Mikið um að vera á Landsmóti
Nú er annar dagur Landsmótsins hafinn og hefur það farið vel af stað. Talsverður fjöldi fólks er mættur á Sauðárkrók til þess að taka þátt í viðburðum helgarinnar og á sá fjöldi væntanlega eftir að margfaldast þegar líður á daginn.
Í gær fór vaskur hópur fólks í þriggja tinda göngu á Mælifellshnjúk, Tindastól og Molduxa og má sjá myndir úr göngunni á Facebooksíðu UMFÍ.
Dagurinn í dag byrjaði á morgunjóga í íþróttahúsinu og var það notaleg stemning að sögn Pálínu Hraundal, verkefnisstjóri Landsmótsins.
Í hádeginu, alla daga mótsins, verður boðið upp á örfyrirlestra í Húsi frítímans sem hefjast allir kl. 12:15 og standa í 30 mínútur. Í dag heldur Sabína Steinunn Halldórsdóttir, íþrótta- og heilsufræðingur fyrirlestur sem nefnist Færni til framtíðar, hreyfifærni og náttúran, hvað hef ég og hvað get ég gert. Allir eru velkomnir á fyrirlestrana og boðið er upp á súpu.
Milli klukkan 16 og 18 verður haldin ráðstefna í Húsi frítímans þar sem margir áhugaverðir fyrirlestrar eru í boði.
Einn af hápunktum dagsins er keppni í Boccia sem hófst kl. 9 í morgun í íþróttahúsinu og stendur til kl. 17. Í Litla skógi verður útivist frá kl. 14-16 og keppt er í hinum ýmsu greinum hér og þar um bæinn. Klukkan 18 verða svo göturnar iðandi af lífi þegar 10 km götuhlaup hefst.
Í kvöld klukkan 19:00 hefst svo dagskrá í miðbænum þar sem mótið verður formlega sett og svo tekur við götupartý og gleði fram eftir kvöldi. Meðal skemmtikrafta eru Auddi og Steindi og hljómsveitin Albatross og Sverrir Bergmann ásamt fleirum. Dagskránni lýkur svo með miðnæturjóga á sandströndinni kl. 23:45 í kvöld.
Dagskrá mótsins má nálgast HÉR.
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.