Ný heimssýn - Stöndum saman um fullveldi Íslands
Í sumar samþykkti Alþingi, með naumum meirihluta, að sótt yrði um aðild að Evrópusambandinu. Nú er hafið langt og kostnaðarsamt umsóknarferli sem mun að öllum líkindum enda með þjóðaratkvæðagreiðslu þar sem tekin verður afstaða til þess hvort Ísland gangi í ESB. Heimssýn eru þverpólitísk samtök sem taka afstöðu gegn aðild Íslands að ESB og telja hagsmunum Íslendinga best borgið utan sambandsins. Við, sem sitjum á Alþingi fyrir þrjá mismunandi stjórnmálaflokka, munum starfa náið með Heimssýn í þeirri baráttu sem framundan er.
Norska fordæmið
Norðmenn hafa tvisvar hafnað ESB aðild í þjóðaratkvæðagreiðslu og eru í dag ein ríkasta þjóð í heimi. Um helgina sóttum við landsþing Norsku samtakanna Nei til EU sem fögnuðu því að 15 ár eru liðin frá því aðild Noregs að sambandinu var síðast hafnað. Nei til EU eru gríðarlega öflug samtök með um 30.000 félagsmenn og á þriðja hundrað þeirra sóttu landsþingið. Samtökin búa yfir yfirgripsmikilli þekkingu á Evrópumálum og alþjóðasamskiptum, sem átti sinn þátt í því að Norðmenn höfnuðu aðild að ESB og kusu að vera sjálfstæð rödd á alþjóðavettvangi. Landsfundarfulltrúar Nei til EU voru fullir eldmóðs og baráttuanda og lýstu yfir miklum vilja til að deila þekkingu með Íslendingum. Á fundinum var lagður grunnur að víðtæku samstarfi Nei til EU og Heimssýnar á Íslandi.
Íslendingar eru auðug þjóð, rík af náttúruauðlindum auk þess sem mikil tækifæri felast í legu landsins m.a. með tilliti til nýrrar siglingaleiðar um Norðurhöf. Heimssýn okkar er víðari en svo að hún nái aðeins til landa í Evrópusambandinu þar sem einungis búa 6% jarðarbúa. Framundan er barátta fyrir fullveldi þjóðarinnar. Með samtakamætti á þverpólitískum grunni næst besti mögulegi árangur í þeirri baráttu. Við hvetjum þá sem eru sammála okkur að skrá sig í Heimssýn og taka virkan þátt í baráttunni: www.heimssyn.is
Ásmundur Einar Daðason, þingmaður Vinstrihreyfingarinnar - græns framboðs og formaður Heimssýnar
Unnur Brá Konráðsdóttir, þingmaður Sjálfstæðisflokksins
Vigdís Hauksdóttir, þingmaður Framsóknarflokksins
Fleiri fréttir
-
Njarðvíkingar brugðu fæti fyrir lið Tindastóls
feykir.is Skagafjörður, Íþróttir, Lokað efni 14.03.2025 kl. 09.48Tindastólsmenn spiluðu í gær við lið Njarðvíkur í spunkunýju Ljónagryfjunni í næstsíðustu umferðinni í Bónus deildinni þennan veturinn. Umræðan hjá spekingum hefur mestmegnis verið á þá leið að það væri nánast formsatriði fyrir Stólana að tryggja sér deildarmeistaratitilinn en útileikur í Njarðvík og heimaleikur gegn Val eru ekki beinlínis léttasta leiðin að deildarmeistaratitlinum þegar allt er í járnum. Það fór svo að Njarðvíkingar voru frískari og þá sér í lagi byrjunarlið þeirra sem skoraði öll stig liðsins utan einhverra sex sem SnjólfurStefánsson gerði. Lokatölur voru 101-90.Meira -
Ísmót á Svínavatni
feykir.is Austur-Húnavatnssýsla, Lokað efni 14.03.2025 kl. 09.45Til stendur að halda Ísmót á Svínavatni laugardaginn 22. mars eða sunnudaginn 23. mars það getur verið áskorun á Íslandi að ákveða dagsetningu fyrir þessa tegund af móti því þetta verður ekki gert nema veður, ís og önnur skilyrði reynast í lagi.Meira -
Stærsta gjöf í sögu Skagfirðingasveitar | Hafdís Einarsdóttir skrifar
feykir.is Skagafjörður, Aðsendar greinar 14.03.2025 kl. 09.30Á laugardaginn fáum við í Skagfirðingasveit rausnarlegustu gjöf í sögu björgunarsveitarinnar afhenta. Flestir hér í Skagafirði þekkja væntanlega raunasöguna um það hvernig nýjum og fullkomnum björgunarbáti sem við höfðum keypt og greitt fyrir var að stórum hluta til beinlínis stolið af okkur. Báturinn var því aldrei smíðaður og hátt í tíu milljónir króna sem við höfðum safnað fóru í súginn. Færri vita e.t.v. að FISK Seafood, sem styrkt hafði kaupin með umtalsverðum hætti ákvað að bæta okkur skaðann með því að fjármagna að fullu nýjan og jafnvel enn fullkomnari björgunarbát. Andvirði bátsins, sem hlotið hefur nafnið Aldan, er um 20 milljónir króna og þarf kannski ekki að taka það fram að þessi gjöf er sú langstærsta sem Skagfirðingasveit hefur nokkru sinni veitt viðtöku.Meira -
Ákveðið að selja skrifstofuhúsnæði sveitarfélagsins við Faxatorg
feykir.is Skagafjörður, Lokað efni 14.03.2025 kl. 08.09Á fundi sveitarstjórnar Skagafjarðar þann 12. mars sl. var samþykkt samhljóða að selja skrifstofuhúsnæði í eigu sveitarfélagsins við Faxatorg á Sauðárkróki. Feykir spurði Einar E. Einarsson (B), forseta sveitarstjórnar, út í ástæður þess að Skagafjörður leitast nú við að selja eigninaMeira -
Þriðja mótið í Skagfirsku mótaröðinni framundan
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 13.03.2025 kl. 15.30Þriðja mótið í Skagfirsku mótaröðinni verður haldið í Svaðastaðahöllinni 22.mars næstkomandi kl 10:00. Keppt verður í Tölti og skeiði.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.