Nýir tímar - nýjar leiðir
Nú eru þeir tímar í samfélaginu að meta verður upp á nýtt fjölmargt af því sem til þessa hefur þótt sjálfsagt og ekki mátt hrófla við. Þjóðin má ekki við sundurlyndi eða flokkadráttum og brýnt að heildarhagsmunir fái meira vægi en verið hefur. Einn þeirra málaflokka sem þetta á hvað helst við eru samgöngur á landi þar sem hyllir undir margháttaðar breytingar.
Auk þeirrar byltingar sem stefnir í með breyttum orkugjöfum fyrir bifreiðaflotann er líklegt að fjármögnun nýrra samgöngumannvirkja eigi eftir að breytast talsvert á næstunni og þá með auknum notendagjöldum hvort sem vegfarendum er það ljúft eða leitt. Sér þessu þegar stað í frumvarpi til fjárlaga fyrir árið 2010. Ákvörðunarvald um legu vega er hins vegar enn að mestu bundið við aðalskipulag hvers hinna 77 sveitarfélaga landsins án þess að hagsmunir heildarinnar fái komist að sem skyldi. Hér sýnist þurfa breytt regluverk og verklag. Bent hefur verið á möguleika á mjög arðsamri vegstyttingu milli Norðausturlands og vesturhluta landsins um svonefnda Svínavatnsleið í Austur-Húnavatnssýslu sem stytti leið um 13 til 15 km eftir leiðavali og aðra um og yfir 6 km í Skagafirði (sem hér er lagt til að verði nefnd Vindheimaleið). Með nýjum vegum þessar leiðir mætti ná allt að 20 km styttingu milli landshlutanna, sem yrði afar arðsöm fyrir samfélagið og sparaði þeirri umferð sem þar færi um kostnað upp á einhver hundruð milljónir króna á ári. Þar sem þessar hugmyndir falla ekki að hugmyndum að aðalskipulagi einstakra sveitarfélaga, sem að mestu byggja á óbreyttri legu vega á svæðinu hefur þó lítið orðið úr framkvæmdum.
Ekki skal gert lítið úr því að ýmsir kunna að hafa hagsmuni af óbreyttu fyrirkomulagi og hafa byggt upp þjónustu og starfsemi sem byggir á umferð sömu leið og verið hefur. Ef vegir þessa leið verða fjármagnaðair með lánsfé en ekki almennu vegafé og innheimt verða veggjöld af þeim sem kjósa hinar styttri leiðir má hins vegar telja að mjög sé komið til móts við þessa aðila, en þá hafa vegfarendur jafnframt val um að flýta för gegn greiðslu gjalds eða fara hægar um og njóta þeirrar þjónustu sem í boði er á hverjum stað, sem ferðamenn á leið um landið munu án efa óspart gera. Auk þess má gera ráð fyrir að umferð aukist umtalsvert með styttri leiðum sem einnig skapar tækifæri.
Þótt um sé að ræða mikilvægt málefni fyrir vegfarendur, farmflytjendur, íbúa Norðurlands, verktaka og raunar fjölda landsmanna er einnig brýnt að ákvörðun um breytingar sem þessar sé tekin í sem mestri sátt við íbúa og yfirvöld þeirra staða þar sem umferðarmynstur kann að breytast. Til að svo geti orðið þurfa Norðlendingar og aðrir sem áhuga hafa að ræða málin frá sem flestum hliðum og af hreinskiptni.
Því boða Atvinnuþróunarfélag Eyjafjarðar og Leið ehf. til opins fundar í Húnaveri í Langadal í Austur-Húnavatnssýslu laugardaginn 10. október nk. kl. 13:15 til þess að fjalla um þessi mál og leita leiða að sátt um þessar uppbyggilegu framkvæmdir. Þess er vænst að allir þeir sem láta sig þessi mál varða, ekki síst íbúar þeirra sveitarfélaga þar sem breytingar kunna að verða, sæki fundinn og láti í ljós skoðanir sínar og hugmyndir um hvernig þessum málum verði best háttað.
