, forstöðumaður mannvirkjasviðs Samtaka Iðnaðarins. Aðspurður um hvort samtökin muni beita sér í þessu ástandi segir Árni að búið sé að þrýsta verulega á hið opinbera um að setja fleiri verk í útboð. -Stærri sveitarfélög og ríkið hafa eiginlega verið með útboðsbann síðustu mánuði sem hefur komið illa niður á þessari stóru grein. Hér eru mörg störf í húfi, segir Árni.
Fleiri fréttir
-
Opið fyrir umsóknir í tvo sjóði hjá UMFÍ
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 03.04.2025 kl. 13.29Á vef UMFÍ segir að búið er að opna fyrir umsóknir í Fræðslu- og verkefnasjóð UMFÍ og Umhverfissjóð UMFÍ. Sjóðirnir gagnast afar vel þeim sem leita eftir stuðningi við félags- og íþróttastarf og umhverfisverkefni. Rétt til umsóknar úr sjóðunum eiga sambandsaðilar UMFÍ, aðildarfélög sem eru virk í starfi og deildir innan þeirra. Einnig eiga stjórn og nefndir UMFÍ rétt á að sækja um styrk úr sjóðunum.Meira -
Rabarbarafreyðivín þróað á Hvammstanga
feykir.is Austur-Húnavatnssýsla, Vestur-Húnavatnssýsla, Lokað efni 03.04.2025 kl. 11.50Bændablaðið segir frá því að á Hvammstanga er verið að þróa framleiðslu á íslensku víni, Rabarbarafreyðivínið Hret, og er áætlað er að það komi á innlendan markað árið 2026. Forsvarsmenn Hrets þær stöllur Hrund Jóhannsdóttir og Greta Clough vinna um þessar mundir að þróun á íslensku freyði- og ávaxtavíni. Markmiðið er að þróa farsælt vörumerki með áherslu á íslenskan uppruna en á alþjóðlegum markaði.Meira -
Domi ráðinn þjálfari yngri flokka hjá Hvöt
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 03.04.2025 kl. 11.26Stjórn knattspyrnudeildar Hvatar hefur ráðið Juan Carlos Dominguez Requena (Domi) í starf þjálfara yngri flokka hjá deildinni frá og með 1. apríl 2025. Dom kemur til deildarinnar frá Tindastól þar sem hann hefur þjálfað yngri flokka undanfarin ár.Meira -
Barnaleikritið Ferðin á heimsenda frumsýnd í kvöld
feykir.is Austur-Húnavatnssýsla, Vestur-Húnavatnssýsla, Mannlíf 03.04.2025 kl. 11.21Leikfélag Blönduóss frumsýnir í kvöld, fimmtudaginn 3. apríl, í Félagsheimilinu á Blönduósi, barnaleikritið Ferðin á heimsenda eftir Olgu Guðrúnu Árnadóttur. Stór og flottur leikhópur á öllum aldri tekur þátt í sýningunni og er það hinn reyndi leikstjóri, Sigurður Líndal sem stýrir hópnum.Meira -
Stólarnir tóku fyrsta sigurinn í einvíginu gegn Keflvíkingum
feykir.is Skagafjörður, Íþróttir, Lokað efni 02.04.2025 kl. 23.59Það reyndist raunin, líkt og Feykir hafði bent á í morgun, að Keflvíkingar voru sýnd veiði en ekki gefin. Þeir mættu brattir til leiks í Síkinu í kvöld í fyrstu rimmu deildarmeistara Tindastóls og Suðurnesjapiltanna í einvígi liðanna í átta liða úrslitum Bónus deildar karla. Eftir sveiflukenndan leik þá var það loks í blálokin sem Stólarnir tryggðu sér sigurinn eftir að gestirnir höfðu leitt með fjórum stigum í hálfleik. Lokatölu 94-87 og næst liggur leiðin í Keflavíkina.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.