Óhapp í flúðasiglingum í skoðun
Sagt er frá því á Mbl.is að Siglingastofnun sé með til skoðunar viðbrögð við alvarlegu óhappi í flúðasiglingum niður Austari-Jökulsá í Skagafirði á dögunum, þegar maður á fimmtugsaldri örmagnaðist í flúðunum og var nærri drukknaður.
Þórhildur Elín Elínardóttur upplýsingafulltrúi Siglingastofnunar segir á Mbl.is í morgun að verið sé að fara yfir málið. Að baki leyfisveitingu fyrir flúðasiglingar liggja m.a. verklagsreglur. Hún segir jafnframt að Siglingamálastofnun hafi fengið spurnir af atvikinu, rætt við forsvarsmenn fyrirtækisins og málið sé til skoðunar hjá stofnuninni í samvinnu við Vinnueftirlitið.
Niðurstaða er ekki fengin en væntanlega verður eitthvað hnykkt á þessum verklagsreglum,“ segir Þórhildur en umræddar verklagsreglur fyrir flúðasiglingafyrirtæki snúa m.a. að viðbrögðum við óhöppum, aðbúnaði og öryggisviðbúnaði á staðnum og hvaða kunnáttu starfsmenn þurfa að búa yfir. Siglingastofnun gefur út starfsleyfi fyrir flúðasiglingar en aðeins eru þrjú fyrirtæki starfandi á þessu sviði í landinu; tvö í Skagafirði og eitt á Suðurlandi.
/Mbl.is
Fleiri fréttir
-
Tómar tilviljanir urðu til þess að Andri Már er óvart kominn með hljómsveit í Mexíkó
feykir.is Skagafjörður, Listir og menning, Lokað efni 15.03.2025 kl. 22.41„Veðrið er frábært! Núna er klukkan átta að morgni og hitinn er um 10 gráður, svo fer hitinn upp í 25-30 gráður yfir daginn svo það er eins gott að eiga góðan kúrekahatt til að skýla sér fyrir sólinni,“ segir Andri Már Sigurðsson, tónlistarmaður og Króksari í Mexíkó, þegar Feykir tekur hann tali og byrjar að sjálfsögðu á því að spyrja um veðrið. Viðtalið snýst þó ekki um veður, heldur tónlist og hvernig Andri Már stofnaði óvart hjómsveit í MexíkóMeira -
Gestirnir höfðu betur í baráttuleik
feykir.is Skagafjörður, Íþróttir, Lokað efni 15.03.2025 kl. 21.28Það var boðið upp á markaveilsu í blíðunni á Króknum í dag þegar lið Tindastóls tók á móti sameinuðu liði Hattar/Hugins að austan í Lengjubikarnum. Jafnt var í hálfleik, 1-1. en fjör færðist í markaskorunina í síðari hálfleik og fór svo á endaum að gestirnir unnu leikinn 3-4 eftir mark í uppbótartíma.Meira -
Það er sjö stiga hiti í veðurkortunum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.03.2025 kl. 21.21Það er ekki ólíklegt að flestir aðrir en skíðavinir gleðjist yfir veðurspánni næstu daga. Það eru vorhlýindi í kortunum og stöðugleikinn svo einstakur að sumir gætu jafnvel haldið að vefur Veðurstofunnar væri bilaður – þannig er til dæmis spáð sjö stiga hita á hádegi á Sauðárkróki næstu fimm daga eða alveg fram á fimmtudag hið minnsta.Meira -
Stefnt að endurnýjun rafkerfisins í kirkjugarði Blönduóss
feykir.is Austur-Húnavatnssýsla, Mannlíf 15.03.2025 kl. 21.19Húnahornfið segir frá því að á aðalfundi Kirkjugarðs Blönduóss, sem fram fór 12. mars síðastliðinn, var samþykkt að á næstu þremur árum yrði unnið að endurnýjun rafmagnskerfisins í kirkjugarðinum og að sett yrði upp tenglahús fyrir jólaljósin. Þá var samþykkt að ganga frá göngustígum í nýjasta hluta garðsins og setja mottur, eins og eru á stígunum sem liggja í gegnum garðinn. Lausleg kostnaðaráætlun vegna þessara framkvæmda er um átta milljónir króna.Meira -
Njarðvíkingar brugðu fæti fyrir lið Tindastóls
feykir.is Skagafjörður, Íþróttir, Lokað efni 14.03.2025 kl. 09.48Tindastólsmenn spiluðu í gær við lið Njarðvíkur í spunkunýju Ljónagryfjunni í næstsíðustu umferðinni í Bónus deildinni þennan veturinn. Umræðan hjá spekingum hefur mestmegnis verið á þá leið að það væri nánast formsatriði fyrir Stólana að tryggja sér deildarmeistaratitilinn en útileikur í Njarðvík og heimaleikur gegn Val eru ekki beinlínis léttasta leiðin að deildarmeistaratitlinum þegar allt er í járnum. Það fór svo að Njarðvíkingar voru frískari og þá sér í lagi byrjunarlið þeirra sem skoraði öll stig liðsins utan einhverra sex sem SnjólfurStefánsson gerði. Lokatölur voru 101-90.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.