Nýjar námsmatsreglur við FNV
Nýjar reglur um fyrirkomulag námsmats hafa tekið gildi í FNV. Samkvæmti hinum nýju reglum er önninni skipt í tvo jafna hluta og skal námsmat (leiðsagnarmat, símat eða lokamat) fara fram í hvorum um sig. Einkunnir hvors hluta vega 50% af lokaeinkunn áfanga að teknu tilliti til verkefnavinnu.
Á heimasíðu skólans má sjá eftirfarandi texta:
Reglur um námsmat við FNV
1.Önninni er skipt í tvo jafna hluta og skal námsmat (leiðsagnarmat, símat eða lokamat) fara fram í hvorum um sig. Einkunnir hvors hluta vega 50% af lokaeinkunn áfanga að teknu tilliti til verkefnavinnu. Ákvæði um lágmarkseinkunn (45%) gildir um báða hluta (lotur) með undantekningu sbr. grein 4. Kennara er heimilt að ákveða mismunandi vægi verkefnavinnu í hvorum hluta fyrir sig.
2.Nemandi sem stenst ekki miðannarmat (undir 45%) tekur próf í annarlok sem nær til alls námsefnis annarinnar fyrir utan mat á verkefnavinnu, sem reiknast hluti heildareinkunnar.
3.Nemendum er skylt að undirgangast miðannarmat og mat í lok annar. Þó er gert ráð fyrir að utanskólanemendur taki einungis próf í annarlok sem nær til alls námsefnis áfangans, en þeim er þó heimilt að undirgangast miðannarmat. Þetta ákvæði á þó ekki við áfanga án áfangaprófs.
4.Undantekningar vegna ákvæða um lágmarkseinkunn:
a.Nemandi, sem stenst miðannarpróf sem vegur/vega 50% eða meira af miðannarmati, en fellur á slíku prófi/prófum í lok annar, þarf að endurtaka (sitja) báða hluta áfangans ef meðaltal einkunna miðannarprófs/-prófa og prófs/prófa í annarlok er lægra en 6 (60% án upphækkunar). Gildir þá einkunn úr prófi/prófum í seinni hluta sem lokaeinkunn.
b.Nemandi, sem stenst miðannarmat þar sem próf vegur/vega minna en 50%, en fellur á námsmati í lok annar, þarf að endurtaka (sitja) báða hluta áfangans ef meðaltal einkunna (próf, verkefni,ástundun o.s.frv.) úr miðannarmati og námsmati í annarlok er lægra en 6 (60% án upphækkunar). Gildir þá einkunn úr námsmati seinni hluta sem lokaeinkunn.
5.Í áföngum, án áfangaprófa, þarf nemandi að ná lágmarkseinkunn (45%) í áfanganum en ekki er unnt að taka heilt próf úr öllu námsefni áfangans.
6.Í áföngum með áfangaprófum á nemandi, sem ekki er ánægður með niðurstöðu miðannarmats, kost á því að undirgangast próf í annarlok sem nær til alls námsefnis annarinnar. Skal hann tilkynna skrifstofu skólans val sitt tveimur vikum fyrir upphaf prófa.
7.Engin sjúkrapróf eru haldin um miðbik annar. Geti nemandi ekki undirgengist miðannarpróf vegna veikinda, tekur hann próf í lok annar sem nær til alls námefnis annarinnar.
8.Hálft áfangapróf tekur 80 mínútur og heilt áfangapróf tekur 160 mínútur. Ekki er gert ráð fyrir að próftími verði framlengdur. Nemendum er ekki heimilt að yfirgefa prófstofu fyrr en að liðnum 45 mínútum.
9.Bannað er að hafa í prófi önnur hjálpartæki en þau sem leyfð. Óleyfileg eru m.a. farsími, mp-3 spilari o.s.frv. Verði nemandi uppvís að því að hafa slík tæki í prófi, er úrlausn hans ógild.
