Nýtt og betra toppstykki á stromp Steinullar
Um mánaðamótin júlí ágúst var endurnýjuðum strompi komið fyrir við verksmiðju Steinullar á Eyrinni á Sauðárkróki. Strompurinn er nú tveimur metrum hærri en áður, nær því 42 metra hæð sem er dágott.
Nýr strompur kom reyndar ekki til af góðu því um átta metra stykki, fyrir ofan stagfestingar, brotnaði af honum í mars síðastliðnum og féll til jarðar. Enginn var á ferðinni þarna á þessum tíma og því enginn í hættu. Verksmiðjuhúsið slapp alveg en einingarnar féllu að hluta niður á innmötunarfæriband sem færir sand inn í verksmiðjuna og skemmdist það lítillega. Samkvæmt upplýsingum Feykis gerðist þetta utan dagvinnutíma og ekki var hætta á ferðum þar sem alla jafna er ekki mannskapur á svæðinu þar sem strompurinn kom niður. Ástæðan fyrir því að strompurinn brotnaði er tæring sem myndast hafði í efri hlutanum en strompurinn var settur upp 1985 og stóðst þá allar kröfur.
Að sögn Stefáns Loga Haraldssonar, framkvæmdastjóra Steinullar, var Umhverfisstofnun þegar upplýst um atburðinn og ekki var talið að hætta væri á neinni mengun á meðan beðið væri eftir endurnýjun á strompi. Stefán segir að enginn hafi getað átt von á því að strompurinn gæfi sig, enda byggður samkvæmt ítrustu burðarkröfum á sínum tíma og ekki hafi verið um neina vanrækslu að ræða – þetta hafi verið ófyrirsjáanlegur atburður.
Það var Slippurinn á Akureyri sem annaðist smíðina á nýja toppstykkinu og kom honum síðan fyrir með hjálp stóreflis kranabíls sem þeir hafa á sínum snærum. Kraninn þurfti að lyfta nýja strompinum á sinn stað og þurfti því að komast töluvert hærra en í 42 metra hæð.
„Eftir stendur að við erum með endurnýjaðan stromp, sem væntanlega endist gott betur en næstu 40 árin og stöndumst allar kröfur, umhverfis- og hönnunarlega séð,“ segir Stefán Logi að lokum.
- - - - - -
Myndirnar tóku Trausti Jóel og Óli Arnar.
Fleiri fréttir
-
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira -
Björgunarsveitin Strönd aðstoðaði fasta ökumenn á Þverárfjalli
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 09.02Seint í gærkvöldi var björgunarsveitin Strönd á Skagaströnd kölluð út vegna sex bíla sem sátu fastir í snjó á Þverárfjalli. Í tilkynningu frá Landsbjörg segir að björgunarsveitarfólk hafi farið úr húsi rétt um hálf tólf og var búið að losa alla bíla um 50 mínútum síðar.Meira -
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.