Nýtt fjós tekið í notkun með pompi og prakt á Syðri Hofdölum
Mikið var um dýrðir um síðustu helgi þegar nýtt fjós var tekið í notkun af Hofdalabúinu ehf. á bænum Syðri Hofdölum í Viðvíkursveit. Eigendur að Hofdalabúinu ehf. eru hjónin Trausti Kristjánsson og Ingibjörg Aadnegard, sonur þeirra Atli Már Traustason og kona hans, Klara Helgadóttir, en auk þeirra starfa þau Friðrik Andri Atlason, Lilja Dóra Bjarnadóttir, Aníta Ýr Atladóttir og Trausti Helgi Atlason við búið.
Það er óhætt að segja að nýja fjósið sé engin smásmíði en það er 2060m2 að stærðog mun vera með stærstu fjósum í Skagafirði. Í því eru legubásar fyrir 156 kýr og kelfdar kvígur og auk þess pláss fyrir 80 kvígur aðrar í uppeldi.
Fyrsta skóflustunga að húsinu var tekin þann 31. mars á síðasta ári og var það því tæpt ár í byggingu. Þykkingar undir súlur og úthring voru steyptar í lok apríl og í byrjun maí var botnplata í haughúsi steypt. Síðasta steypa var svo laust fyrir jól en í verkið fóru um 1.000 rúmmetrar af steypu.
Það var Uppsteypa ehf. sem sá um bygginguna og byggingarstjóri var Trausti Valur Traustason og húsasmíððameistari Helgi Hrannar Traustason en þeir eru báðir synir Trausta og Ingibjargar. Aðrir sem að verkinu komu voru: Víðimelsbræður sem sáu um grunninn og alla jarðvinnu, Ragnar Þór Einarsson múrarameistari og Hendill ehf., Herbert Hjálmarsson, Guðmundur Brynjar Ólafsson, Tengill ehf., JVB pípulagnir ehf. Húsamálun ehf., Sel ehf., Verslunin Eyri, Vörumiðlun, KS, Landstólpi ehf., og Skaginn 3X sá um háþrýstikerfi. Innréttingar og mottur í legubása koma frá Líflandi, DeLaval mjaltabás, kjarnfóðurbásar og kúaburstar eru frá Bústólpa, viftur og loftræsting frá Kemi, þak, gluggar og hurðir frá Límtré Vírnet, ljósabúnaður frá Rafeiningu og húsið er klætt að utan með klæðningu frá H.Haukssyni. Þá eru í fjósinu Lely flórgoði og Lely Juno heysópur. Margir fleiri lögðu hönd á plóg og eiga kærar þakkir skyldar.
Að sögn ábúenda eru helstu tækninýjungar í húsinu þær að loftræsting er sjálfvirk en hún tekur inn loft á hliðum hússins og sogar út um viftur í þaki og sér loftræstingin um að halda því hitastigi sem óskað er eftir í húsinu. Þá er þar afrúllari framan á liðlétting sem keyrður inn fóðurgang og gefur til beggja handa eftir þörfum, sjálfvirkur fóðursópur sópar heyinu að kúnum en hægt er að stilla hann eftir því hve nálægt hann á að fara og hve oft. Einnig er þar flórgoði sem sér um að halda hreinu og er algengur í nýjum fjósum.
Í tilefni af opnuninni var boðið til veislu í nýja fjósinu á sunnudaginn var og mættu þar um 5-600 manns til að líta á herlegheitin og samfagna eigendunum.
Myndir: FE
Fleiri fréttir
-
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira -
Mynd Óskars Páls, Árnar þagna, sýnd í Króksbíó
feykir.is Skagafjörður, Listir og menning, Lokað efni 22.11.2024 kl. 09.00Óskar Páll Sveinsson ætlar að koma á heimaslóðir og bjóða Skagfirðingum í bíó. Næstkomandi mánudag kl. 20. sýnir hann í Sauðárkróksbíói heimildamyndina Árnar þagna sem fjallar um áhrif sjókvíaeldis á laxi á lífríki og afkomu fjölskyldna í sveitum Íslands og Noregs sem hafa byggt lífsafkomu sína á hlunnindum af sjálfbærum stangveiðum í margar kynslóðir.Meira -
Þjóðarsátt um landbúnað til framtíðar | Guðmundur Hrafn Arngrímsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 08.30Landbúnaður og matvælaframleiðsla er elsta athafnasemi íbúa landsins og önnur af mikilvægustu atvinnugreinum þjóðarinnar, ásamt sjávarútvegi. Landbúnaður er í senn undirstaða byggðar í landinu, gríðarlega mikilvægur fyrir fæðuöryggi þjóðarinnar og lífstíll þeirra sem hann stunda. Þess vegna er mikilvægt að um landbúnað og matvælaframleiðslu ríki þjóðarsátt.Meira -
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.