10.Þessar reglur skal kennari kynna nemendum sínum í upphafi annar og reglur um námsmat sem gilda um áfangann.
Skipulag þetta gildir frá upphafi vorannar árið 2010.
Fleiri fréttir
-
Tómar tilviljanir urðu til þess að Andri Már er óvart kominn með hljómsveit í Mexíkó
feykir.is Skagafjörður, Listir og menning, Lokað efni 15.03.2025 kl. 22.41„Veðrið er frábært! Núna er klukkan átta að morgni og hitinn er um 10 gráður, svo fer hitinn upp í 25-30 gráður yfir daginn svo það er eins gott að eiga góðan kúrekahatt til að skýla sér fyrir sólinni,“ segir Andri Már Sigurðsson, tónlistarmaður og Króksari í Mexíkó, þegar Feykir tekur hann tali og byrjar að sjálfsögðu á því að spyrja um veðrið. Viðtalið snýst þó ekki um veður, heldur tónlist og hvernig Andri Már stofnaði óvart hjómsveit í MexíkóMeira -
Gestirnir höfðu betur í baráttuleik
feykir.is Skagafjörður, Íþróttir, Lokað efni 15.03.2025 kl. 21.28Það var boðið upp á markaveilsu í blíðunni á Króknum í dag þegar lið Tindastóls tók á móti sameinuðu liði Hattar/Hugins að austan í Lengjubikarnum. Jafnt var í hálfleik, 1-1. en fjör færðist í markaskorunina í síðari hálfleik og fór svo á endaum að gestirnir unnu leikinn 3-4 eftir mark í uppbótartíma.Meira -
Það er sjö stiga hiti í veðurkortunum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.03.2025 kl. 21.21Það er ekki ólíklegt að flestir aðrir en skíðavinir gleðjist yfir veðurspánni næstu daga. Það eru vorhlýindi í kortunum og stöðugleikinn svo einstakur að sumir gætu jafnvel haldið að vefur Veðurstofunnar væri bilaður – þannig er til dæmis spáð sjö stiga hita á hádegi á Sauðárkróki næstu fimm daga eða alveg fram á fimmtudag hið minnsta.Meira -
Stefnt að endurnýjun rafkerfisins í kirkjugarði Blönduóss
feykir.is Austur-Húnavatnssýsla, Mannlíf 15.03.2025 kl. 21.19Húnahornfið segir frá því að á aðalfundi Kirkjugarðs Blönduóss, sem fram fór 12. mars síðastliðinn, var samþykkt að á næstu þremur árum yrði unnið að endurnýjun rafmagnskerfisins í kirkjugarðinum og að sett yrði upp tenglahús fyrir jólaljósin. Þá var samþykkt að ganga frá göngustígum í nýjasta hluta garðsins og setja mottur, eins og eru á stígunum sem liggja í gegnum garðinn. Lausleg kostnaðaráætlun vegna þessara framkvæmda er um átta milljónir króna.Meira -
Njarðvíkingar brugðu fæti fyrir lið Tindastóls
feykir.is Skagafjörður, Íþróttir, Lokað efni 14.03.2025 kl. 09.48Tindastólsmenn spiluðu í gær við lið Njarðvíkur í spunkunýju Ljónagryfjunni í næstsíðustu umferðinni í Bónus deildinni þennan veturinn. Umræðan hjá spekingum hefur mestmegnis verið á þá leið að það væri nánast formsatriði fyrir Stólana að tryggja sér deildarmeistaratitilinn en útileikur í Njarðvík og heimaleikur gegn Val eru ekki beinlínis léttasta leiðin að deildarmeistaratitlinum þegar allt er í járnum. Það fór svo að Njarðvíkingar voru frískari og þá sér í lagi byrjunarlið þeirra sem skoraði öll stig liðsins utan einhverra sex sem SnjólfurStefánsson gerði. Lokatölur voru 101-90.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.