Jónas Guðmundsson,
formaður stjórnar Leiðar ehf.
Fleiri fréttir
-
Tómar tilviljanir urðu til þess að Andri Már er óvart kominn með hljómsveit í Mexíkó
feykir.is Skagafjörður, Listir og menning, Lokað efni 15.03.2025 kl. 22.41„Veðrið er frábært! Núna er klukkan átta að morgni og hitinn er um 10 gráður, svo fer hitinn upp í 25-30 gráður yfir daginn svo það er eins gott að eiga góðan kúrekahatt til að skýla sér fyrir sólinni,“ segir Andri Már Sigurðsson, tónlistarmaður og Króksari í Mexíkó, þegar Feykir tekur hann tali og byrjar að sjálfsögðu á því að spyrja um veðrið. Viðtalið snýst þó ekki um veður, heldur tónlist og hvernig Andri Már stofnaði óvart hjómsveit í MexíkóMeira -
Gestirnir höfðu betur í baráttuleik
feykir.is Skagafjörður, Íþróttir, Lokað efni 15.03.2025 kl. 21.28Það var boðið upp á markaveilsu í blíðunni á Króknum í dag þegar lið Tindastóls tók á móti sameinuðu liði Hattar/Hugins að austan í Lengjubikarnum. Jafnt var í hálfleik, 1-1. en fjör færðist í markaskorunina í síðari hálfleik og fór svo á endaum að gestirnir unnu leikinn 3-4 eftir mark í uppbótartíma.Meira -
Það er sjö stiga hiti í veðurkortunum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.03.2025 kl. 21.21Það er ekki ólíklegt að flestir aðrir en skíðavinir gleðjist yfir veðurspánni næstu daga. Það eru vorhlýindi í kortunum og stöðugleikinn svo einstakur að sumir gætu jafnvel haldið að vefur Veðurstofunnar væri bilaður – þannig er til dæmis spáð sjö stiga hita á hádegi á Sauðárkróki næstu fimm daga eða alveg fram á fimmtudag hið minnsta.Meira -
Stefnt að endurnýjun rafkerfisins í kirkjugarði Blönduóss
feykir.is Austur-Húnavatnssýsla, Mannlíf 15.03.2025 kl. 21.19Húnahornfið segir frá því að á aðalfundi Kirkjugarðs Blönduóss, sem fram fór 12. mars síðastliðinn, var samþykkt að á næstu þremur árum yrði unnið að endurnýjun rafmagnskerfisins í kirkjugarðinum og að sett yrði upp tenglahús fyrir jólaljósin. Þá var samþykkt að ganga frá göngustígum í nýjasta hluta garðsins og setja mottur, eins og eru á stígunum sem liggja í gegnum garðinn. Lausleg kostnaðaráætlun vegna þessara framkvæmda er um átta milljónir króna.Meira -
Njarðvíkingar brugðu fæti fyrir lið Tindastóls
feykir.is Skagafjörður, Íþróttir, Lokað efni 14.03.2025 kl. 09.48Tindastólsmenn spiluðu í gær við lið Njarðvíkur í spunkunýju Ljónagryfjunni í næstsíðustu umferðinni í Bónus deildinni þennan veturinn. Umræðan hjá spekingum hefur mestmegnis verið á þá leið að það væri nánast formsatriði fyrir Stólana að tryggja sér deildarmeistaratitilinn en útileikur í Njarðvík og heimaleikur gegn Val eru ekki beinlínis léttasta leiðin að deildarmeistaratitlinum þegar allt er í járnum. Það fór svo að Njarðvíkingar voru frískari og þá sér í lagi byrjunarlið þeirra sem skoraði öll stig liðsins utan einhverra sex sem SnjólfurStefánsson gerði. Lokatölur voru 101-90.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.