Nýtt fræðasetur á Skagaströnd
Stjórn Stofnunar fræðasetra Háskóla Íslands hefur auglýst laust til umsóknar starf forstöðumanns Rannsókna- og fræðaseturs Háskóla Íslands á Norðurlandi vestra með aðsetur á Skagaströnd.
Er setrinu ætlað að verða vettvangur fyrir samstarf Háskóla Íslands við sveitarfélög á Norðurlandi vestra, stofnanir fyrirtæki, félagasasmtök og einstaklinga.
Meginhlutverk setursins er að efla starfsemi Háskóla Íslands á Norðurlandi vestra með rannsóknum í íslenskri sagnfræði.
-Starfsmaðurinn mun verða sagnfræðingur og einbeita sér að því sem kallast munnleg saga. Eitt af vandamálum nútímans er að fólk er að stórum hluta hætt að senda sendibréf og því er hætt við að sagnfræðingar framtíðarinnar hafi úr litlu að moða nema reynt sé að vinna munnlegar sagnir í ritað mál svo til jafnóðum, segir Rögnvaldur Ólafsson, forstöðumaður Stofnunar Fræðasetra Háskóla Íslands. -Starfsmaðurinn mun safna þessum munnlegu upplýsingum og mun hann líta helst til sinnar heimabyggðar og héraðsins þó svo að starf hans verði ekki endielga eingöngu bundið við það. Það liggur á söfnum víða á landinu mikið magn af gömlum kasettum sem þarf að vinna úr og að líkindum mun sú úrvinnsla að hluta koma í hlut viðkomandi starfsmanns, bætir Rögnvaldur við.
Stofnun um munnlega sögu er búin að vera til staðar lengi á vegum Háskóla Íslands og sagnfræðideildar og er nú þegar starfsmaður í 1/2 starfi við þá deild. Mun við nýja Fræðasetur starfa náið með þeim starfsmanni.
Að sögn Rögnvaldar er litið á starfið sem framtíðarstarf en það kom til á aukafjárlögum og var á Norðvesturáætlun. Hins vegar sé ekkert öruggt eins og staðan er í dag og því þurfi hið nýja setur að vinna hart að því að sanna tilverurétt sinn.
Fleiri fréttir
-
Opið fyrir umsóknir í tvo sjóði hjá UMFÍ
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 03.04.2025 kl. 13.29Á vef UMFÍ segir að búið er að opna fyrir umsóknir í Fræðslu- og verkefnasjóð UMFÍ og Umhverfissjóð UMFÍ. Sjóðirnir gagnast afar vel þeim sem leita eftir stuðningi við félags- og íþróttastarf og umhverfisverkefni. Rétt til umsóknar úr sjóðunum eiga sambandsaðilar UMFÍ, aðildarfélög sem eru virk í starfi og deildir innan þeirra. Einnig eiga stjórn og nefndir UMFÍ rétt á að sækja um styrk úr sjóðunum.Meira -
Rabarbarafreyðivín þróað á Hvammstanga
feykir.is Austur-Húnavatnssýsla, Vestur-Húnavatnssýsla, Lokað efni 03.04.2025 kl. 11.50Bændablaðið segir frá því að á Hvammstanga er verið að þróa framleiðslu á íslensku víni, Rabarbarafreyðivínið Hret, og er áætlað er að það komi á innlendan markað árið 2026. Forsvarsmenn Hrets þær stöllur Hrund Jóhannsdóttir og Greta Clough vinna um þessar mundir að þróun á íslensku freyði- og ávaxtavíni. Markmiðið er að þróa farsælt vörumerki með áherslu á íslenskan uppruna en á alþjóðlegum markaði.Meira -
Domi ráðinn þjálfari yngri flokka hjá Hvöt
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 03.04.2025 kl. 11.26Stjórn knattspyrnudeildar Hvatar hefur ráðið Juan Carlos Dominguez Requena (Domi) í starf þjálfara yngri flokka hjá deildinni frá og með 1. apríl 2025. Dom kemur til deildarinnar frá Tindastól þar sem hann hefur þjálfað yngri flokka undanfarin ár.Meira -
Barnaleikritið Ferðin á heimsenda frumsýnd í kvöld
feykir.is Austur-Húnavatnssýsla, Vestur-Húnavatnssýsla, Mannlíf 03.04.2025 kl. 11.21Leikfélag Blönduóss frumsýnir í kvöld, fimmtudaginn 3. apríl, í Félagsheimilinu á Blönduósi, barnaleikritið Ferðin á heimsenda eftir Olgu Guðrúnu Árnadóttur. Stór og flottur leikhópur á öllum aldri tekur þátt í sýningunni og er það hinn reyndi leikstjóri, Sigurður Líndal sem stýrir hópnum.Meira -
Stólarnir tóku fyrsta sigurinn í einvíginu gegn Keflvíkingum
feykir.is Skagafjörður, Íþróttir, Lokað efni 02.04.2025 kl. 23.59Það reyndist raunin, líkt og Feykir hafði bent á í morgun, að Keflvíkingar voru sýnd veiði en ekki gefin. Þeir mættu brattir til leiks í Síkinu í kvöld í fyrstu rimmu deildarmeistara Tindastóls og Suðurnesjapiltanna í einvígi liðanna í átta liða úrslitum Bónus deildar karla. Eftir sveiflukenndan leik þá var það loks í blálokin sem Stólarnir tryggðu sér sigurinn eftir að gestirnir höfðu leitt með fjórum stigum í hálfleik. Lokatölu 94-87 og næst liggur leiðin í Keflavíkina.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.